Naoegaãẽ nagagu i gutchaü̃gü rü nüü̃ natchieẽẽ i duü̃ü̃arü ĩnü rü naü̃ne. Rü ngẽmagagu, muü̃tchi i duü̃ü̃gü nagu narüĩnüẽ na taucürüwama meü̃ wipeꞌewa nangupetüü̃. Taꞌacügu narüĩnüẽ?

• Nümaü̃ tama nawaꞌe nagu rüĩnüẽ i wipeꞌewatchiga.

• Nayipe rüeꞌna nangãü̃ na nüü̃ inarüngümaü̃caꞌ i norü gutchaü̃gü

• Rü nümaü̃ nayuetchaü̃. Nümagü nhanagürügü: “Tüꞌcüü̃ tchamaü̃ama?”

• Nümaü̃ i curü gutchaü̃gü rü bemana paa yagúü̃ rüeꞌna ngürüãtchi nanameẽẽ.

• Woo curü gutchaü̃ tama yaguꞌgu, nangẽma i taꞌacü tá cuü na meã namaã ícucuáü̃caꞌ.

• Tupanaarü Ore namaã iunetaü̃ na wipeꞌewa yagúü̃ tá guü̃ma i gutchaü̃gü rü name ngẽmagu cuyaõ.

Tupanaarü Ore nhanagürü: “¡Taxṹ i naxca̱x pexoegaãẽgü i ngẽma moxü̃ tá üpetüxü̃! Erü moxü̃arü ngunexü̃ rü tá nüxü̃́ nangẽxma i norü guxchaxü̃gü i namaxã ínanguxü̃. Erü wüxichigü i ngunexü̃ rü nüxü̃́ nangẽxma i noxrütama guxchaxü̃gü.” — Mateu 6:34.

Nacaꞌ nagutchaãẽ i taꞌacü nhuꞌmatama nangupetüü̃. Taṹ nacaꞌ cuoegaãẽ i taꞌacü moü̃ tá üpetüü̃ erü ngẽma rü cuü̃ nanagutchaü̃ẽẽ na cuüü̃caꞌ i taꞌacü cunawaꞌe i nhuꞌma.

Nacaꞌ cugutchaãẽ i tchieü̃ i taũta ngupetüü̃ rü nanaturaẽẽ i curü õ nacaꞌ i meü̃ wipeꞌewa ngupetüü̃ tá.

 Wüi Tupanaarü duü̃ü̃ nayumüẽ: “Rü ngẽma curü ore rü cha̱u̱xca̱x rü ñoma wüxi i omürüxü̃ nixĩ rü choxü̃ nibáixmaxü̃.” (Salmo 119:105) Nüü̃ nadau nhuãcü Tupanaarü Ore rü nhama õmürüü̃ niĩ.

Tchutacügu, õmü tüü̃ narüngü̃ẽẽ na nüü̃ tadaugüü̃caꞌ ngetá taĩ. Ngẽgumarüü̃, Tupanaarü Ore tüna naã ucuꞌẽgü i tüü̃ narüngü̃ẽẽ na meü̃ i unetagü iügüü̃caꞌ i gutchaü̃wa.

Rü nhuꞌmatchi, õmü tüü̃ narüngü̃ẽẽ na nüü̃ tadaugüü̃caꞌ i taꞌacü tapeꞌewa nangẽma. Ngẽgumarüü̃ ta, Tupanaarü Ore tüü̃ narüngü̃ẽẽ na nüü̃ tacuaꞌgüü̃caꞌ i taꞌacü wipeꞌewa ngupetüü̃ tá.