TO NATCHIGAGÜ 3
Nhuãcü tá togüü̃ nanguꞌẽẽ namaã i popera Guü̃gutáma Cutaãẽ!
Taenegü rü poraãcü nayumüẽgü rü meãma nangugü i guü̃ma i natchigagü na naügüü̃caꞌ i popera Guü̃gutáma Cutaãẽ!. Na meã cuyoniẽü̃caꞌ i guü̃ma i norü meü̃gü, ngẽguma Tupanaarü Orecaꞌ duü̃ü̃maã cungúegu rü nüna nacuaꞌãtchi i ngẽma ucuꞌẽgü.
Ngúeü̃pa
-
1. Meã cugü nameẽẽ. Ngẽguma ngẽma cuügu, nagu rüĩnü i taꞌacü curü ngúetanüü̃ nawaꞌe, taꞌacü namaã nangupetüü̃ rü taꞌacügu narüĩnü i nüma. Nagu rüĩnü i taꞌacü bemana nüma rü tama meã nüü̃ nacuaꞌü̃ tá rüeꞌna nagutcha na nawaꞌeãcüma namaü̃ü̃caꞌ. Rü ta nüü̃ nadau na nhuãcü natchipeꞌe “Yeera nacaꞌ nadau” curü ngúetanüü̃ü̃ narüngü̃ẽẽ. Cugü nameẽẽ na ngẽma natchipeꞌetchiga quideaü̃caꞌ tchi nüü̃́ namegu.
Ngúeyane
-
2. Tchi curü ngúetanüü̃ nanayaugu, ngúearü ügügu rü norü guꞌgu nayumüẽ.
-
3. Ínauãẽ na tama ãũrima quideaütchiü̃caꞌ. Nagu rüĩnü i taꞌacü ngúewa nangẽma rü nanatautchaẽẽ na curü ngúetanüü̃ nideaü̃caꞌ.
-
4. Ngẽguma icunaügügu i wüi natchipeꞌe i poperawa, nawa naugütae i “Taꞌacü tá nüü̃ tacuaꞌgü?” rü natchiga nidea i nümaü̃ i ngúeruü̃gü.
-
5. Ngẽguma naguꞌgu i wüi natchipeꞌe i poperawa, namaã i “Ngeü̃rüüü̃ niĩ i curü ngãü̃?” curü ngúetanüü̃ rüngü̃ẽẽ na nüna nacuaꞌãtchiü̃caꞌ i taꞌacü marü nüü̃ nacuaꞌü̃.
-
6. Ngẽguma curü ngúetanüü̃maã nacaꞌ cungúegu i wüitchigü i ngúeruü̃:
-
Nawa naugütae i natchimaü̃gü naü̃pa i natchipeꞌe “Yeera nüü̃ cucuaꞌ”.
-
Nawa naugütae i guü̃ma i wetchicurugü i nhaü̃ i nacüwawa “Nawa naugütae”.
-
Nawa naugütae i to wetchicurugü i ngúeruü̃wa nangoꞌü̃ tchi nawaꞌegu.
-
Nüü̃ naweꞌ i guü̃ma i vídeogü ngẽguma nüü̃ niugu i nhaü̃ “Nüü̃ cudau i VÍDEO” (tchi marü nangẽmagu).
-
Nüna naca i guü̃ma i cagü.
-
Nüü̃ naweꞌ i natchicünaꞌã i nawa ngẽmaü̃ i natchipeꞌe “Yeera nüü̃ cucuaꞌ”, rü nüna naca na natchiga nideaü̃caꞌ.
-
Namaã i quadru “Ngẽma naü” curü ngúetanüü̃ü̃ rüngü̃ẽẽ na nanangugüü̃caꞌ i taꞌacü marü naü. Rü nüü̃ nataãẽẽẽ na nanaüü̃caꞌ i taꞌacü ngẽma quadru naucuꞌẽ, rü ta nüü̃ nauneta i taꞌacügü nüna nangútchaü̃ rüeꞌna naü i guü̃ i ngẽma.
-
Nüna naca tchi nüü̃ inayangaugu i wüi vídeo rüeꞌna wüi natchigagü ya natchipeꞌewa “Yeera nacaꞌ nadau” na yeera nüü̃́ name ngẽguma nanameẽẽgu i ngúeruü̃.
-
Wüitchigü i Tupanaarü Orearü ngúewa, cugü naporaẽẽ na wüi ngúeruü̃wa namaã cungúeü̃caꞌ.
-
Ngúewena
-
7. Nagu rüĩnüama i curü ngúetanüü̃. Yeuwacaꞌ nayumüẽ na nüü̃ narüngü̃ẽẽü̃caꞌ. Rü ta nacaꞌ naca i norü cuaꞌ na meü̃ i nacümamaã nüü̃ tá curüngü̃ẽẽü̃caꞌ.
