Rü Maríacaꞌ rü Raúlcaꞌ rü Arnecaꞌ rü muü̃ma i togücaꞌ rü yumüẽ rü wüi meẽtchiü̃ i ãmare niĩ. Rü nümagü nüü̃ nacuaꞌgü na yumüẽgagu rü Tupanamaã nüü̃ tiu rü nacaꞌ ítaca i ngü̃ẽẽ rü nüna moẽ taãgü. Rü aicuma nagu nayaõgü i taꞌacü nüü̃ niu i Tupanaarü Ore: “Rü ngẽmaca̱x tama taxãnee nax nüxna ingaicamagüxü̃ ya Tupana. Rü nüxü̃ tacua̱x rü nüma tüxü̃ naxĩnü i ngẽxguma norü ngúchaü̃ yixĩxgu i ngẽma naxca̱x nüxna ica̱xaxü̃.”—1 Juã́ü̃ 5:14.

Muü̃ma i duü̃ü̃gücaꞌ rü nagutcha niĩ rü nagu nayaõ i taꞌacü Tupanaarü Orewa nüü̃ nangü̃ẽẽü̃ i yumüẽtchiga. “Ru Ngẽguma tchoü̃ nangemagu ga 17 ya taunecü, tamaepüꞌ i tchamücügü nayue rü wui tchamücü nayu nügümaã narübumütãü̃ rü tare  tchamücügü deágu tayue.” Taꞌacü Steve yemawena naü? “Rü tchayumüẽ rü Tupanacaꞌ ítchaca rü tüꞌcüü̃ nangupetüü̃ guü̃ i ngẽma, notürü tama tchoü̃ nangãü̃. Nhuꞌmachi nagu tcharüĩnüü̃: Taꞌacücaꞌ tchayumüẽ? Stevemaã nawüigu i muü̃ma i duü̃ü̃gü rü nagu narüĩnüẽ na Tupana norü yumüẽgü tama inaĩnü.

Notürü nangema i togü i ngẽmaü̃gü na duü̃ü̃gü nagu narüĩnüeü̃ na tama nanawaꞌe nayumüẽgü. Nümaü̃gü i duü̃ü̃gü nagu narüĩnüe na tama nanawaꞌe nayumüẽ erü Tupana marü guü̃ i ngẽmaü̃gü nüü̃ nacua’ rü nhuꞌmatchi tama nayumüẽ i norü ngútchaü̃gücaꞌ rüꞌẽna gutchaü̃gücaꞌ.

Rü togü i duü̃ü̃gü nagu narüĩnüe na Tupana tama norü yumüẽgüü̃ naĩnütchaü̃ nagagu naũpa tchieü̃ naügüü̃. Rü Jenny nüü̃ tiu: “Poraācü tchangetchaü̃ nagagu muü̃tchiü̃ i tchieü̃gü tchaüü̃. Ngẽmacaꞌ nagu tcharüĩnü na Tapana tama nanawaꞌe tchoü̃ naĩnü.”

Rü cuma? Taꞌacügu curüĩnü i yumüẽtchiga? Tchi marü nüü̃ cuĩnügu i ngẽma duü̃ü̃güarü ĩnürüü̃ rü cuü̃ name i taꞌacü Tupanaarü Ore nüü̃ niu i yumüẽtchiga. Rü tanawaꞌegü nagu tayaõgü na taꞌacü Tupanaarü Ore nüü̃ niu aicuma niĩü̃. a Rü Tupanaarü Ore tá tüü̃ narüngü̃ẽẽ i nüü̃ nayangau i norü ngãü̃gü i muü̃tchi i cagü:

• E’na Tupana tórü yumüẽgü aicuma nüü̃ naĩnü?

• Tüꞌcüü̃ nümaü̃gü i yumüẽgü Tupana tama nanangãü̃?

• Taꞌacü tá iügüü̃ na Tupana tórü yumüẽgü naĩnüü̃caꞌ?

• Nhuãcü tá yumüẽ tüü̃ narüngü̃ẽẽ?