NATEGÜCAꞌ RÜ NAMAꞌGÜCAꞌ
4: Nüü̃́ nüü̃ nangetchaü̃
TAꞌACÜTCHIGA NIĨ I NGEMA?
Ngẽguma nüü̃́ nüü̃ nangetchaü̃gu i duü̃ü̃gü, yima duü̃ü̃ nüü̃ inarüngüma taꞌacü i duü̃ü̃gü tchieü̃ãcü nüü̃ naü urü nüü̃ niu. Notürü, ngema rü tama niĩ nagu narüĩnü ga tauma nangupetü rü bai ga yema naü tama tchieü̃ niĩ.
TUPANAARÜ ORE NHANAGÜRÜ: “Rü name nixĩ i wüxichigü i pema pegümaxã yáxna pexĩnüe. Rü ngẽxguma chi pegümaxã penuegu, rü name nixĩ i pegüxü̃́ nüxü̃ perüngü̃ma. Rü yexgumarüxü̃ ga tórü Cori pexü̃́ nüxü̃ iyanangümaxü̃ i perü chixexü̃gü.” — Corochacü̃ãꞌ 3:13.
“Ngẽguma cumücüü̃ nangetchaü̃, cuma tama nagu narüĩnü i taꞌacü tchieü̃ i cumücü nangema, notürü cugü naporaẽẽ na nüü̃ cudauü̃caꞌ i taꞌacü meü̃ cumücü ngemaü̃.” — Aaron.
TÜꞌCÜÜ̃ NAME NIĨ I NGEMA?
Nügümaã nanue tama name erü bemana idaꞌaweü̃ tá torü naü̃ne rü torü naãẽwa. Rü ta, bemana nanatchieẽẽ torü ngĩgütchiga.
“Wüi nguneü̃gu, tchaute tchacaꞌ ínaca na nüü̃ itcharüngüma i taꞌacü i tchieü̃ tchoü̃ naü. Tama natautcha i ngema, notürü ngema tchieü̃ nüü̃ itcharüngüma. Wüi ga ngetchaü̃ yiĩ yerü tama paꞌatchi nüü̃ itcharüngüma. Rü tangetchaü̃ü̃tchi erü nangupetü ga yema.” — Julia.
TAꞌACÜ TÁ CUÜÜ̃?
INATCHAÃTCHI RÜ NAGU RÜĨNÜ
Nagu curüĩnü i ngema ngẽguma cumücü nanaü tá i taꞌacü tama cuü̃ name:
-
‘Rüꞌena tchama nüü̃́ natautcha na itcharümaãtchiẽẽ?’
-
‘Rüꞌena taꞌacü ga nangupetü ãũrima tchieü̃ yiĩü̃? Rüꞌena aicuma tchanawaꞌe na tchacaꞌ ínaca na nüü̃́ nüü̃ tchangetchaü̃ i ngema urü nüü̃ itcharüngümamare i taꞌacü tchoü̃ ga naü?’
NÜGÜMAÃ NIDEAGÜ
-
Nhuꞌre i tempu naüpetü na nügümaã nameãẽmare rü nüü̃ itarüngüma i ngema?
-
Taꞌacü tanaügü na nüü̃ narüngü̃ẽẽ na paꞌama na togümaã tüü̃́ nüü̃ tangetchaü̃gü?
UCUꞌẼGÜ
-
Tchi bemana cumücü cutchi naaiꞌẽãcü, tama nagu curüĩnü na cumücü nanaütchaü̃ i ngema.
-
Name niĩ cumücüü̃́ nüü̃ nangetchaü̃. Nüna cucuaꞌãtchi na “guxãma i yixema rü muẽ̱xpü̱xcüna chixexü̃ taxüe.” — Tiago 3:2.
“Ngẽguma nate rü namaꞌ nanaü i tchieü̃ natautcha niĩ nüü̃́ nüü̃ nangetchaũ. Notürü ngẽguma wüitama tama naweꞌgugu nagutchaü̃tchi niĩ na nüü̃ inarüngüma i norü tchieü̃. Ngẽmacaꞌ, rü na nüü̃́ nüü̃ nangetchaü̃ü̃caꞌ nanawaꞌe nügü írüíraü̃ niĩ.” — Kimberly.
TUPANAARÜ ORE RÜ NHANAGÜRÜ: “Rü name i ngẽmatama ngunexü̃gu perüngüxmü naxü̃pa nax yanaxücuxü̃ ya üa̱xcü.” — Epéchiucü̃ãꞌ 4:26.
Nügümaã nanue rü tama name erü bemana idaꞌaweü̃ tá torü naü̃ne rü torü naãẽwa. Rü ta, bemana nanatchieẽẽ torü ngĩgütchiga.