Tüꞌcüü̃ tanawaꞌegü na Tupana tamaã ínacuá?
Yeguma Tupana nanaügu i nüíraü̃ i duü̃ü̃gü ga Adã́ũ rü Ewa, torü Üruü̃ ya Yeuwa, rü nüicatama i ãẽꞌgacü niĩ. Nüma rü nüü̃ nangetchaü̃ãcüma namaã ínacuá. Nüma rü nanaü ga meẽtchiü̃ ga natchica, Édeũgu ãégaü̃, na duü̃ü̃gü nawa namaẽü̃caꞌ. Rü ta nüna naã muü̃tchi ga õna. Rü nhuꞌmatchi, duü̃ü̃güna naã ga wüi puracü i meü̃. (Gênesis 1:28, 29, 2:8, 15) Rü duü̃ü̃gü taãẽãcü namaẽ tchi Tupanaga naĩnüẽamagu.
Adã́ũ rü Ewa tama naga naĩnüẽtchaü̃ ga Tupana ya ãẽꞌgacü
Tupanaarü Ore nüü̃ niu na wüi ga ãĩyu ga tama naga ĩnütchaü̃cü, rü Tchatanágu ãégaü̃, nüü̃ niu na Tupana tchiri namaã ínacuá. Nüma rü nüü̃ niu na duü̃ü̃gü yeera nataãẽgü tchi Tupana tama namaã ínacuágu. Nangetchaü̃ü̃tchi, erü Adã́ũ rü Ewa ngẽma doragu nayaõgü rü Tchatanárüü̃ tama Tupanaga naĩnüẽü̃. — Gênesis 3:1-6, Apocaríchiu 12:9.
Adã́ũ rü Ewa nüü̃ naoe ya Tupana ya ãẽꞌgacü, rü yemagagu tama maü̃ i taguma gúü̃ nüü̃́ nayema rü bai Édeũwa namaẽetcha. (Gênesis 3:17-19) Taꞌacü nümagü naügü rü nanatchiẽẽ ga nataagü. Tupanaarü Ore rü nhanagürü: “Rü nüxiraxü̃cü ga yatü ga Adáü̃gagu nixĩ ga guxü̃ma ga duü̃xü̃güwa nanguxü̃ ga pecadu. Rü pecadugagu ínangu i yu.” (Romacü̃ãꞌ 5:12) Rü ngẽmagagu, nangẽma i to gutchaü̃: “Yatü rü to yatümaã ínacuá norütama tchieü̃caꞌ.” (Eclesiastes 8:9, TNM) Ngẽguma duü̃ü̃gü nügümaã ínacuágügu, muü̃tchi i gutchaü̃gü nangupetüü̃.
DUÜ̃Ü̃GÜ RÜ INANAÜGÜ NA NAMAÃ ÍNACUÁGÜÜ̃
Nĩró tama Yeuwaga naĩnütchaü̃
Tupanaarü Ore nüü̃ niu ga nüíraü̃ ga yatü ga duü̃ü̃gümaã ínacuáü̃ rü Nĩró niĩ. Nüma rü tama Tupanaga naĩnütchaü̃. Norü nguneü̃gucürüwa, duü̃ü̃gü tchiri togümaã ínacuágüü̃. Nũcümaü̃tchima, ãẽꞌgacü ga Charumóü̃ nhanagürü: “Nüü̃ tchadau nagüü̃ẽtü i duü̃ü̃gü i ngúü̃ ingegüü̃, erü taúema nüü̃ tataãẽẽẽ. Rü teé i tama ngü̃ẽẽgu tarüĩnüeü̃ rü namaã ítacuágü.” — Eclesiastes 4:1, TNM.
Nhamaãcüü nũcümarüü̃ niĩ. Nagu ga 2009, wüi ONUarü popera nüü̃ niu nagagu i ãẽꞌgacügü i tchieü̃ niĩ na ‘nangẽma gutchaü̃gü i nhama i naãnewa.’
WIPEꞌEWA TAMA NHUꞌMAMAÃ NAWÜIGU!
Duü̃ü̃gü nanawaꞌe i meü̃ i ãẽꞌgacügü na meã namaã ínacuágüü̃caꞌ. Rü ngẽma niĩ i taꞌacü Tupana tamaã iunetaü̃!
Natchiü̃ãnegüarü ãẽꞌgacügü taucürüwa nanameẽẽ i duü̃ü̃güarü gutchaü̃gü
Tupana ya daũwa ngẽmacü rü nayamucutchi i wüi i ãẽꞌgacü “rü ngẽmaãcü i nüma rü guxü̃gutáma ãẽ̱xgacü nixĩ.” (Daniel 2:44) Ngẽma niĩ i taꞌacü duü̃ü̃gü nacaꞌ naca i yumüẽwa. (Mateu 6:9, 10) Rü Tupana nüü̃ nauneta teé naãnemaã ínacuáü̃ tá. Ngẽma nüü̃ unetacü rü marü nua ga naãnewa namaü̃. Teé Tupana nüü̃ nauneta?
