“Notürü ngẽma meü̃gü rü norü tá niĩ i nhaa naane rü guü̃gutáma nawa namaẽ.”—Salmos 37:29

Taꞌacü tüü̃́ nanawaꞌeü̃ ya Tupana?

• Génesis 1:28

  Tupana rü nanawaꞌe na duü̃ü̃gü naãacügü, Naanena rü naeü̃güna nadaugü na ngemaãcü meẽtchiü̃ i Naane yiĩü̃caꞌ i guü̃ma i Naane.

• Jó 23:13; Isaías 55:11

  Yeuwa rü nayanguẽẽ tá i ngẽma duü̃ü̃gümaã inauneta.

“Guü̃ma i nhama i naanecüãꞌ rü ngoꞌo i Tchatanámeꞌẽwa nangẽmagü.”—1 Juã́ũ 5:19

Taꞌacü niĩ i naanearü ãẽꞌgacü?

• Juã́ũ 14:30

  Ngetchutchu rü nüü̃ niu na nhama i naanearü ãẽꞌgacü rü Tchataná yiĩü̃.

• Tiagu 1:13-15

  Yema Tchataná nanawaꞌeü̃ rü tama nacaꞌ niĩ. Nüma rü nanawaꞌe na nüü̃ yacuaꞌügüü̃ ga duü̃ü̃gü, Yeuwaü̃ yacuaꞌügüü̃rüü̃.

• Génesis 2:17; 3:1-6

  Tchataná Éwaü̃ nawomüẽẽ. Adáü̃ rü Éwa tama Tupanagaü̃ naĩnüe yemacaꞌ nayae rü nayue.

• Romacü̃ãꞌ 3:23; 5:12

  Nhuꞌma rü tayue erü Adáü̃wa ne taĩ.

• 2 Corĩ́tiucü̃ãꞌ 4:3, 4

  Tchataná rü duü̃ü̃güü̃ ínawomüẽẽ.

“Nhuꞌma rü yima mecü na namaã inacuaꞌgüü̃ i nhama i naane, rü nüma niĩ ya tórü Cori ya Tupana rü Nane ya Cristu.” —Apocaríchiu 11:15

Taꞌacü Yeuwa naüü̃ tá?

• Daniel 2:44

  Tupana yamucutchiü̃ i Ãẽꞌgacü nanaütchicüü̃ tá i guü̃ma i ãẽꞌgacügü i naanecüãꞌ.

• Apocalipse 16:14-16, TNM

  Tupana rü nayaoẽẽ tá i guü̃ma i tchieü̃ nagu i guerra i Armayedṍũgu.

• Isaías 9:6, 7

  Yeuwa Ngetchutchuü̃ nauneta na dauü̃wa Ãẽꞌgacü yiĩü̃caꞌ rü ngẽ́ma nangemaãcü guü̃ i Naanemaã nacuaꞌü̃caꞌ.

‘Rü cuyaüwemügü rü curü ngútchaü̃maã mea cunataãẽẽẽ i guü̃ma i ngẽma maẽü̃.’—Salmos 145:16

Taꞌacü tá tacaꞌ naüü̃ ya Ãẽꞌgacü ya Tupana yamucutchicü ngeguma tá guü̃ i Naanemaã inacuaꞌgu?

• Salmos 46:9

  Tautáma i guerra, tauetáma marü tügü tadai rü tautáma i duü̃ü̃ tchieü naü.

• Miqueas 4:4; Isaías 65:21-24, TNM

  Ngewacaü̃ü̃ i naanewa rü guẽtáma tamepatagü rü taputüranecüã rü tautáma muü̃eãcü tamaẽ.

• Salmos 72:16

  Namu tá i õna rü guẽcaꞌ iĩü̃.

• Isaías 11:6-9

  Naeü̃gü rü tautáma nidürae. Duẽẽgü rü tautáma tchieü̃ namaã taügü.

• Isaías 33:24, TNM; Puracügü 24:15

  Tagutáma tee tidaꞌawe rü yueü̃ ínarüdagü tá.