NAACÜGÜCAꞌ
9: Nüü̃ nacuaꞌama teé quiĩü
TAꞌACÜTCHIGA NIĨ I NGEMA?
Na nüü̃ nacuaꞌama aicuma teé quiĩ, nanawaꞌe cuãẽwa nüü̃ cucuaꞌ i curü nacüma rü taꞌacüü̃ cuyaõ. Tamarica niĩ i cuéga rü curü natchirügü na nüü̃ nanaweꞌ na aicuma teé quiĩ.
TÜꞌCÜÜ̃ NAME NIĨ I NGEMA?
Ngẽguma meã nüü̃ cucuaꞌ aicuma teé quiĩ, tama nüü̃ narüo i taꞌacügu cuyaõ rü togü i duü̃ü̃gü tama cugümaã nacuaꞌü̃.
“Muũma i duü̃ü̃gü i nawüigu niĩ i bunecararüü̃ i natchirügüarü itaepataü̃wa. Tama nümagütama i norü natchirügü nüü̃ nidaugü, notürü to i duü̃ü̃gü nanaü i ngema.” — Adrian.
“Nacaꞌ tchangúꞌ ínanapoü̃ i taꞌacü i meü̃ woo ngema nagutcha niĩgu. Meã nüü̃ tchacuaꞌ teé tchorü tchamücügü aicumacü niĩ, ngẽguma nümagü meã nüü̃ nanayaugu i tchorü dea rü tama tchoü̃ nacugüe.” — Courtney.
TUPANAARÜ ORE RÜ NHANAGÜRÜ: “Rü tama name i ñoma i naanecüã̱x i duü̃xü̃gücümagu pexĩ. Natürü name nixĩ i Tupanana pegü pexãgü nax nüma pexü̃ naxüchicüüxü̃ca̱x rü ngexwaca̱xü̃xü̃ i peãxẽ pexü̃́ ngẽxmaxü̃ca̱x.” — Romacü̃ã 12:2.
TAꞌACÜ TÁ CUÜÜ̃?
Meã nüü̃ cucuaꞌ i cucümagü cuü̃ narüngü̃ẽẽ tá na nüü̃ cucuaꞌ teé quiĩ i nhuꞌma rü ta teé quiĩ tá i wipeꞌewa. Rü ngẽmacaꞌ, cugüãẽwa cugüna naca:
Nagu curüĩnü i cumecümatchiga: ‘Taꞌacü i meü̃gü na meã tchacuaꞌ naü? Ngeü̃rüüü̃ i tchorü cuaꞌ? Eꞌna tchama rü nüü̃ tchacuaꞌ na tchaugümaã tchacuaꞌü̃? Meã tchapuracü? Rüeꞌna tchama inaãwaꞌeü̃? Rüeꞌna meama oragu itchangu?’
UCUꞌẼ: Cucaꞌ nagutcha niĩ nüü̃ cucuaꞌ i ngeü̃rüüü̃ i cumecümagü? Nhuꞌmatchi nacaꞌ ícuca na papagü urü cumücügü na cuü̃ nidea i curü mecümagütchiga.
TUPANAARÜ ORE RÜ NHANAGÜRÜ: “Rü ngẽmaca̱x i wüxichigü, rü name nixĩ i mea tügüarü maxü̃tama tangugü. Rü ngẽxguma namexgu i tümaarü maxü̃, rü name nax tügümaxãtama tataãxẽ. Natürü taxuca̱xma tü̱xcüü̃ togüarü maxü̃wa tügü tangugü.” — Gárataanecü̃ãꞌ 6:4.
Nagu curüĩnü i curü tchieü̃cümatchiga: Nhuãcü tcharümecümamae? Nhugu tchoü̃ nagutchaü̃tchi taꞌacü i weꞌguü̃ tchanaü? Nhugu tchanawaꞌe tchaugümaã tchacuaꞌü̃?
TUPANAARÜ ORE RÜ NHANAGÜRÜ: “Ngẽxguma chi nüxü̃ ixuxgu rü: “Changearü pecaduã̱x”, ñagügu, rü yigütama tawomüxẽxẽ, rü tidoraemare.” — 1 Juã́ũ 1:8.
Taꞌacüwa nagu tchayaõ: Tchaucaꞌ taꞌacü name niĩ rü taꞌacü tchieü̃ niĩ? Tüꞌcüü̃ nagu tcharüĩnü ngẽmaãcü? Rüeꞌna aicuma Tupanaü̃ tchayaõ? Tüꞌcüü̃ nagu tchayaõ na Tupana nangẽmaü̃? Tchaucaꞌ taꞌacü tama weꞌguü̃ niĩ rü tüꞌcüü̃? Rü taꞌacügu tchayaõ na nangupetü tá i wipeꞌewa?
TUPANAARÜ ORE RÜ NHANAGÜRÜ: “Ngẽma nax aixcüma mea imaxẽxü̃ rü taãẽxü̃ icuáxü̃ rü ngẽma nixĩ i guxü̃gutáma chixexü̃na cuxü̃ ípoxü̃xü̃.” — Provérbios 2:11.
