“Rü nüma ya Cori ya Tupana rü tüna nangaicama ya yíema aicuma naga taĩnüeãcüma norü ngüẽẽcaꞌ ícagüe.” —Salmos 145:18

Taꞌacü tá iügüü̃ na Yeuwa nüü̃ naĩnüü̃caꞌ i tórü yumüẽgü?

• Ebréugü 11:6

  Aicuma Tupanaü̃́ yaõgü.

• Salmos 138:6

  Taṹ yigü írütagü. Nüü̃ ingetchaü̃gü ya Yeuwa.

• Tiagu 2:26

  Naügü i taꞌacü yumüẽwa Tupanana naca ícagüü̃.

• Mateus 6:7, 8, TNM

  Tórü maü̃nemaã iyumüẽ. Taṹ iyumüẽgügu ngẽicatama iugüetchaü̃.

• Isaías 1:15

  Tupanagaü̃ ĩnüe.

• Mateu 6:9; Juã́ũ 14:6

  Yeuwacaꞌrica iyumüẽgü.

• 1 Reis 8:22, 23; Daniel 6:10; Mateu 14:19; 26:39

  Tau wüitama nacüma ngeguma iyumüẽgügu. Tupana rü tüü̃ naĩnü ngeguma tchiãcü, toãcü rü caã́püꞌüãcü iyumüẽgügu.

• Neemias 2:1-6

  Woo yumüẽ i taãẽwa ügüü̃ rü nüü̃ naĩnü ya Tupana.

• 1 Samuel 1:12, 15; Mateu 6:7

  Tupana rü nüü̃ naĩnü i yumüẽ i máü̃ rü nuũü̃.

• Romacü̃ãꞌ 12:12; 1 Techarónicacü̃ãꞌ 5:17

  Guü̃guma iyumüẽgü, tautama nhuguacürica.

• 1 Crônicas 16:36; 1 Coríntios 14:16, TNM

  Ngeguma “amém” nhagügu tóru yumüẽgüwa rü tanaweꞌgü na iaicumagüü̃ i tóru deagüwa. “Amém” nhaü̃ rü: “aicüma ngẽmaãcü niĩ”, nhaü̃tchiga.

“Rü nüü̃ tacuaꞌgü ega taꞌacücaꞌ nüna icagu, rü nüma tüü̃ naĩnü i ngeguma norü ngútchaü̃ yiĩgu i ngẽma nacaꞌ nüna icaü̃.”—1 Juã́ũ 5:14

Taꞌacütchigagu iyumüẽgüü̃ tá?

• Mateus 6:9, 10, TNM

  Yeuwaarü ngútchaü̃caꞌ iyumüẽgü na nayanguẽẽü̃caꞌ.

• 1 Crônicas 29:10-13

  Yumüẽwa Tupanana moẽ taãgü.

• Mateu 6:11-13

  Iyumüẽgü na tama tüü̃ natauü̃caꞌ i taꞌacü i nawaꞌegüü̃ rü name na tórü oegaãẽcaꞌ iyumüẽgüü̃.

• Luca 11:13

  Nacaꞌ ítacagü i Tupanaãẽ i üüneü̃.

• Tiagu 1:5

  Yeuwana naca ítacagü i cuaꞌ.

• Isaías 40:29

  Poracaꞌ ítacagü ngeguma gutchaü̃güwa i ngemagügu.

• Epéchiucü̃ãꞌ 1:3, 7

  Iyumüẽgü na Yeuwa tüü̃́ nüü̃ nangetchaü̃ü̃caꞌ i tórü pecadugü.

• Puracügü 12:5

  Iyumüẽgü na Yeuwa togü i duü̃ü̃güü̃ narüngüẽẽü̃caꞌ.

“Erü cuma rü nüü̃ cuĩnü i torü yumüẽ. Rü guü̃ma i duü̃ü̃gü rü cuü̃tawa naĩ na curü ngü̃ẽẽcaꞌ íyacagüü̃caꞌ.”—Salmos 65:2

Nhuãcü tórü yumüẽgüü̃ nangãü̃ ya Yeuwa?

• Proverbios 12:25; Apocaríchiu 14:6

  Yeuwa rü nanamu norü ãĩyugü rü naanecüãꞌ na tüü̃ narüngüẽẽü̃caꞌ.

• 2 Corĩ́tiucü̃ãꞌ 4:7

  Tupanaãẽ i üüneü̃ rü tüü̃ narüngüẽẽ.

• Piripucü̃ãꞌ 4:6, 7

  Ngeguma gutchaü̃gü tüü̃ üpetügu, Tupana rü tüü̃ narüngüẽẽ na imeãẽmareü̃caꞌ.

• Gárataanecü̃ãꞌ 6:1; 2 Timúteu 3:16, 17

  Yeuwa rü cuaꞌ tüna naã Norü Orewa rü yaõgüü̃tücumüwa.