Tupana nüü̃ naĩnüü̃ i torü yumüẽgü?
Marü cugüna cucaꞌ tchi Tupana nüü̃ naĩnüü̃gu i curü yumüẽgü? Muü̃tchiü̃ i duü̃ü̃gü ngẽmaãcü nagu narüĩnü erü Tupanacaꞌ nayumüẽgü i norü gutchaü̃gütchiga notürü norü gutchaü̃gü tama nanameẽẽ. Eꞌna ngẽma nhatchiga niĩ na Tupana tama tüü̃ naĩnütchaü̃? Ngẽma tama aicüma niĩ! Rü Tupanaarü Ore nanaweꞌ na aicüma Tupana tüü̃ nüü̃ naĩnü tchi tayumüēgügu rü Tupana nawaꞌeü̃ãcüma. Ngĩa nüü̃ tadau i taꞌacü Tupanaarü Ore nüü̃ niu.
TUPANA AICUMA NÜÜ̃ NAĨNÜ I TORÜ YUMÜẼGÜ.
“Erü cuma rü nüxü̃ cuxĩnü i torü yumüxẽ. Rü guxü̃ma i duü̃xü̃gü rü cuxca̱x naxĩ nax curü ngü̃xẽẽca̱x íyacagüxü̃ca̱x.”—Salmo 65:2.
Rü nümaü̃gü i duü̃ü̃gü nayumüẽgü woo tama nagu nayaõgü i yumüẽgü. Rü ngẽma i duü̃ü̃gü nagu narüĩnüe na yumüẽgü norü mecaꞌrica rü nüü̃ narüngü̃ẽẽgüü̃carica. Notürü Tupanaarü Ore nüü̃ niu “rü nüma ya Cori ya Tupana rü tüxna nangaicama ya yíxema aixcüma naga taxĩnüeãcüma norü ngü̃xẽẽca̱x ícagüxe … rü nüma rü tüxü̃ naxĩnü rü tümaarü guxchaxü̃wa tüxü̃ ínanguxü̃xẽxẽ.”—Salmo 145:18, 19.
Rü aicuma nagu tayaõgü na Yeuwa nüü̃ naĩnü norü duü̃ü̃güarü yumüẽgü. Yeuwa tamaã nüü̃ niu: “Rü ngẽma perü yumüxẽwa tá choxna pecagügu, rü choma rü tá pexü̃ chaxĩnü.”—Jeremias 29:12.
TUPANA NANAWAꞌE NA CUMA NACAꞌ CUYUMÜẼ.
“Rü name nixĩ i guxü̃guma peyumüxẽgü.”—Romacü̃ãꞌ 12:12.
Rü Tupanaarü Ore tüü̃ naucuꞌẽ na ‘guü̃guma tayumüẽgü’. Rü ngẽma nanaweꞌ na Yeuwa aicuma nanawaꞌe na duü̃ü̃gü nacaꞌ nayumüẽgü.—Mateu 26:41; Epéchiucü̃ãꞌ 6:18.
Tüꞌcüü̃ Tupana nanawaꞌe i yiemagü nacaꞌ i yumüẽgü? Meã nagu rüĩnü: Rü wüi tchi ya papa ngẽguma nane nüna nacagu i ngü̃ẽẽcaꞌ rü nüma rü tchi nataãẽ? Rü aicumaü̃tchi nüü̃ nacuaꞌ na nane ngü̃ẽẽcaꞌ inacaꞌ. Notürü ngẽguma nanatü nüü̃ ĩnügu na nane na ngü̃ẽẽcaꞌ nüna nacaü̃ rü nanatü ãũrima nawa naü. Ngẽmatama i nacüma ngẽguma Yeuwacaꞌ iyumüẽgügu yiema rü nawa taügü na nüü̃ naweꞌü̃ na namaã i ãmücügüü̃.—Provérbios 15:8; Tiagu 4:8.
TUPANA AICUMA CUCAꞌ NAOEGAÃẼ.
“Rü name nixĩ i Tupanamaxã nüxü̃ pixu i guxü̃ma i perü oegaãẽgü, erü nüma ya Tupana rü guxü̃guma pegu narüxĩnü rü mea pexna nadau.”—1 Pedru 5:7.
Rü Tupana tacaꞌ naoegaãẽ rü nanawaꞌe na nacaꞌ tayumüẽgü. Rü nüma rü torü gutchaü̃gücaꞌ naoegaãẽ rü nanawaꞌe tüü̃ narüngü̃ẽẽ.
Rü guü̃guma i norü maü̃wa rü ãẽꞌgacü ya Dawi rü Yeuwacaꞌ nayumüẽ rü nacaꞌ ínaca i norü ngü̃ẽẽ. Nüma rü ta Tupanamaã nidea i norü ĩnügütchiga. (Salmo 23:1-6) Taꞌacü Tupana nagu narüĩnü ga Dawitchiga? Rü nüma rü Dawiü̃ nangetchaü̃ rü nüü̃ naĩnü i norü yumüẽgü. (Puracügü 13:22) Ngẽgumarüü̃, Tupana nüü̃ naĩnü i torü yumüẽgü erü tacaꞌ naoegaãẽ.
“TUPANAXÜ̃ CHANGECHAÜ̃ ERÜ NÜXÜ̃ NAXĨNÜ I NGẼMA CHORÜ YUMÜXẼ”
Rü ngẽmaãcü wüi yatü nanaümatü i Salmo nüü̃ niu. Rü ngẽma dea nanaweꞌ aicuma Tupana nüü̃ naĩnü i norü yumüẽgü rü ngẽma nüü̃ narungü̃ẽẽ. Rü nagu narüĩnü na Tupanana nangaicama rü nüü̃ nangema i norü pora na nüü̃ narüporamaẽü̃caꞌ i norü gutchaü̃gü rü ngetchaü̃gü.—Salmo 116:1-9.
Rü ngẽguma aicuma nagu tayaõgügu na Tupana tüü̃ naĩnü rü guü̃guma nacaꞌ tayumüẽgü. Nüü̃ nadau i Pedroarü cuaꞌruü̃ rü Espanhawa namaü̃. Rü nane 19 taunecü nüü̃ nayema rü nayuü̃ nügümaã narübumütãü̃. Rü Pedro poraãcü nangetchaü̃. Rü muẽꞌpüꞌcüna Tupanamaã nüü̃ niu ga yumüẽwa rü nacaꞌ ínaca na nüü̃ narüngü̃ẽẽ rü nüü̃ nataãẽẽẽü̃. Taꞌacü nangupetüü̃? Rü Pedro nüü̃ niu: “Rü Yeuwa nanangãü̃ i tchorü yumüẽgü rü tchoü̃ rü tchamaꞌü̃ nataãẽẽẽ rü nagagu i tchaueneẽgü rü tchaueyagü.”
Yeuwa nanangãü̃ i torü yumüẽgü rü tüü̃ nataãẽẽẽ rü nagagu i taeneẽgü rü taeyagü
Rü norü yumüẽgü tüü̃ nataãẽẽẽ woo nane tama wenaarü namaü̃ i nhuꞌma. Rü namaꞌ, María Carmen nüna tacuaꞌãtchi: “Rü yumüẽ tchoü̃ naporaẽẽ na nüü̃ tcharüporamaẽü̃caꞌ i tchorü ngúü̃. Rü nüü̃ tchacuaꞌ na Yeuwa tchoü̃ nacuaꞌ erü ngẽguma nacaꞌ tchayumüẽgu rü nüma rü tchoü̃ nameãẽẽmare.”
Rü Tupanaarü Ore rü ngẽma cuaꞌruü̃gü nanaweꞌ na Tupana nüü̃ naĩnü i torü yumüẽgü. Notürü aicuma niĩ, Tupana tama nanangãü̃ i guü̃ma i yumüẽgü. Tüꞌcüü̃ Tupana tama nanangãü̃ i guü̃ma i yumüẽgü?
