“Rü núma naxũ na torü ãẽ̱xgacü quiĩxü̃ca̱x” — Wüi yumüẽ muü̃tchiü̃ i duü̃ü̃gü ügüü̃
Marü cuyumüẽ rü Tupanacaꞌ naca na núma naũ na torü ãẽꞌgacü niĩü̃caꞌ? Muü̃tchi i taunecüguyane, muü̃tchi i duü̃ü̃gü rü Tupanana naca nacaꞌ i nhaü̃: “Rü núma naxũ na torü ãẽ̱xgacü quiĩxü̃ca̱x.” Tüꞌcüü̃ ngẽmatchiga nayumüẽgü? Erü Ngetchutchu nüü̃ nanguꞌẽẽ ga norü ngúeü̃gü na ngẽmaãcü nayumüẽgü.
Nũcüma, norü ngúeü̃gü tama meã nüü̃ nacuaꞌgü ga taꞌacü Ngetchutchu nüü̃ nanguꞌẽẽ. Wüieꞌpüꞌcüna rü nümagü rü nüna naca i nhaü̃: “Pa Corix, ¿ẽ́xna ñoma tá nixĩ i ngunexü̃ i . . . wenaxãrü tomatama namaã itacuáxü̃ca̱x i ñaã tochiü̃ãne?” Nümagü nabaiꞌãtchi erü Ngetchutchu tama nüü̃ niu nhugu Tupana nhama i naãnemaã ínacuáü̃ tá. (Puracügü 1:6, 7) Eꞌna ngẽma rü nanaweꞌ na taguma nüü̃ icuaꞌgüü̃ nhugu tá rü nhuãcü tá Tupana tamaã ínacuá? Tama!
Nhaa popera Dauü̃taecü cuü̃ narüngü̃ẽẽ tá na nüü̃ icuyangauü̃ i nhaa cagüarü ngãü̃:
Tüꞌcüü̃ tanawaꞌegü na Tupana tamaã ínacuá?
Teé Tupana nüü̃ nauneta na nhama i naãnemaã ínacuáü̃caꞌ?
Nhugu tá Ngetchutchu nhama i naãnemaã ínacuáü̃?
Taꞌacü tá Ngetchutchu nanaü ngẽguma naãnemaã ínacuágu?
Tüꞌcüü̃ nagu naã i Tupana ya ãẽꞌgacü i nhuꞌma?
Nhuãcü tá Tupana naãnemaã ínacuá?
