Bemana cucaꞌ nagutcha na nüna cucuaꞌãtchiü̃ i taꞌacü nawa cunguꞌü̃. Ngẽma rü nangupetüü̃ i muẽẽma i tomaã. Notürü natautcha nüna tacuaꞌãtchie i cuaꞌruü̃gü i Ngetchutchu nüü̃ iutchigaü̃ erü guü̃guma cuaꞌruü̃gümaã nananguꞌẽẽ. Ngẽguma cuaꞌruü̃gu yaugu rü paãma nüna tacuaꞌãtchie i taꞌacü nawa icuaꞌgüü̃. Ngẽgumarüü̃tama, yeera natautcha nüna cucuaꞌãtchiü̃ i ngẽma taꞌacü nawa cunguꞌü̃ ngẽguma nagu curüĩnügu i cuãẽwa. Taꞌacü tá cuü̃ narüngü̃ẽẽ na ngẽma cuüü̃caꞌ? Nawaꞌe ícunawüütchitchicünaꞌãgüü̃!

Duü̃ü̃gü ínanawüütchitchicünaꞌãgü natchiga i taꞌacü nori nawa nüü̃ nacuaꞌgüü̃ rü yeera nüü̃ natautcha ngẽmana nacuaꞌãtchieü̃. Ngẽguma ínanawüütchitchicünaꞌãgügu ngẽma rü nüü̃ narüngü̃ẽẽ na nüü̃ nacuaꞌü̃caꞌ i natchiga rü ĩnügü. Cuma rü tama me niĩ i meẽtchiü̃ i natchicünaꞌã icuwüütchiü̃caꞌ me yiĩ, rü tautchamareü̃ ínawüütchi. Ngẽma iügu rü yaegüeü̃ narüngü̃ẽẽ na nüna tacuaꞌãtchieü̃caꞌ i taꞌacü marü nawa nüü̃ tacuaꞌgüü̃.

Ngẽguma nacaꞌ cunguꞌgu nüü̃ naüneta ícunawüütchitchicünaꞌãgüü̃ natchiga i taꞌacü nawa nüü̃ cucuaꞌü̃ i ngẽma. Bemana namaã cubaiꞌãtchi tá i guü̃ma i taꞌacü nüna cucuaꞌãtchiü̃!