“Napeꞌegu tchacaã́püꞌü na nüü̃ tchicuaꞌüü̃ü̃caꞌ. Rü nüma niĩ i Nanatü yiĩü̃ i guü̃ma i norü duü̃ü̃gü i nhama i naanewa rü dauü̃guü̃ i naanewa ngemagüü̃.”​—Epéchiucü̃ãꞌ 3:14, 15

Nhuãcü cutanüü̃ nataãẽü̃ tá?

• Génesis 1:26-28

  Yeuwa niĩ naüü̃ ga nüíraü̃ü̃ ga natanüü̃.

• Epéchiucü̃ãꞌ 5:1, 2

  Nüü̃ yadauü̃ ya Yeuwa rü Ngetchutchu na cutanüü̃ nataãẽü̃caꞌ.

“Wüitchigü i pema i yatügü rü name niĩ i pemaꞌü̃ na pengetchaü̃ü̃ . . . Rü ngegumarüü̃ ta i pema i ngeü̃gü rü penawaꞌe i petega peĩnüe.”—Epéchiucü̃ãꞌ 5:33

Nhuãcü tá nügümaã namaẽ i yatüü̃ rü ngeü̃ i nügümaã i ngĩgüü̃?

• Epéchiucü̃ãꞌ 5:22-29

  Natanüü̃eru niĩ ya yatü. Nüma rü nanawaꞌe na namaꞌü̃ nangetchaü̃ rü ngee ngĩtega naĩnü.

• Corochacü̃ãꞌ 3:19; 1 Pedru 3:4

  Name na yatü i ãmacü rü ngee i ãtee nügümaã namecümagü rü nangechaü̃waꞌegü.

• 1 Pedru 3:1, 2, 7

  Name na yatü i ãmacü rü ngee i ãtee nügü nangetchaü̃gü rü yana nügümaã naĩnüe.

• 1 Timúteu 5:8; Titu 2:4, 5

  Name na yatü ya ingĩcü natchirucaꞌ rü õnacaꞌ yadauü̃ natanüü̃ãü̃. Rü namaꞌ mea napatana tadau.

“Rü tama name i penangamare rü penanuẽẽẽ i peacügü. Rü name niĩ i mea penayaeẽẽ, rü peyaucuꞌẽgü rü penangúeẽẽ na mea tórü Coriaü̃́ yaõgüãü̃caꞌ.”—Epéchiucü̃ãꞌ 6:4

Ngeü̃rüüü̃ niĩ papaarü rü mamaarü puracü?

• Deuteronómio 6:4-9; Proverbios 22:6

  Name na pema peacügüü̃ na buegutama penangúeẽẽgü i Yeuwatchigawa. Rü yana peacügümaã peĩnüeacüma nüü̃ narüngüẽẽgü na wüitchigü naacügü Yeuwamaã naãmücügüü̃caꞌ.

• 1 Pedru 5:8

  Penawaꞌe na peacügüü̃ penguꞌẽẽgü na nümagütama nügü ínapoü̃güü̃caꞌ nüna i ngẽma bueü̃ iyaumareü̃ rü togü ãũcümaü̃güna nügü ínapoü̃güü̃caꞌ.

• Proverbios 3:11,12; Ebréugü 12:9-11

  Name i pema rü peacügüü̃ pengúeẽẽ rü penayanaweꞌãtchiẽẽgü. Tautama nanueãcü ngẽma naügü rü bai natchiecümagüacü.

“Pa Buü̃gü. . . rü name niĩ i penatüga rü peega peĩnüe.” —Epéchiucü̃ãꞌ 6:1

Tüꞌcüü̃ penatüga rü peega peĩnüe?

• Proverbios 23:22-25, SBP; Corochacü̃ãꞌ 3:20

  Yeuwa rü papagü rü mamagü nataãẽgü ngeguma nanatüga rü naega naĩnüegu i naacügü.

• 1 Corĩ́tiucü̃ãꞌ 15:33

  Nacaꞌ nadau i namücügü i Yeuwaü̃ ngetchaü̃güü̃. Ngẽma rü nanatautchaẽẽ tá na meü̃ cuüü̃caꞌ.