NÜÜ̃ NANGÚTCHAÜ̃ẼẼ I DUÜ̃Ü̃
NGÚERUÜ̃ 8
Yana naĩnüwaꞌe
Ucuꞌẽ: “Rü yíxema tüxü̃́ nangẽxmaxẽ i ngechaü̃ rü guxchaxü̃maxã yáxna taxĩnü.” — 1 Cor. 13:4.
Taꞌacü Ngetchutchu naüü̃
1. Nüü̃ nadau i VÍDEO, rüeꞌna nawa naugütae Juã́ũ 7:3-5 rü 1 Corĩ́tiucü̃ãꞌ 15:3, 4, 7. Yicama, nanangãü̃ i nhaa cagü:
Taꞌacü nawa icuaꞌgüü̃ i Ngetchutchuarü cuaꞌruü̃?
2. Inawaꞌegü yana namaã iĩnüẽama erü nümaü̃ i duü̃ü̃gü tama paa nanayau i ore i meü̃.
Ngetchutchurüü̃ naü
3. Nanaütchicüü i cucümagü. Tchi wüi duü̃ü̃ tama nawaꞌegu Tupanaarü Orecaꞌ nangúe, taṹ nüü̃ cutchiewe. Ngẽguma nüü̃́ namegu, nanaweꞌ i vídeogü rü to i natchigagü na nüü̃ narüngü̃ẽẽü̃caꞌ na meã nüü̃ nacuaꞌü̃caꞌ na nhuãcü niĩ torü Tupanaarü Orearü ngúe rü ta na nhuãcü norü mecaꞌ niĩ i ngẽma.
4. Taṹ nagu cunangu i duü̃ü̃. Wüitchigü i duü̃ü̃ natoraü̃ niĩ. Tchi wüi duü̃ü̃ rüeꞌna cupatacü̃ãꞌ i namaã quideaü̃ rü tama nanawaꞌegu Tupanaarü Orecaꞌ nanguꞌü̃ rüeꞌna tama nagu nayaõgu i wüi Tupanaarü Orearü nguꞌẽẽtae, cugü naporaẽẽ na nüü̃ cucuaꞌü̃caꞌ tüꞌcüü̃ ngẽmagu narüĩnü i duü̃ü̃. Eꞌna wüi nguꞌẽẽtaeneta rü nüü̃́ nameẽtchi? Eꞌna napatacü̃ãꞌ rüeꞌna to duü̃ü̃ nüü̃ natchiewe? Yana namaã naĩnü na duü̃ü̃ nagu rüĩnüü̃caꞌ i guü̃ma i taꞌacü namaã quidea rü nüü̃ nicuaꞌãtchiü̃caꞌ na nhuãcü nameẽtchi niĩ i Tupanaarü nguꞌẽẽtaegü.
5. Nacaꞌ nayumüẽ i duü̃ü̃ i yeera nüü̃ cuaꞌtchaü̃. Yeuwacaꞌ naca na cuü̃ narüngü̃ẽẽü̃caꞌ na tama nüü̃ curütchau rü ta na mecümaãcüma quideama. Yumüẽwa rü nacaꞌ ínaca i cuaꞌ na nüü̃ cucuaꞌü̃caꞌ ngoi wüi duü̃ü̃ tama yeera nüü̃ nacuaꞌtchaü̃ rü ngẽmacaꞌ tama nüü̃ quiadauama. — 1 Cor. 9:26.
