‘Rü ípetchoü̃ i natanüwa. Rü tãṹ i nüü̃ peingõgüü̃ i ngẽma tchapeꞌewa tchieü̃!’—2 Corĩ́tiucü̃ãꞌ 6:17

Tüꞌcüü̃ tama nameü̃ na nüü̃ icuaꞌüü̃gü i tupanatchicünaꞌãgü rü yueü̃?

• Éxodo 20:4; Deuteronómio 6:14, 15; 1 Juã́ũ 5:21

  Yeuwa rü tama nanawaꞌe na tupanatchicünaꞌãgüü̃ icuaꞌüü̃güü̃.

• Deuteronómio 18:10-12

  Tee nagu rüĩnügu na yuemaã ítideaü̃ rü  ngoꞌogümaãmaretchire niĩ tideaü̃.

“Rü ngẽmacaꞌ name niĩ i nacaꞌ pedau na nagu peĩü̃ i ngẽma maü̃ i tórü Cori namaã taãẽü̃.”—Epéchiucü̃ãꞌ 5:10

Naü̃pa na wüi petawa cuũü̃, taꞌacügu tá curü ĩnüü̃?

• Levítico 10:10, 11; 2 Corĩ́tiucü̃ãꞌ 6:14, 15

  Nacaꞌ nadau na nüü̃ cucuaꞌü̃caꞌ ta Tupanaü̃́ name i ngẽma taꞌacü naütchigagüü̃.

• Éxodo 32:2-10

  Woo nagu curüĩnü na wüi peta nameü̃, bemana Tupana tama nanawaꞌe i ngẽma peta.

• Daniel 3:1-8; 12-27

  Taṹ nawa cuũ i peta i nawa duü̃ü̃ yacuaꞌüü̃güü̃ rü nhuꞌmatchi taṹ nawa cuũ i peta i nawa natchiü̃aneü̃ rü woneraü̃ yacuaꞌüü̃güü̃.

• 1 Timúteu 1:18, 19

  Cuãẽ nacuaꞌ rü nangugü i taꞌacü cuütchaü̃. Cuãẽwatama nüü̃ nacuaꞌ na aicuma nameü̃ i taꞌacü cuüü̃ rü Tupanapeꞌewa rü ta aicuma name.

“Rü name niĩ i guü̃guma mea namaã pideagü i ngẽma togü i duü̃ü̃gü, rü meü̃ i oreü̃ namaã piugü. Rü ngẽmaãcü tá nüü̃ pecuaꞌ na nhuãcü mea penangãü̃ü̃ i wüitchigü i ngẽma duü̃ü̃gü i perü õtchigacaꞌ pena caü̃.”—Corochacü̃ãꞌ 4:6

Nhuãcü tá togümaã nüü̃ tiugütchiga i taꞌacügu tayaõgü?

• Mateu 7:12

  ‘Ngẽma cuma cunawaꞌeü̃ i togü cumaã na naüü̃, rü name niĩ i cuma rü ta ngẽmaãcütama namaã cunaü’ ngeguma togümaã nüü̃ quiutchigagu i taꞌacügu cuyaõ.

• 2 Timúteu 2:24

  Namecüma rü taguma nanu ngeguma cunangãü̃gu i curü õtchiga.

• 1 Pedru 3:15

  Yana namaã cuĩnü rü cumecüma ngeguma togümaã nüü̃ quiutchigagu i taꞌacügu cuyaõ.

• Ebréugü 10:24, 25

  Torü ngutaqueꞌegüwa taenegü cuü̃ narüngüẽẽgü na nüü̃ cucuaꞌü̃caꞌ i nhuãcü togümaã quidea i curü õtchiga.