“Rü guü̃ma i Tupanaarü ore i ümatüü̃ rü nügüãẽwatama nanayau ga Tupana.”—2 Timúteu 3:16

Nhuãcü i Tupanaarü Ore tama togü i poperagümaã nawüigu?

2,800arü yeera i nagawa naümatü i Tupanaarü Ore.

Tupanaarü Orearü nguꞌẽẽtaegü rü tauma i to poperagu nüü̃ tayangau.

• 1 Techarónicacü̃ãꞌ 2:13

  Tupanaarü Ore rü Tupanaarü niĩ.

• 2 Pedru 1:21

  Tupana rü yatügüü̃ nanaümatüẽẽ ga yema Nüma nanawaꞌeü̃.

‘Tupana rü taguma nidora.’—Titu 1:1, 2

Tüꞌcüü̃ Tupanaarü Oregu cuyaõü̃ tá?

• Isaías 44:27–45:2, TNM

  Naü̃paü̃tchima na Babirónia yaguꞌẽẽgüü̃, Tupanaarü Ore rü nüü̃ niu na nhuãcü tchi nangupetüü̃ ga yema.

• 2 Timúteu 3:1-5

  Taꞌacü i nhuꞌma íngupetüü̃ rü noriü̃tchima marü natchiga nidea i Tupanaarü Ore.

• Números 23:19

  Taꞌacü Tupana nüü̃ yauü̃ rü aicuma tá nayanguẽẽ.

“Tchama [Yeuwa] rü guü̃guma cuü̃ tchadawenü rü tá cuü̃ tchanguꞌẽẽ i ngẽma cuü̃́ tchanawaꞌeü̃.”—Salmos 32:8

Taꞌacü i Tupanaarü Oretchiga i marü nüü̃ cucuaꞌü̃?

• Jó 26:7, TNM; Isaías 40:22, TNM

  Ngeguma Tupanaarü Ore rü nüü̃ niu i Ciênciatchiga rü guü̃guma naweꞌgu.

• Números 20:2-12

  Yema Tupanaarü Orearü ümatüruü̃gü rü niaicumagü rü güü̃ma ga Tupana nanawaꞌeü̃ rü nanaümatügü.

• Mateu 5-7

  Ngetchutchu rü tüü̃ nanguꞌẽẽ na nhuãcü tá itaãẽgüü̃ rü nhuãcü tá togümaã mea imaẽü̃ rü nhuãcü tá iyumüẽgüü̃ rü nhuꞌmatchi tautama dĩẽrucaꞌ i yuegaütchi.

“Tupanaarü ore rü namaü̃ rü naporaü̃tchi.”—Ebréugü 4:12

Nhuãcü tá cuü̃ narüngüẽẽ i Tupanaarü Ore?

• Tupanaarü Ore rü cuü̃ nüü̃ nacuaꞌẽẽ na taꞌacü niĩ tüü̃́ nanawaꞌeü̃ ya Tupana.

• Tupanaarü Ore rü cuü̃ nüü̃ nacuaꞌẽẽ na nhuãcü cuãcümaü̃.

• Tupanaarü Ore rü cuü̃ nüü̃ nacuaꞌẽẽ na nhuãcü tá Tupanaü̃ cutaãẽẽẽ.

Tupana rü nanawaꞌe na cuma norü orewa cuugütae rü nawa cunguꞌ rü norü oreü̃ cungetchaü̃.