Marü ningaica i wüi gutchaü̃ nhama wüi pucürüü̃ niĩ, na Ngetchutchu nüü̃ niu na ngẽma rü ‘poraãcü tá i ngúxü̃’. (Mateu 24:21) Ngẽma rü nangupetüü̃ i guü̃ i naãnewa. Notürü taꞌacü tá iügüü̃ na yigü itapoü̃güü̃caꞌ?

Ore i maꞌpǘnewa, Ngetchutchu nhanagürü: “Narümemaẽ nixĩ i Tupanaca̱xira pedaugü na ngẽma nüma pexü̃́ nanaxwa̱xexü̃xĩra pexügüxü̃ca̱x.” (Mateu 6:33) Nhuãcü tá iügüü̃ i ngẽma?

Tupana ya ãẽꞌgacücaꞌíra nadau. Ngẽma rü nhaü̃tchiga niĩ nagu iãgü i Tupana ya ãẽꞌgacü i torü maü̃wa. (Mateu 6:25, 32, 33) Tüꞌcüü̃? Erü Tupanaicatama nüü̃́ nangẽma i pora na nanameẽẽü̃caꞌ i guü̃ma i gutchaü̃gü i nua naãnewa nangẽma.

Nacaꞌ nadau i taꞌacü weꞌguü̃ niĩ i Tupanapeꞌewa. Inawaꞌegü yigü iporaẽẽ na Tupanaarü mugü nawaꞌeãcüma tamaẽü̃caꞌ. Tüꞌcüü̃? Erü ngẽguma nüü̃ taünetagügu i taꞌacü tacaꞌ meü̃ rüeꞌna tchieü̃ niĩ, gutchaü̃gü tüü̃ nangupetüü̃ tá. (Provérbios 16:25) Notürü, ngẽguma Tupanaga iĩnüẽgu, rü Tupanaü̃ itaãẽẽẽ rü ta yeera taãẽãcü tamaẽ. — Isaías 48:17, 18, TNM.

Nacaꞌíra nadau i Tupana rü taꞌacü i weꞌguü̃ i napeꞌewa. Ngetchutchu nüü̃ niu i nümaü̃ i duü̃ü̃gü nüü̃ nangetchaü̃gü i norü ngẽmaü̃gü, erü nagu narüĩnüẽ na dĩẽru nüü̃ ínapoü̃. Togü nacaꞌ naoegaãẽü̃tchi na  nhuãcü norü maü̃na nadau, rü ngẽmagagu tama Tupanacaꞌíra nadau. — Mateu 6:19-21, 25-32.

Notürü, Ngetchutchu namaã iunetaü̃ na yíema na nagu iãgü i Tupana ya ãẽꞌgacü rü guü̃guma tüü̃́ nangẽma i taꞌacü tüü̃ tauü̃ i nhuꞌma rü yeera i meü̃gü tanayaugü tá i wipeꞌewa. — Mateu 6:33.

Ngetchutchuarü ngúeü̃gü rü Tupanacaꞌíra nadaugü ga norü maü̃wa, notürü tama nüü̃ nadaugü i gutchaü̃güarü guꞌ yeguma namaẽgu. Woo i ngẽma, nüü̃ ínapoü̃ ga nümagü. Nhuãcü?

Nümagü naga naĩnüẽ ga Tupanaarü mugü rü yemacaꞌ nüna niĩgatchi i gutchaü̃gü. Nümagü rü poraãcü nagu nayaõgüü̃ na Tupana ya ãẽꞌgacü namaã ínacuáü̃ tá, rü yema rü nüü̃ narüngü̃ẽẽ na nüü̃ narüporamaegüü̃caꞌ i gutchaü̃gü i taü̃. Rü Tupana nüna naã ga ‘guü̃ma ga pora’ na yana namaã naĩnüẽü̃caꞌ i gutchaü̃gü. — 2 Corĩ́tiucü̃ãꞌ 4:7-9.

Nüíraü̃ü̃ ga yaõgüü̃ Ngetchutchuarü muga naĩnüẽ nacaꞌ Tupanacaꞌíra nadau. Nümagü Tupanaarü Oretchiga nideagü ngetá nayema i duü̃ü̃gü. (Corochacü̃ãꞌ 1:23) Eꞌna nangẽma i duü̃ü̃gü na narüü̃ napuracüe i nhuꞌma?

Ngü̃! Yeuwaarü Orearü Uruü̃gü nüü̃ nacuaꞌgüü̃ na marü ningaica i nguneü̃ na Tupana ya ãẽꞌgacü nüü̃ narüoẽẽ tá i guü̃ma i tchieü̃gü. Rü ngẽmacaꞌ, nügü naporaẽẽ na ngẽma Ngetchutchuarü orega naĩnüẽü̃caꞌ i nhaü̃: “Rü ngẽma Tupanaãrü ore i mexü̃ rü guxü̃ i naãnewa tá nüxü̃ nixugügü na guxü̃ i duü̃xü̃gü nüxü̃ na cua̱xgüxü̃ca̱x. Rü ngẽmawena tá nixĩ i nagúxü̃.” — Mateu 24:14.

Taꞌacü tá cuü nawena na nüü̃ cuĩnü i ngẽma ore i meü̃? Tomagü cuü̃ taucuꞌẽ na narüü̃ cuüü̃caꞌ ya duü̃ü̃gü ya Beréacü̃ãꞌ ga Machedóniãwa. Yeguma Pauru namaã nüü̃ niugu ga Tupanaarü Ore i meü̃, nümagü rü “norü ngúchaü̃maã meãma nanayauxgü ga yema ore.” Yemawena, “guxü̃ ga ngunexü̃gu rü Tupanaãrü ore ga ümatüxü̃wa nangúe na meã nüxü̃ nacua̱xgüxü̃ca̱x ngoxi aixcüma yiĩxü̃ ga yema ore.” Rü yemagagu, yema ore nawaꞌeãcüma namaẽ. — Puracügü 17:11, 12.

Cuma rü ta ngẽgumarüü̃ cuüü̃. Tchi nacaꞌíra cudaugu i Tupana rü taꞌacü i weꞌguü̃ niĩ i napeꞌewa, rü nüü̃ ícuyangau tá i “poü̃ruü̃” i nhuꞌma rü taãẽãcü cumaü̃ i wipeꞌewa.