GUTCHAÜ̃GÜ I NAÃNEARÜ TAWA
1 | Nüü̃ ínapoü̃ i cuü̃ne
TÜꞌCÜÜ̃ NAME NIĨ?
Wüi gutchaü̃ rü muü̃tchi i nacümagüãcüma nüü̃ nanatchiẽẽ i naü̃ne.
-
Ngẽguma gutchaü̃gü nangupetügu, duü̃ü̃gü rü tama nameãẽmaregü, rü ngẽma nanatautchaü̃ẽẽ na nidaꞌawegüü̃caꞌ.
-
Nagagu i wüi gutchaü̃, bemana nanagutchaü̃ẽẽ i duturugü nacaꞌ duü̃ü̃güna nadaugü rü nüna naã i üüü̃.
-
Gutchaü̃gü rü nanagutchaü̃ i duü̃ü̃gü nacaꞌ napuracüe rü nacaꞌ natae i õna rü taꞌacü nawaꞌe na namaẽamaü̃caꞌ.
Taꞌacü name niĩ nüü̃ cucuaꞌü̃?
-
Wui daꞌawe rü oegaãẽ rü cuü̃ nanagutchaü̃ẽẽ na meü̃ i uneta cuüü̃caꞌ, rü yeera nanatchieẽẽ i cuü̃ne rü poraãcü cuü̃ nidaꞌaweẽẽ.
-
Tchi tama daꞌawena nadaugu, bemana nanatchieẽẽ rü nanayuẽẽ i duü̃ü̃.
-
Tchi nüna cudaugu i cuü̃ne, ngẽguma gutchaü̃gü nangupetügu meã i unetagü cuü tá.
-
Nüétama nhure i dĩẽru cuü̃́ nangẽma rü nangẽma i taꞌacü tá cuü na cuü̃nena cudauü̃caꞌ.
Taꞌacü cuüü̃ i nhuꞌma?
Guü̃guma name duü̃ü̃ i naãẽ i cuaꞌü̃ rü meã nangugü i ãũcümaü̃ i nacüwawa nangẽma rü nügü nameẽẽ na nügü ínapoü̃ü̃caꞌ. Ngẽma rü name ta nacaꞌ i naü̃ne. Mueꞌpüꞌcüna meã nüna nadau i naü̃ne rü ĩpata rü nüü̃ narüngü̃ẽẽ na tama nidaꞌaweü̃caꞌ rüeꞌna na daꞌawe yeeraãcü natchie. Meã nügüna nadau naü̃pa rü narümemaẽ niĩ.
André a nhanagürü: “Ngẽguma meã nüna nadaugü i taü̃ne rü tapata, tama mueꞌpüꞌcüna duturupataü̃wa taĩ rü bai nacaꞌ tatae i üüü̃.”
a Nümaü̃tchigü i naégagü nhaa poperawa ngẽmagüü̃ rü niügatchigü.
