Ngẽguma nacaꞌ nadaugu i ngema nüna nangutchaü̃ nameetchi niĩ, notürü tama naãnegürica niĩ. Nanawaꞌe meã nagu rüĩnügu rü pora naü na ngẽma iütchaü̃ü̃caꞌ.

Nangemagü i ngema inawaꞌegüü̃ na nüna ingugüü̃ i bemana nũcü ínguutchigüü̃. Bemana nguneü̃gü, tauemacügü rü taunecügü yange nhuꞌmata nüna íngugü. Nanawaꞌe nüna íngugüíra i ngema taꞌacü i íraü̃ i ügütchaü̃. Naü̃pa na nacaꞌ idaugüü̃ na nüna ingugüü̃caꞌ i ngema taütchi i taꞌacü iügütchaü̃ü̃.

Ngẽguma meã ínanguutchigu i curü ngema nüna cungutchaü̃ ngema rü cuü̃ narüngü̃ẽẽ na cutaãẽ rü ta yeera cuamücüna cungaicama.

Cugügu cuyaõ: Cuma rü cugügu cuyaõ tá na nüna cungugüü̃ tá i ngema taütchi i taꞌacü cuütchaü̃güü̃ ngẽguma tá nüna cungugügu i ngema íragüü̃. Cuma rü tá ta yeera cugügu cuyaõ na nüü̃ cuyeeraü̃ tá i nguneü̃güarü gutchaü̃gü. Cuaꞌãtchiruü̃, tautama naga cuĩnü i cumücügü ngẽguma nanawaꞌegügu na tchieü̃ cuüü̃.

Yeera cuamücüna cungaicama: Muũma i duü̃ü̃gücaꞌ name niĩ i ãmücügü na poraacü nacaꞌ nadau i ngema nüna nangutchaü̃ü̃. Ngẽguma cuamücümaã cupuracügu na pecaꞌ pedaugü i ngematama nüna nangutchaü̃ü̃, yeera cuamücüna cungaicama.

Yeeraãcü cutaãẽ: Ngẽguma nacaꞌ nadau i ngema nüna cungutchaü̃ü̃ rü meã ínanguutchi, cuma rü cutaãẽãcü.

“Tchoü̃ name nagu tcharüĩnü i taꞌacü tchaütchaü̃ i tchorü maü̃. Ngemaãcü rü itchapuracü na meã ínanguutchi tchorü ngútchaü̃. Rü ngẽguma i ngema nangupetügu tchataãẽü̃tchi.” — Christopher.

TUPANAARÜ ORE RÜ NHANAGÜRÜ: “Rü yíxema ínanguxẽxẽ́xẽ nax buanecü ngupetügu nax tatoexü̃, rü tagutáma tatoe. Rü yíxema meanexü̃ ínanguxexẽxẽ nax tanabuxuxü̃ i tümanetü, rü tagutáma tanabuxu i tümanetüarü o.” — Eclesiastés 11:4.

Nhaã ucuꞌẽgü cuü̃ narüngü̃ẽẽ na meã nüna cungugüü̃caꞌ i ngema taꞌacü cunawaꞌegüü̃.

Nüü̃ nidaugü taꞌacü cuütchaü̃ i curü maü̃wa. Nawümatü i wüi i poperawa i taꞌacü cuütchaü̃ i curü maü̃wa. Rü nüü̃ cudau i taꞌacü i nüíra cuütchaü̃, rü yicama nüü̃ cudau togü na cuütchaü̃.

Meã nagu narüĩnü taꞌacü cuütchaü̃ i curü maü̃wa. Rü wüitchigü i ngema nüna cungutchaü̃ü̃, nanaü i ngema:

• Nüü̃ nidaugü i wüi i nguneü̃gu na nayanguẽẽü̃caꞌ i taꞌacü cuütchaü̃.

• Nawümatü i taꞌacü cunawaꞌe na meã ínanguutchi i ngema nüna nangutchaü̃ü̃.

• Nagu curüĩnü i gutchaü̃gü na bemana nangemagü rü ta nhuãcü na nanameẽẽ.

Nanaü taꞌacü i nagu curüĩnü. Tama nanawaꞌe nagu curüĩnü guü̃ma na ngemaü̃ na inanaügüü̃caꞌ curü ngútchaü̃. Cuãẽwa naca cucaꞌ: ‘Taꞌacü nüíra nanawaꞌe tchaüü̃ na meã ínanguutchi ngema nawa nangutchaü̃ü̃?’ Düwa, cunaü i taꞌacü nagu curüĩnü rü tama narüo na yeera nacaꞌ cudau i ngema nawa nangutchaü̃ü̃.

TUPANAARÜ ORE RÜ NHANAGÜRÜ: “Ngẽxguma mea nagu rüxĩnügu i ngẽma ixüxchaü̃xü̃, rü mea tá ínanguxuchi, natürü ngẽxguma ñu̱xãẽãcü ta̱xacü ixüxgu rü chixri ínanguxuchi.” — Provérbios 21:5