Nhamaãcü rü nangemaü̃tchi gutchaü̃gü, ngẽmacaꞌ niĩ ngĩgüü̃ rü yatü rü ngeü̃ rü naacügümaã nangemaü̃tchi tá i gutchaü̃gü. Eꞌna cuma rü cumücü i cuacügü petaãẽẽgü tá? Woo ngẽma tama natautcha, notürü nangẽma i rüngü̃ꞌẽẽ petaãẽgüü̃́caꞌ. Nhaa popera natauma i guü̃ma i ucuꞌẽgü ngĩgütchiga notürü nhaa popera nüü̃ cucuaꞌü̃ tá rü Tupanaarü ucuꞌẽgü niĩ rü toomatchigü i ucuꞌẽgü i meü̃guü̃. Ngẽguma tá nüü̃ cuĩnügu i ngẽma ucuꞌẽgü rü cunaügu, cuma rü cupatacü̃ãꞌ rü petaãẽgü tá.