Êxodo 10:1-29
10 --
2 --
Tupana rü Faraóũca̱x munügü ínangugüxẽxẽ
3 Rü Moiché rü Aróũ rü Faraóũxü̃tawa naxĩ, rü nhanagürügü nüxü̃: —Cori ya Iraéutanüxü̃güarü Tupana rü cuxca̱x nua namuga rü nhanagürü cuxü̃: “¿Nhuxguxüratáta i nüxü̃ curüxoxü̃ nax choxna cugü quinuxuxü̃? ¡Rü yange̱xgü i chorü duü̃xü̃gü nax choxü̃ yanacua̱xüü̃güxü̃ca̱x!” nhanagürü.
4 --
5 --
6 Rü ngẽma Tupanaarü poxcu nax munügü tá cuxca̱x ínangugüxẽẽxü̃ rü yima cuchiü̃ rü munümaxã tá nanapá. Rü ngẽxgumarüxü̃ tá ta i ngẽma curü ngü̃xẽẽruü̃güchiü̃gü rü munümaxã nanapágü rü guxü̃ma i Eyítuanecüã̱xchiü̃gü rü tá namaxã nanapágü. Rü ngẽma guxchaxü̃ i nhu̱xmax tá nüxü̃ cudauxü̃ rü cunatü rü nũxcümaxü̃güxe ya curü o̱xigü rü taguma nüxü̃ tadaugü rü nhu̱xmata nhama i ngunexü̃wa nangumare —nhanagürügü. Rü yema nhaxguwena rü nüma ga Moiché rü nadaueguãchi rü Faraóũchiü̃wa ínaxũxü̃.
7 Rü yexguma ga Faraóũarü ngü̃xẽẽruü̃gü rü nhanagürügü nüxü̃: —Pa Ãẽ̱xgacüx ¿cuyadaxẽẽamatama i nhu̱xmax nax guxchaxü̃ nua tüxna naxãxü̃ i ngẽma yatü i Moiché? ¡Yange̱xgü i ngẽma duü̃xü̃gü nax norü Cori ya Tupanaxü̃ yanacua̱xüü̃güxü̃ca̱x! ¿Ẽ̱xna, nhu̱xmax rü ta tama nüxü̃ cudau i nhaa tórü naane i Eyítuane rü poraãcü nax nachixexü̃? —nhanagürügü.
8 Rü yexguma ga nüma ga Faraóũ rü wenaxarü Moichéca̱x rü Aróũca̱x nangema. Rü nhanagürü nüxü̃: —Marü name i perü Cori ya Tupanaxü̃ peyarücua̱xüxü̃gü. Notürü chanaxwa̱xe i chamaxã nüxü̃ pexu nax texégü tá tixĩxü̃ ya yíxema ngẽ́ma ĩxe —nhanagürü.
9 Rü yexguma ga Moiché rü nanangãxü̃ rü nhanagürü: —Rü ngẽ́ma tá taxĩ namaxã i guxü̃ma i torü buxü̃gü, rü torü yaxguã̱xgü, rü tonegü rü toxocügü rü torü carnérugü rü torü wocagü. Erü ngẽma tá taxüxü̃, rü wüxi i taxü̃ma i torü Coriarü cua̱xüxü̃chiga nixĩ —nhanagürü.
10 Notürü ga nüma ga Faraóũ rü nhanagürü nüxü̃: —Rü nango̱xochiama i ngẽma chixexü̃ i nagu perüxĩnüexü̃. ¿Ẽ̱xna pema nagu perüxĩnüegu rü perü Cori ya Tupana rü tá pexü̃ íyaxümücüxü̃? ¿Rü ẽ̱xna nagu perüxĩnüegu rü chama rü tá pexü̃ chinge̱xgüxü̃ nax perü buxü̃gümaxã ngẽ́ma pexĩxü̃ca̱x?
11 Rü dücax, rü taxũtáma ngẽmaãcü nixĩ. ¡Ẽcü, ngẽ́ma pexĩ ya guxãma i yatüxe i yáxe, rü perü Cori ya Tupanaxü̃ peyarücua̱xüxü̃gü! Erü ngẽma nixĩ i penaxwa̱xexü̃ —nhanagürü. Rü yexguma ga nüma ga Faraóũ rü norü duü̃xü̃güxü̃ namu nax nape̱xewa tüxü̃ ínawoxü̃xü̃ca̱x.
12 Notürü nüma ga Cori ya Tupana rü Moichéxü̃ nhanagürü: —¡Eyítuaneétügu nawéxme̱x nax ngẽmaãcü nua naxĩxü̃ca̱x i munügü! Rü ngẽma munügü rü tá nayawa i guxü̃ma i nanetü i nhaa nachixü̃anewa íyaxügüxü̃ nawena ga yema gáuxü̃ ga dauxü̃wa rüyixü̃ —nhanagürü.
13 Rü yexguma ga Moiché rü Eyítuaneétügu nawéxme̱x. Rü nüma ga Cori ya Tupana rü nanamu ga wüxi ga buanecü ga léstewaama ne ũcü ga guxü̃ ga chütaxü̃ rü ngunexü̃ yema nachixü̃aneétügu icuecü. Rü moxü̃ãcü rü guma buanecü ga léstewaama ne ũemacügu ínangugü ga munügü.
14 Rü yema munügü rü guxü̃wama nanapáxẽxẽ ga yema nachixü̃ane. Rü nũxcüma rü taguma yemaacü namuxũchi ga munü, rü tagutáma wena ngẽxgumarüxü̃ nixĩ.
15 Rü ga nhaxtüane rü munümaxã nanapá, rü marü taxucürüwa nhaxtüanegu tadau, yerü namuxũchi. Rü nayawa ga guxü̃ma ga nanetü rü norü o ga íyaxügüxü̃ nawena ga yema gáuxü̃ ga dauxü̃wa rüyixü̃. Rü nataxuma ga nanetü ga ngextá ãátüxü̃ ga guxü̃ma ga Eyítuanewa, rü bai ga naanewa rü bai ga naixnecüwa.
16 --
17 --
18 --
19 --
20 Notürü nüma ga Cori ya Tupana rü nanayexrü ga Faraóũ nax nügütama nataiãchiarü maxü̃ã̱xẽẽxü̃ca̱x nax yemaacü tama yangéãxü̃ca̱x ga yema Iraéutanüxü̃gü.
Tupana rü Faraóũca̱x waanexü̃ ínanguxẽxẽ
21 Rü yexguma ga Cori ya Tupana rü Moichéxü̃ nhanagürü: —¡Nawe̱xnagüchacüxü nax guxü̃ma i Eyítuanewa nawaanexü̃ca̱x! —nhanagürü.
22 Rü nüma ga Moiché rü nawe̱xnagüchacüxü rü poraãcü nawaane ga guxü̃ma ga Eyítuanewa.
23 Rü tamaepü̱x ga ngunexü̃ rü taxúema tümamücüxü̃ tadau, rü taxúema tümachicawa tixũgachi. Notürü yema Iraéutanüxü̃güpatagüwa rü guxü̃wama nangóone.
24 Rü nüma ga Faraóũ rü norü duü̃xü̃güxü̃ namu nax Moichéca̱x yacagüxü̃ca̱x, rü nhanagürü: —¡Ẽcü Cori ya Tupanaxü̃ peyarücua̱xüxü̃gü, rü ípeyagagü ta i pexacügü! ¡Notürü i ngẽma perü carnérugü rü perü wocagü rü nua penawogü! —nhanagürü.
25 Notürü nüma ga Moiché nanangãxü̃ rü nhanagürü nüxü̃: —Notürü nüma ya Cori ya Tupana nanaxwa̱xe nax toxü̃ cuyagagüxẽẽxü̃ i ngẽma toxü̃na nax ngẽmatanüwa ta timáxü̃ca̱x rü tayaguxü̃ca̱x rü ngẽmamaxã nüxü̃ ticua̱xüü̃güxü̃ca̱x.
26 Rü ngẽmaca̱x i ngẽma toxü̃nagü rü tá ítayagagü. Rü bai i wüxi i toxü̃na tá nua nayaxü, erü ngẽmatanüwa tá tayadexechi i nhuxre nax ngẽmamaxã nüxü̃ ticua̱xüü̃güxü̃ca̱x ya torü Cori ya Tupana. Rü nhu̱xmax nax taũta ngẽma ínachianexü̃wa tangugüxü̃, rü tama nüxü̃ tacua̱x nax ngexü̃rüüxü̃maxã tá nüxü̃ ticua̱xüü̃güxü̃ ya torü Cori ya Tupana —nhanagürü.
27 Notürü nüma ga Cori ya Tupana rü nanayexrü ga Faraóũ nax nügütama nataiãchiarü maxü̃ã̱xẽẽxü̃ca̱x nax yemaacü tama yangexgüaxü̃ca̱x ga yema Iraéutanüxü̃gü.
28 Rü yemaétüwa ga Faraóũ, rü Moichéxü̃ nhanagürü: —¡Ínaxũxũ i nua, rü mea cugüna nadau nax tama wena nua chauxü̃tawa cuxũxü̃ca̱x! Erü ngẽxguma wena chauxü̃tawa cuxũxgu rü tá cuyu —nhanagürü.
29 Rü nüma ga Moiché nanangãxü̃ rü nhanagürü: —Marü mea nüxü̃ quixu. Rü aixcuma tagutáma wena nua cuxü̃tawa íchayadau —nhanagürü.
