“Nua nangema i deá. Rü tama eꞌna inameü̃ na nua tchoü̃ ícubaieẽẽü̃?”—Puracügü 8:36

Taꞌacücaꞌ íbaiegü? Rü nhuãcü?

Curü baiewa cunaweꞌ na marü cunameẽẽ i curü maü̃. Nhuꞌma rü Tupanaarü ngútchaü̃ quinguẽẽ.

• Mateu 28:19, 20

  Ínabaie na Yeuwaü̃ quicuaꞌüü̃ü̃caꞌ.

• Salmos 40:8

  Curü baiegu duü̃ü̃güü̃ cunaweꞌ na cunawaꞌeü̃ na Tupanaü̃ quicuaꞌüü̃.

• Mateu 3:16

  Ngetchutchuarü baierüü̃ yiĩ curü baie, cuü̃ne deátchiü̃gu narübaigüẽẽgü.

“Rü ngeguma aicuma Tupanaü̃ ingetchaü̃gügu rü naga taĩnüe i ngẽma tüü̃ namuü̃. Rü ngẽma tüü̃ namuü̃ rü tama nagutcha na naga iĩnüeü̃.”—1 Juã́ũ 5:3

Tüꞌcüü̃ tautama cumuü̃ na Yeuwana cugü cuã?

• Salmos 103:14; Isaías 41:10

  Woo cupecaduãꞌ Yeuwana cugü naãama. Nüma rü cuü̃ narüngüẽẽ tá na cunaüü̃caꞌ i taꞌacü i meü̃.

• Corochacü̃ãꞌ 1:10

  Ngeguma aicuma Yeuwaü̃ cungetchaü̃gu rü tauãcüma cumuü̃ na ícubaie woo curü ĩnüwa nagutchi curü ĩnügu na tautama Tupanagaü̃ cuĩnü nawena i curü baie.

“Rü tchama, Pa Tchorü Tupana, rü namaã tchataãẽ na curü ngútchaü̃ tchaüü̃. Rü tchauãẽgu namaã tchanguü̃ i ngẽma curü nguꞌẽẽtae.”—Salmos 40:8

Taꞌacü tá cuüü̃ naü̃pa i baie?

• Juã́ũ 17:3

  TUPANAARÜ ORECAꞌ NANGUꞌ

  Yeuwaü̃ nacuaꞌ rü Ngetchutchuü̃ ngemaãcü poraãcü nüü̃ cungetchaü̃gü tá.

• Ebréugü 11:6

  NAPORAẼẼ I CURÜ Õ

  Aicuma nagu yaõ i Tupanaarü unetagü rü nagu yaõ na tacaꞌ nayu na pecaduwa rü yuwa tüü̃ ínanguü̃ẽẽü̃caꞌ ga Ngetchutchu.

• Puracügü 3:19, 20

  CUGÜ ÍCUAꞌ

  Nüna nacuaꞌãtchi ga yema tchieü̃ cuüü̃ rü ngemacaꞌ cugümaã nangetchaü̃.

  NÜÜ̃ RÜO I CUCÜMA I TCHIEÜ̃

  Ínatchaãtchi na tchieü̃ cuüü̃ rü inaügü na meü̃ cuüü̃.

• 1 Pedru 4:1, 2

  TUPANANA NAàI CURÜ MAÜ̃

  Yeuwana cugü cuã ngeguma wüi yumüẽwa Namaã nüü̃ quiugu na nüü̃rica quicuaꞌüü̃ tá rü norü ngútchaü̃ cuüíraü̃ tá rü nhuꞌmatchi nacaꞌrica cumaü̃ü̃ tá.