Nhaa poperawa marü nüü̃ icuaꞌgüü̃ i nümaü̃ i ngãü̃gü natchiga i nhaa ca: Teé niĩ ya Tupana? Nüíra, nüü̃ idaugü na Tupanaarü Ore tüü̃ naweꞌ na naéga rü Yeuwa niĩ rü nacüma i meẽtchiü̃ rü norü ngetchaü̃ niĩ. Rü marü nüü̃ idaugü ta taꞌacü Tupana marü nanaü rü taꞌacü wipeꞌewa nanaü tá nacaꞌ i duü̃ü̃gü. Notürü nangẽma muü̃tchi i to natchigagü na nüü̃ icuaꞌgüü̃ i Tupanatchiga. Rü bemana cugüãẽwa cugüna cuca: ‘Tüꞌcüü̃ tchorü mecaꞌ niĩ Tupanatchigaü̃ tchacuaꞌü̃?’

Yeuwa cumaã nauneta i nhaü̃: “Rü ngẽxguma tá cuma naxca̱x cuda̱u̱xgu, rü nüma rü tá cuxü̃tawa nangẽxma.” (1 Crônicas 28:9) Rü tchi cuma rü aicuma nacaꞌ cudaugu a Tupana rü nüü̃ cucuaꞌü̃, cuma rü cunayau tá wüi meẽtchiü̃ i ãmare: Tupanamaã cuãmücü! (Salmo 25:14) Ngeü̃rüüü̃ i meü̃gü cunayau tá i ngẽmagagu?

Taãẽ i aicumaü̃. Tupanaarü Ore nüü̃ niu na Yeuwa rü Tupana i taãẽcü niĩ. (1 Timúteu 1:11) Tupanamaã cuãmücü rü nacümaü̃ cudauü̃ rü cuü̃ narüngü̃ẽẽ tá na taãẽ i aicumaü̃ cuyauü̃, rü ngẽma rü guü̃ma i curü maü̃arü mecaꞌ niĩ. (Salmo 33:12) Ngẽguma meü̃ i nacümagü cuü̃ nangẽmagu, rü nüü̃ cuogu i nacümagü i naü̃neü̃ natchieẽẽ rü ta meü̃ i ãmücügü cuü̃ nangẽmagu rü cuü̃ nangẽma tá yeera i taãẽ. Ngẽmaãcü, curü ĩnü rü narüü̃ niĩ i wiyaeü̃arü ĩnü, rü nhanagürü: “Natürü i chomax rü yexeraãcü tá cuxna changaixcama. Erü ngẽma nixĩ i cha̱u̱xca̱x rümemaexü̃.” — Salmo 73:28.

Tupana rü cuna nadau rü cucaꞌ nagutchaãẽ. Yeuwa norü duü̃ü̃gümaã nauneta i nhaü̃: “Choma rü cuxü̃ chadawenü . . . rü tá cuxü̃ chaxucu̱xẽ.” (Salmo 32:8) Yeuwa nüna nadau i wüitchigü i norü duü̃ü̃gü rü nüna naã i guü̃ma i taꞌacü nanawaꞌeü̃. (Salmo 139:1, 2) Ngẽguma aicuma namaã cuãmücügu, cuma rü nüü̃ quicuaꞌãtchi na nüma rü guü̃guma rü cuü̃ narüngü̃ẽẽ.

Meẽtchiü̃ i maü̃ i wipeꞌewa. Yeuwa cuü̃ narüngü̃ẽẽ na cutaãẽü̃caꞌ i nhuꞌma, notürü nüma rü cuna naãtchaü̃ ta i meẽtchiü̃ i maü̃ i wipeꞌewa. (Isaías 48:17, 18) Tupanaarü Ore rü nhanagürü: “Rü ngẽma duü̃xü̃gü tá nüxü̃́ nangẽxma i maxü̃ i taguma gúxü̃ ega cuxü̃́ yaxõgüãgu nax cuxicatama Tupana nax quixĩxü̃, rü choxü̃́ yaxõgüãgu nax choma rü Cristu ga núma choxü̃ cumucü nax chixĩxü̃.” (Juã́ũ 17:3) Nhaa nguneü̃gügu nagutchaü̃tchi, rü nagu tayaõgü na wipeꞌewa tüü̃́ nangẽma i maü̃ i taguma gúü̃ rü ngẽma tüü̃ narüngü̃ẽẽ “ñoma wüxi ya wapuruarü taixẽẽruü̃rüxü̃.” — Ebréugü 6:19.

Rü ngẽma niĩ i nümaü̃ i meü̃gü na tanayaugü tá ngẽguma aicuma Tupanaü̃ icuaꞌgügu rü namaã taãmücügügu. Nangẽma muü̃tchi i togü meü̃gü. Yeera nüü̃ cucuaꞌtchaü̃ i ngẽmatchiga? Curü ngútchaü̃maã nidea i ngeü̃rüüü̃mare i Yeuwaarü Orearü Uruü̃maã rüeꞌna nagu naücu i site www.pr418.com.