‘Núma tchaũü̃ na nacaꞌ na tchayuü̃caꞌ rü ngemaãcü tchanaütanüü̃caꞌ na muü̃ma i nümagü rü nüü̃́ nangẽmaü̃caꞌ i maü̃ i taguma gúü̃.’—Mateu 20:28

Tüꞌcüü̃ guãnema tanawaꞌe na Tupana tüü̃ ínanguü̃ẽẽ?

• Génesis 3:17-19

  Yeguma Adáü̃ tama Tupanaga naĩnügu, rü marü tama Tupana ãmücü niĩ, napecaduãꞌ rü Tupana ínanataꞌütchi yema Naane ga Edéü̃wa.

• Romacü̃ãꞌ 5:12

  Adáü̃wa ne taĩ rü nagagu tapecaduãꞌgü rü tayue.

• Epéchiucü̃ãꞌ 1:7

  Ngetchutchuarü yugagu Yeuwa tüü̃ ínanguü̃ẽẽ tórü pecaduwa rü yuwa.

“Tupana rü nhama ga naanewa nanamu ga Nane ya nügümaã wüicacü na yimagagu tüü̃́ nangemaü̃caꞌ i maü̃ i taguma gúü̃.”—1 Juã́ũ 4:9

Taꞌacü ga Yeuwa naüü̃ na nawa ínguü̃ü̃caꞌ i pecadu rü yu?

• Salmos 49:7-9

  Taúema ya naanecüãꞌ tacaꞌ tayu tanaütchicücaꞌ ga yema maü̃ ga Adáü̃ natauẽ norü pecadugagu.

• Luca 1:35

  Yeuwa rü núma nanamu ga Nane ga nügümaã wüicacü rü ngearü pecaduã́cü nabu.

• Romacü̃ãꞌ 3:23, 24; Ebréugü 9:24

  Ngetchutchu marü ínadaguwena dauü̃caꞌ natáegu, rü yéma norü maü̃maã Yeuwapeꞌewa nanaweꞌ na marü tórü pecadugüü̃ naütanüü̃.

“Rü nüma tá ínanapi i naü̃tchiüetü i guü̃ma i ngẽma duü̃ü̃gü. Rü marü tãũü̃táma teé tayu.”—Apocaríchiu 21:4

Nhuãcü Ngetchutchuarü yu tüü̃ narüngüẽẽ?

• 1 Juã́ũ 1:8, 9

  Tupana tüü̃́ nüü̃ nangetchaü̃ i tórü pecadugü.

• 1 Juã́ũ 1:7

  Taãẽwa nüü̃ tacuaꞌgü tá na Tupanapeꞌewa imeü̃.

• Romacü̃ãꞌ 6:23

  Taãẽãcü ítayanguẽẽgü na maü̃ i taguma guü̃ iyaugüü̃caꞌ.

• Gárataanecü̃ãꞌ 2:20

  Ngetchutchuarü yu rü nanaweꞌ na Yeuwa rü nhuꞌmatchi Ngetchutchu ãũrima tüü̃ nangetchaü̃gü.

“Tupana rü . . . inanamu ga Nane ga nügümaã wüicacü na guãma ya teé ya nüü̃́ yaõgüe . . . rü tüü̃́ nangemaü̃caꞌ i maü̃ i taguma gúü̃.”—Juã́ũ 3:16

Taꞌacü tá iügüü̃ naweꞌgüü̃caꞌ na ãũrima tüü̃́ nameẽtchi na Tupana núma namu ga Nane na tacaꞌ yayuü̃caꞌ?

• Juã́ũ 17:3

  Yeuwaü̃ rü Ngetchutchuü̃ nacuaꞌ rü nhuꞌmatchi nüü̃ idaugü.

• Luca 22:19

  Gucü a taunecügu nawa naũ i Ngutaqueꞌe ya Ngetchutchuarü Yuna Cuaꞌãtchiü̃.

• 1 Juã́ũ 5:12; Tiagu 2:26

  Naü i taꞌacü Ngetchutchu cuü̃ nacaꞌ nanguꞌẽẽ. Tama name na nüü̃ quiumare na Ngetchutchuãü̃́ cuyaõ.