“Rü ngeguma nayuegu . . .  rü inayarüo i guü̃ma i taꞌacü i nagu naĩnüeü̃.”—Salmos 146:3, 4

Taꞌacü i yueü̃maã ngupetüü̃?

• Salmos 6:5; 88:10; Eclesiastes 9:6, 10, TNM

  Yueü̃ rü marü tauma nadaugü rü bai taꞌacüü̃ naĩnüe rü bai taꞌacügu narüĩnüe.

• Juã́ũ 11:11-14

  Ngetchutchu rü nüü̃ niu na ngẽma yueü̃ rü nhama wüie ya duẽẽ ya ipemareerüü̃ yiĩgü.

“Notürü ngẽma nanetü i cuaꞌ i meü̃ rü cuaꞌ i tchieü̃ nawa ngemaü̃, rü taü̃táma cunangõꞌ i norü o. Erü ngeguma tá cunangõꞌgu rü cumaã nüü̃ tchiu rü tá cuyu.”—Génesis 2:17

Tüꞌcüü̃ iyueü̃?

• Génesis 3:1-6

  Ewaü̃ nawomüẽẽ ga Tchataná. Nipecaduãꞌgü ga Adáü̃ rü Ewa

  yeguma tama Tupanaga naĩnüegu. Yemacaꞌ nayue.

• Génesis 3:19

  Adáü̃arü yuwena, nüma rü narütaumare.

• Romacü̃ãꞌ 5:12

  Pecadu rü wüi daꞌawerüü̃ i tanatü tüna nanaüeẽẽrüü̃ niĩ. Ngẽma rü Adáü̃wa niĩ naügüü̃. Ngemacaꞌ yeguma taũta ibuegu rü marü tapecaduãꞌgü.

• 1 Corĩ́tiucü̃ãꞌ 15:26

  Tupanaarü Ore nüü̃ niu na tórü uwanü rü yu yiĩü̃.

“Rü yíema tchoü̃́ yaṍẽ rü woo tayugu rü tá wenaarü tamaü̃.”—Juã́ũ 11:25

Ngeü̃rüü̃gü i nguꞌẽẽtaegüneta i nawa inguü̃ ngeguma yueü̃tchiga i aicumaü̃ icuaꞌgügu?

• 1 Juã́ũ 4:8

  Üü ya taguma ioü̃ne rü nguꞌẽẽtae i doramare iĩü̃ niĩ. Duẽẽgü nüü̃ tiugü na Tupana rü yima üügu duẽẽgüü̃ nanha. Tupana taguma ngemaãcü tüü̃ naüaꞌ. Ngẽma nguꞌẽẽtae Yeuwamaã nagutchiga.

• Apocaríchiu 4:11

  Muü̃ma i duü̃ü̃gü nüü̃ namuü̃e i yueü̃ rü togü na yumüẽwa norü ngüẽẽcaꞌ inacagüü̃ notürü Yeuwaü̃rica yacuaꞌüü̃gü i duü̃ü̃gü rü norü ngüẽẽcaꞌrica inacagü, erü nüicatama Tupana ya aicumacü rü guü̃ma Ücü niĩ.