“Rü tchamaꞌ tümaéga Sophia a tiĩ. Rü taunecüguwena na tidaꞌaweü̃ rü tayu. Yeguma ngẽma ngupetügu rü marü tümamaã tchingi i 39 taunecüguyani. Rü tchamücügü ga tchoü̃ narüngü̃ẽẽ rü guü̃guma tchoü̃ nataãẽẽẽ. Rü wüi taunecügu rü poraãcü tchangetchaü̃. Rü tchanaĩꞌãtchiãẽ. Nhuꞌmatáta, wigutaaꞌ tamaepüꞌ taunecüguwena rü nhuguãcü poraãcü tchangetchaü̃ rü tchanaĩꞌãtchiãẽ.”—Kostas.

Rü eꞌna marü nayu i wüi duü̃ü̃ nüü̃ cungetchaü̃ü̃? Bemana meã nüü̃ cucuaꞌ i Kostas arü ĩnü. Rü yu taü̃ i ngetchaü̃ niĩ. Rü Especialistagü ngẽmaãcü nagu narüĩnue. Rü wüi popera psicologiaarü i Estados Unidoswa rü nüü̃ niu na ngẽma yu rü guü̃ma ngúü̃arü yeera niĩü̃. Ngẽguma nangupetügu i ngẽma rü bemana wüi duü̃ü̃ naãẽwa nügüna nacaꞌ: Nhure i nguneü̃ tá niĩ i ngẽmaãcü yiĩü̃? Eꞌna wüi nguneü̃ tchama rü wenaarü tchataãẽ? Taꞌacü tá tchaüü̃ i nhuꞌma?

Rü ngẽma popera nanangãü̃ i ngẽma cagü. Rü cungetchaü̃ nagagu i wüi duü̃ü̃ nüü̃ cungetchaü̃ nayu? Rü to artchigu nanaweꞌ tá i taꞌacü nagu narüĩnüe i togü i duü̃ü̃gü i ngẽmatchiga. Rü togü i artchigugü nüü̃ nangema i ucuꞌẽgü na cuü̃ narüngü̃ẽẽ tá i ngẽma ngúü̃wa.

Rü torü ngútchaü̃ niĩ na ngẽma popera nüü̃ nataãẽẽẽ rü nüü̃ narüngü̃ẽẽ rü guü̃ma i duü̃ü̃gü na nioẽgüü̃ nagagu wüi duü̃ü̃ na nüü̃ nangetchaü̃ nayuü̃.