Ngẽguma nate rü namaꞌ wüigu napuracüegu nümagü niĩ i abióũarü topeꞌeruü̃ rü norü rüngü̃ẽẽcü na nawüigu rüĩnüe. Ngẽguma gutchinügü nangupetügu tama nügüguicatama narüĩnüẽ notürü nügügu narüĩnüe.

TUPANAARÜ ORE RÜ NHANAGÜRÜ: “Rü ngẽmaãcü tama taxre nixĩ, rü wüxitama nixĩ.” — Mateu 19:6.

“Rü ngĩgütchigagu nate rü namaꞌ tama wüicatama napuracüe notürü wüigu nügümaã puracüeü̃ rü nataãẽgü.” — Christopher.

Rü nate rü namaꞌ na tama wüigu napuracüe, ngẽguma wüi gutchaü̃ nüü̃ nangupetügu nügü natchoü̃gagu rü tama nanameẽẽ i ngema gutchaü̃. Nhuꞌmatchi ngema gutchaü̃ ga bemana iraü̃ rü yeera nataütchima.

“Ngĩgütchigagu name niĩ wüigu nügümaã puracüeü̃. Tchi tchaute rü tchama tama yigümaã puracüeü̃, tare duü̃ü̃gü na nawüigu namaẽẽ notürü tama nawüigu narüĩnüegü.” — Alexandra.

INATCHAÃTCHI RÜ NAGU RÜĨNÜ

• Rüeꞌna nagu tcharüĩnü i diẽru tchayau tchorüicatama niĩ?

• Rüeꞌna tchameãẽmare ngẽguma tchamücü nüna nayáü̃gu?

• Rüꞌena tama tchoü̃ name na tchamücüarü natanüü̃maã tchaĩ woo ngema nacaꞌ nameetchi niĩ?

NÜGÜMAÃ NIDEAGÜ

• Taꞌacüwa yigümaã meã tapuracüe i ngĩgütchiga?

• Taꞌacüwa tanawaꞌegü yeraãcü tarüme i ngĩgütchiga?

• Taꞌacü tanawaꞌegü iügüü̃ na nanameü̃caꞌ?

UCUꞌẼGÜ

• Nagu curüĩnü na curü ngĩgü i cugütaerüü̃. Taꞌacü cunaü na wüigu nacugütaegü rü tama tchamücütchaꞌwa? Ngemaãcü wüigu cugütaetanüü̃ peiĩgü.

• Tama nagu curüĩnü: ‘Nhuãcü nüü̃ tcharüporamae?’, notürü nagu curüĩnü nhaãcü: ‘Nhuãcü toma nüü̃ írüporamaegü?’

“Tama nagu curüĩnü na guü̃guma cuicatama weꞌguü̃ quiĩ. Notürü pegü perüngü̃ẽẽgü na ngĩgütchigawa meã pegümaã namaẽ rü pemeãẽmare.” — Ethan.

TUPANAARÜ ORE RÜ NHANAGÜRÜ: “¡Rü tama pegüguxicatama perüxĩnüe, natürü name nax ngẽma togügu perüxĩnüexü̃ rü pegü perüngü̃xẽxẽgüxü̃!” — Piripucü̃ãꞌ 2:3, 4.