“Rü aicuma cuwa nangema i maü̃ rü cuma niĩ i tocaꞌ cunangóoneẽẽü̃.”—Salmos 36:9

Nhuãcü mea nüna cudauü̃ i maü̃ i Tupana cuna ãü̃?

• Puracügü 17:27, 28; Apocaríchiu 4:11

  Tupana tüna nanaãmare i maü̃, ngemacaꞌ name niĩ mea nüna idaugüü̃.

• Éxodo 21:22, 23; Éxodo 20:13

  Natchie i máeta rü maꞌacü.

• 1 Juã́ũ 3:11, 12, 15

  Taṹ togütchi aiü̃.

• 2 Corĩ́tiucü̃ãꞌ 7:1; Romacü̃ãꞌ 12:1

  Taṹ nayiiü̃ ya pori rü yimarüne rü taṹ nüü̃ cungüü̃ü̃ ya tchóteꞌene.

• Salmos 11:5

  Taṹ cüü̃́ nangútchaü̃ na nüü̃ cudawenüü̃ i máwaꞌeü̃ rü baitama namaã cuĩãwaꞌeü̃ i taꞌacü i ãũcümaü̃.

“Erü nagüwa niĩ nangemaü̃ i maü̃, erü norü maü̃ i guü̃ma i namatchi rü nagüwa nangema.”—Levítico 17:14, TNM

Taꞌacü niĩ Yeuwacaꞌ i nagü rü maü̃?

• Génesis 4:10; Deuteronômio 12:23, TNM

  Nagü rü maü̃ niĩ.

• Génesis 9:3, 4

  Name na namatchi i ngṍü̃, notürü tautama i nagü.

• Puracügü 15:28, 29; 21:25

  Tupana nanatchuꞌu na nagü i ngṍü̃. Nanawaꞌe na tauma nagümaã iüü̃, rü baitama üüruü̃ãcü.

• Ebréugü 11:6

  Guü̃guma narümemae na Tupanaga iĩnüeü̃.

“Tupana Nane ya Ngetchutchu rü nagümaã tüü̃́ inayanatauẽẽ i guü̃ma i tórü tchieü̃.”—1 Juã́ũ 1:7

Nhuãcü Ngetchutchuarü yu tüü̃ narüngüẽẽ?

• Levítico 17:11, TNM

  Nucüma Iraéuanecüãꞌgü nanawaꞌegü na Yeuwa nüü̃́ ínapiãü̃ i norü pecadugü yemacaꞌ sacerdoteü̃tawa nanagagü rü sacerdote na ãmaretchicagu nanabaü̃ i nagü i naeü̃gü.

• Mateu 20:28; Hebreus 9:11-14, TNM

  Ngetchutchu rü nua ga Naanewa naũ rü tacaꞌ niyu rü nagü naba. Ngemacaꞌ i nhuꞌma taucama Tupanana tanaãgü i naẽü̃gü na nüma tórü pecadugüü̃ nangetchaü̃ü̃caꞌ.

• Juã́ũ 3:16

  Ngetchutchu rü marü tacaꞌ nayu. Norü yugagu tee ya nüü̃́ yaõe rü tüü̃́ natautchaüra na tüü̃́ nangemaü̃ tá i maü̃ i taguma güü̃.