Tchi wüi gutchaü̃ cuü̃ nangupetügu, aicuma niĩ na cuma rü nawaꞌe na wüi meü̃ i cumücü rü cuü̃ narüngü̃ẽẽ. Rü nümaü̃ i duü̃ü̃gü rü nagu rüĩnüẽ na Tupana tama namaã naãmücü i ngẽmagagu. Nümagü rü nagu rüĩnüẽ: ‘Tchi Tupana rü tchamücü niĩgu, nüma rü tchoü̃ narüngü̃ẽẽtchi.’ Notürü, Tupana rü marü tüü̃ narüngü̃ẽẽ rü nanameẽẽ tá i guü̃ma i torü gutchaü̃gü rü õẽgü. Taꞌacü tá Tupana naü?

Tupana nanaoẽẽ tá i guü̃ma i tchieü̃gü erü nanaoẽẽ tá i teé tanaü i ngẽma tchieü̃. Tupanaarü Ore tüü̃ narüngü̃ẽẽ na nüü̃ icuaꞌgüü̃caꞌ teé tá tiĩgü erü nhanagürü: “Guxü̃ma i ñoma i naanecüã̱x rü Chatanáme̱xẽwa nangẽxmagü.” (1 Juã́ũ 5:19) Rü Ngetchutchu rü nüü̃ niu na naãnewa poraü̃ i Tchataná. (Juã́ũ 12:31) Tchataná rü naãnemaã ínacuá, rü ngẽmagagu nangupetüü̃ i ngẽma gutchaü̃gü. Taꞌacü tá Tupana naü?

Yeuwa ya Tupana nawa i nane ya Ngetchutchu ya Cristu, rü “yanaxoxẽẽ ga Chatanáarü pora ga namaxã tüxü̃ iyanatauxẽẽchaü̃xü̃.” (Ebréugü 2:14, 1 Juã́ũ 3:8) Tupanaarü Ore naweꞌ na Tchataná rü nüü̃ nacuaꞌ na Yeuwa rü paa tá nanapocu rü nanaoẽẽü̃ i nüma. (Apocaríchiu 12:12) Tupana nanaoẽẽ ta i guü̃ma i duü̃ü̃gü i tchieü̃ ügüü̃. — Salmo 37:9, Provérbios 2:22.

Nawena na nagúü̃ i tchieü̃gü, Yeuwa rü nayanguẽẽ tá i norü ngútchaü̃ i duü̃ü̃gücaꞌ rü naãnecaꞌ. Ngeü̃rüüü̃ i meü̃gü tanayaugü tá?

Guü̃gutáma tameãẽmare. “Yíxema Cori ya Tupanape̱xewa mexü̃gu rüxĩnüexe tá tixĩ ya nayauxgüxe i ñaa naane. Rü ngẽmawa tá nixĩ i aixcüma tataãẽgüxü̃.” — Salmo 37:11.

Meü̃ i õna i guü̃ma i duü̃ü̃gücaꞌ. “¡Pa Tupanax, nax tochixü̃anewa toxü̃́ yaxoxochixü̃ca̱x i torü trigugü rü toxü̃́ nabacaxü̃ca̱x i torü trigunecügü i ma̱xpǘneanewa ngẽxmagüxü̃!” — Salmo 72:16.

Meü̃ i ĩpata rü puracü. “Rü ngẽma chorü duü̃xü̃gü rü tá naxüpatagü rü napatagüwa tá namaxẽ. Rü naanegüwa tá namaxã natoegü i úbagü rü úbagümaxã tá naxãwemügü. . . . Rü tá nanangõ̱xgü i ngẽma nümatama naxca̱x napuracüexü̃.” — Isaías 65:21, 22.

Nüü̃ cudautchaü̃ i ngẽma meü̃gü nangupetüü̃? Noretama i nguneü̃ rü ngẽma rü nangupetüü̃ tá.

Nhuꞌma, guü̃ma i duü̃ü̃gü nidaꞌawegü rü nayue. Notürü ngẽma rü tama guü̃guma nangupetüü̃ tá. Paãma, Tupana nayanguẽẽ tá guü̃ma i meü̃gü na Ngetchutchuarü yu nanatautchaẽẽ na nangupetüü̃caꞌ. Tupana nanaü tá i ngẽma nacaꞌ i guü̃ma i duü̃ü̃gü i Ngetchutchugu yaõgüü̃ na “tama itarütauxexü̃ca̱x rü tüxü̃́ nangẽxmaxü̃ca̱x i maxü̃ i taguma gúxü̃.” (Juã́ũ 3:16) Nüü̃ nadau i nümaü̃ i wetchicurugü i ngẽmatchiga.

Taúetáma tidaꞌawe. “Rü taxúxetáma . . . rü ñatagürü: —Chidaxawe —ñatagürü. Rü . . . nüma ya Cori ya Tupana rü tá nüxü̃́ nüxü̃ narüngüma.” — Isaías 33:24.

Taúema ngúü̃ tinge i yugagu. “Rü nüma ya Cori ya Tupana rü noxtacüma tá inayanaxoxẽxẽ i ngẽma yu, rü tá guxẽxü̃tama ínapixetü.” — Isaías 25:8.

Duü̃ü̃gü guü̃gutáma namaẽ. “Ngẽma ãmare ya Tupana tüxna ãxü̃ rü maxü̃ i taguma guxü̃ nixĩ i ngẽxguma tórü Cori ya Ngechuchuaxü̃́ yaxõgügu.” — Romacü̃ãꞌ 6:23.

Yueü̃ rü wenaarü namaẽ tá. “Rü tá wena nax namaxẽxü̃ i ngẽma yuexü̃ i mexü̃gü rü chixexü̃gü.” (Puracügü 24:15) Tupana nanamu i nane na tacaꞌ nayuü̃caꞌ rü nanatautchaẽẽ i ngẽma.

Nhuãcü tá Tupana nanaü guü̃ma i ngẽma?

Na nayanguẽẽü̃caꞌ i norü ngútchaü̃ i naãnecaꞌ rü duü̃ü̃gücaꞌ Tupana rü naãnemaã ínacuá tá. Rü nüma rü nüü̃ nauneta Ngetchutchu na ãẽꞌgacü niĩü̃caꞌ rü naü i ngẽma i dauü̃guü̃ i naãnewa. (Salmo 110:1, 2) Ngetchutchu norü ngúeü̃güü̃ nanguꞌẽẽ na nayumüẽ na nüna nacaꞌ nacaü̃caꞌ i ngẽma. Nüma rü nhanagürü: “Pa Tonatü ya Daxũgucüx . . . rü núma naxũ nax torü ãẽ̱xgacü quixĩxü̃ca̱x!” — Mateu 6:9, 10.

Ngẽguma Tupana naãnemaã ínacuágu, nüma rü nüü̃ niguꞌẽẽ tá i guü̃ i gutchaü̃gü rü õẽgü. Natauma i to ãẽꞌgacü i Tupanamaã nawüigu na naãnemaã ínacuáü̃caꞌ! Rü ngẽmacaꞌ niĩ yeguma naãnewa nayemagu a Ngetchutchu, nüma rü nügü naporaẽẽ na ore i meü̃tchigaü̃ niuü̃caꞌ rü ta nanamu i norü ngúeü̃gü na ngẽmaãcü naügüü̃. — Mateu 4:23, 24:14.

Yeuwa tamaã naunetaü̃ i ngẽma erü ãũrima tüü̃ nangetchaü̃. Ngẽma rü cuü̃ nanangútchaü̃ẽẽ na yeera Tupanaü̃ cucuaꞌü̃caꞌ rü namaã cuãmücüü̃caꞌ, caꞌã? Cunaü i ngẽma rü curü mecaꞌ niĩ. Tüꞌcüü̃? To i naátü nanaweꞌ tá i ngẽma.