“Rü ngema tchorü oregagu rü tá ningu rü naü i ngẽma tchama tchanawaꞌeü̃ rü ngẽma nüü̃ tchiuü̃.”—Isaías 55:10, 11

Taꞌacü i Tupanaarü Ore natchiga yadeaü̃ i nguneü̃güarü guꞌ?

• Apocaríchiu 11:15

  Yeuwa rü Ngetchutchuü̃ nimucutchi Ãẽꞌgacüãcü 1914gu.

• Mateu 24:3-14

  Ngetchutchu nüü̃ niu na muũma i gutchaü̃gü nua Naanewa nangemaü̃ i nhuꞌma.

• Apocaríchiu 12:7-9, 12

  Yeguma marü Ãẽꞌgacü yanguutchigu ga Ngetchutchu, rü ínanataꞌütchi ga Tchataná ga dauü̃wa rü nhama i Naanegu nanatae. Tchataná ãũrima nanu erü nüma rü nüü̃ nacuaꞌ na “marü noretama i nguneü̃” nüü̃́ íniü na Tupana napocuü̃caꞌ.

“Rü taꞌacü tá niĩ i norü cuaꞌruü̃ i nawa nüü̃ tacuaꞌü̃ i nhugu tá . . . naguꞌü̃ i naane?”—Mateu 24:3

Cucaꞌ rü marü ínangupetüü̃ i taꞌacü Tupanaarü Oregu ümatüü̃?

• Mateu 24:7; Luca 21:11

  Nhuꞌma rü nitatchigüütchi i nhaagü: natchiü̃anegü i nügü daiwae, taiya, ĩãꞌãtchiane rü daꞌaweanegü. Nucüma rü tama aitchima nanau i ngemagü.

• 2 Timúteu 3:1-5

  Tupanaarü Ore nüü̃ niu i duü̃ü̃gücüma nagu i nguneü̃güarü guꞌtchaü̃.

• Daniel 12:4, TNM

  Nhuꞌma Tupana rü yeeraãcü norü duü̃ü̃güü̃́ nüü̃ nacuaꞌẽẽ i norü Ore.

• Mateu 24:14

  Tupanaarü Ore guü̃ i Naanewa marü nüü̃ íniugügü.

“Rü ngema nguneü̃ i taúema nagu ínanguꞌẽẽü̃gu tá niĩ i ínanguü̃ ya tórü Cori ya Ngetchutchu. Rü nhama wüi i ngĩ́taꞌáü̃ i ngürüãtchi tchütacü ínguü̃rüü̃ tá niĩ.” —1 Techarónicacü̃ãꞌ 5:2

Ínangutchaü̃ i Yeuwaarü nguneü̃. Rü ngemacaꞌ taꞌacü tá cuüü̃?

• Juã́ũ 17:3

  Cugü naporaẽẽ na Tupanaarü Orecaꞌ cunguꞌü̃caꞌ.

• Ebréugü 10:24, 25

  Yeuwaarü Orearü Uruü̃güarü ngutaqueꞌegüwa rü yeera tá nüü̃ cucuaꞌ i Tupanatchiga.

• Tiagu 4:8

  Nüü̃ rüo i cucüma i tchieü̃ na ãũrima Tupanamücü quiĩü̃caꞌ.

• Luca 21:34-36

  Tupanacaꞌíra nadau i curü maü̃wa. Nangugü taꞌacü niĩ i aicuma meü̃ i tautama curü tempo nagu aiyaü̃mare.