Êxodo 12:1-51
12 Rü nüma ga Cori ya Tupana rü Moichémaxã rü Aróũmaxã nidexa ga Eyítuanewa, rü nhanagürü:
2 —Rü daa tauemacü ya taunecü namaxã ixügücü, rü yimá rü gucüma ya tauemacüarü yexera tá nixĩ nax nagu choxü̃ pecua̱xüü̃güxü̃.
3 ¡Rü guxü̃ma i Iraéutanüxü̃gümaxã nüxü̃ pexu, rü nhapegürü tá nüxü̃: “Doma tauemacügu rü norü 10 i ngunexü̃gu, rü Tupana nanaxwa̱xe i wüxíechigü i pema rü peyama̱x i wüxi i carnéru rüe̱xna wüxi i bóyixacü i wüxichigü ya ĩpatawa!
4 Rü ngẽxguma wüxi ya ĩpatacüã̱x i duü̃xü̃gü rü noxretama yixĩxgu rü tama nüxü̃́ nagu̱xgux i ngẽma carnéruxacü, rü name nixĩ i namücü i nüxna ngaicamaxü̃na naxu nax ngẽmamaxã wüxigu nangõ̱xgüaxü̃ca̱x. Rü name nixĩ i duxü̃xü̃güe̱xpü̱xgu inanachexü̃gü nax wüxichigü mea nüxü̃́ yanguxü̃ca̱x i guxü̃ma i ngẽma nüxna naxuxü̃.
5 Notürü ngẽma naxü̃na rü chanaxwa̱xe nax nayatüxü̃ rü wüxi ya taunecü nüxü̃́ ngẽxmaxü̃ rü taxuwama nachixexü̃. Rü name nax wüxi i carnéruxacü rüe̱xna wüxi i bóyixacü nax yixĩxü̃.
6 Rü namaxã tá penguxü̃ nhu̱xmatáta dama ya tauemacüarü 14 i ngunexü̃wa nangu. Rü ngẽma ngunexü̃arü yáuanecü rü guxãma i pemax i Iraéutanüxü̃gü rü wüxichigü tá peyama̱x i ngẽma pexü̃na.
7 Rü tá penayaxu ya nagü i ngẽma naxü̃na. Rü yimá nagümaxã tá ípenachaegu i perü ĩã̱xcüwawa i wüxichigü ya yima ĩ ya nawa penangṍxü̃ne i ngẽma naxü̃na.
8 Rü ngẽma chütaxü̃gu tá penangõ̱xgü i namachi i iguxü̃ ya maxẽ ya üxücümaxã aéxü̃xü̃. Rü namaxã tá penaxüxbüxü i poũ i ngearü pu̱xẽẽruü̃ã́xü̃.
9 ¡Rü bai i íxraxü̃ i ngẽma namachi rü tá ngáxüraxü̃ rüe̱xna muxraxü̃ tá pengṍxü̃! ¡Rü guxü̃ma i namachi rü naeru rü naparagü rü naxü̃nütagü, rü ípenagu!
10 ¡Rü taxuxü̃táma ípeyaxüxẽxẽ i perü moxü̃ãcüruxü̃! Rü ngẽxguma chi íyaxüxgu i ngẽma namachi rü name i noxtacüma peyagu.
11 Rü tá peyange ya perü naixmena̱xã, rü meama penga̱xãẽgüãcüma rü pichapatuã̱xgüãcüma tá pepaxaãxẽ nax penangõ̱xgüxü̃ i ngẽma namachi. Rü ngẽma chütaxü̃ rü Coriarü Üpetüchiga tá nixĩ i naéga.
12 Erü chama rü ngẽma chütaxü̃ rü nua Eyítuanewa tá chaxüpetü. Rü wüxichigü ya Eyítuanecüã̱xarü ĩpatawa tá chayama̱x ya yimá nüxíraxü̃cü ya nanegü rü nüxíraxü̃xü̃ i naxü̃naxacügü i yatüxü̃. Rü tá ngẽma Eyítuanecüã̱xgüxü̃ nüxü̃ chadauxẽxẽ nax ngẽma namaxã natupanaã́xü̃ rü yangearü poraã́xü̃ nax naétüwa nachogüxü̃. Erü chamatama ya Tupana nixĩ i chanaxueguxü̃ i ngẽma chaxüxü̃.
13 Notürü ngẽxguma yimá nagümaxã ípeyachaegugügu i perü ĩã̱xcüwa, rü ngẽmawa tá nüxü̃ chacua̱x nax aixcuma chauga pexĩnüexü̃. Rü ngẽxguma nüxü̃ chada̱xgu ya yimá nagü i perü ĩã̱xwa, rü tá nüxü̃ chaxüpetümare rü taxũtáma chayama̱x ya yimá nüxíraxü̃cü ya pene i ngẽxguma chanapoxcuegu i ngẽma Eyítuanecüã̱x i duü̃xü̃gü.
14 Rü pema rü guxcüma ya taunecügu tá penaxüchiga i ngẽma ngunexü̃ nax ngẽmaãcü nüxna pecua̱xãchiexü̃ca̱x i ngẽma chütaxü̃ i nagu chanadaixü̃ i nüxíraxü̃güxü̃ i nanegü i Eyítuanecüã̱xgü.
15 Rü ngẽma Üpetüchiga rü 7 i ngunexü̃ tá penaxüchiga. Rü guxü̃ma i ngẽma 7 i ngunexü̃gu rü poũ i ngearü pu̱xẽẽruü̃ã́xü̃xicatama tá pengõ̱xgü. Rü ngẽmaca̱x i guxü̃ma i ngẽma 7 i ngunexü̃gu rü tama penaxwa̱xe nax pepatawa pexü̃́ nangexmaxü̃ i ngẽma poũarü pu̱xẽẽruxü̃. Rü yíxema poũ i pu̱xẽẽruü̃ã́xü̃ ngṍxe i ngẽma 7 i ngunexü̃gu rü yíxema rü tá petanüwa tüxü̃ ípeta̱xüchi”, nhanagürü ga Cori ya Tupana.
16 --
17 --
18 --
19 --
20 --
21 Rü yexguma ga Moiché rü naxca̱x nangema ga guxü̃ma ga yema Iraéutanüxü̃güarü ãẽ̱xgacügü, rü nhanagürü nüxü̃:
22 --
23 --
24 --
25 —Rü ngẽxguma nawa pengugügu i ngẽma naane i Cori ya Tupana pexna ãxchaü̃xü̃ ga yema pemaxã inaxunetaxü̃rüxü̃, rü pema rü tá guxcüma ya taunecügu penaxüchiga i ngẽma Üpetüchiga.
26 12:26-27 Rü ngẽxguma pexacügü tá pexna caxgu rü ta̱xacüchiga nax yixĩxü̃ i ngẽma pexüchigaxü̃, rü pema rü tá penangãxü̃, rü nhaperügügü tá: “Rü nhaa naxü̃na rü tayama̱x naxca̱x i Cori ya Tupanaarü Üpetüchiga nax ngẽmaãcü nüxü̃ icua̱xüü̃güxü̃ca̱x. Rü yexguma nadaia̱xgu ga Eyítuanecüã̱x nanegü ga nüxíraxü̃güxü̃, rü nüxü̃ naxüpetümare ga yema Iraéutanüxü̃ nanegü ga Eyítuanewa yexmagüxü̃, rü taxuxü̃ma nima̱x. Rü yemaacü ga tatanüxü̃ rü taxúema tayu” —nhanagürü ga Moiché. Rü yexguma ga yema Iraéutanüxü̃güarü ãẽ̱xgacügü rü nhaxtüanegu nanangücuchigü, rü Cori ya Tupanaxü̃ nicua̱xüxü̃gü.
27 Nüü̃ nadau 12:26
28 Rü nhu̱xũchi ínixĩ, rü nanaxü ga yema Cori ya Tupana Moichémaxã rü Aróũmaxã nüxü̃ ixuxü̃rüxü̃.
Nayue ga Eyítuanecüã̱x nanegü ga nüxíraxü̃güxü̃
29 Rü meama ngãxü̃cüxü, rü nüma ga Cori ya Tupana rü norü orearü ngeruü̃xü̃ namu nax wüxichigü ga Eyítuanecüã̱xgüpatawa nadaiãxü̃ca̱x ga nanegü ga nüxíraxü̃güxü̃. Rü yexgumarüxü̃ ta ga Eyítuanecüã̱xarü ãẽ̱xgacü ga Faraóũ nane ga nüxíraxü̃cü rü nayama̱x, rü woo naxü̃naxacügü ga iyatüxü̃ ga nüxíraxü̃xü̃, rü nanadai.
30 Rü nüma ga Faraóũ rü norü ngü̃xẽẽruü̃gü rü guxü̃ma i Eyítuanecüã̱xgü rü ínarüdagü ga yema chütaxü̃gu. Rü poraãcü aita naxüe rü naxauxe ga guxü̃ma ga Eyítuanewa, yerü guxü̃nema ga Eyítuanecüã̱xpatawa rü nayu ga wüxi.
31 Rü yematama chütaxü̃gu rü nüma ga Faraóũ rü Moichéca̱x rü Aróũca̱x nangema, rü nhanagürü nüxü̃: —¡Ípechoxü̃ i nua natanüwa i nhaa chorü duü̃xü̃gü! ¡Rü nüxü̃ peyarücua̱xüxü̃gü ya yimá perü Cori ya Tupana, ngẽma pema nagu perüxĩnüexü̃rüxü̃!
32 ¡Rü ẽcü peyagagü i perü carnérugü rü perü wocagü ngẽma penaxwa̱xerüxü̃! ¡Rü ípechoxü̃ i nua! ¡Rü perü Tupanana cha̱u̱xca̱x pecagüe! —nhanagürü.
33 Rü nüma ga Eyítuanecüã̱xgü rü Iraéutanüxü̃güxü̃ nipaxagü nax Eyítuanewa ínachoxü̃xü̃ca̱x, yerü nügügu narüxĩnüe nax guxü̃táma yuexü̃.
34 Rü nümagü ga yema Iraéutanüxü̃ rü nanayauxcharagü ga yema poũchara ga ngearü pu̱xẽẽruü̃ã́xü̃. Rü guxü̃nema ga norü tauxtamaxã naxchirugu nananuquegü rü nügüãtügu nayanagü.
35 Rü nhu̱xũchi yema Eyítuanecüã̱xgüxü̃tawa naxca̱x ínacagü ga naxchirugü rü norü nga̱xãẽruü̃gü ga úirunaxca̱x rü diẽrumünaxca̱x.
36 Rü nüma ga Cori ya Tupana rü yema Eyítuanecüã̱xgüaxü̃́ nanatauxchaxẽxẽ nax norü ngúchaü̃maxã yema Iraéutanüxü̃güna naxãgüãxü̃ca̱x ga yema nüxna naxca̱x nacagüxü̃. Rü yemaacü ga yema Iraéutanüxü̃gü rü nayana ga yema Eyítuanecüã̱xarü yemaxü̃gü.
Eyítuanewa ínachoxü̃ ga Iraéutanüxü̃gü
37 Rü Rãmechéwa ínachoxü̃ ga yema Iraéutanüxü̃gü, rü Chucóchiwa naxĩ. Rü 600,000 ga yatügü ga churarawa imexü̃ nayexmagü. Rü naétüwa nayexmagü ga ngexü̃gü rü buxü̃gü ga tama ixugüxü̃.
38 Rü nawe narüxĩ ga muxü̃ma ga togü ga duü̃xü̃gü, rü nayagagü ta ga norü carnérugü rü wocagü.
39 Rü yema nax nangechicagüxü̃gagu rü taxucürüwama norü õnata̱a̱x namexẽẽgü, yerü ga Eyítuanecüã̱xgü rü nachixü̃anewa chixri ínanawoxü̃. Rü yemaca̱x poũ ga ngearü pu̱xẽẽruü̃ã́xü̃ naxügü nawa ga norü poũchara ga ngearü pu̱xẽẽruü̃ã́xü̃ ga Eyítuanewa yangegüxü̃.
40 Rü 430 ga taunecü nixĩ ga Eyítuanewa nayexmagüxü̃ ga Iraéutanüxü̃gü.
41 Rü yematama ngunexü̃ ga nagu 430 ga taunecüwa nax nanguxü̃gu nixĩ ga yema nachixü̃anewa ínachoxü̃xü̃ ga guxü̃ma ga Cori ya Tupanaarü duü̃xü̃gü ga Iraéutanüxü̃gü.
42 Rü nüma ga Cori ya Tupana rü yema chütaxü̃xü̃ naxuneta nax ínamuxü̃ãxü̃ca̱x ga norü duü̃xü̃gü ga Eyítuanewa. Rü yemaca̱x nanaxwa̱xe nax gucü ya taunecügu naxüchigagüaxü̃ca̱x ega nawa nanguuxü̃gu i ngẽma ngunexü̃, nax yemaacü nüxna nacua̱xãchiexü̃ca̱x ga nhuxãcü Cori ya Tupana ínanguxü̃xẽẽ̱xü̃ ga Eyítuanewa.
Nhuxãcü tá nanaxüchiga i Üpetüchiga
43 Rü nüma ga Cori ya Tupana rü Moichémaxã rü Aróũmaxã nidexa rü nhanagürü: —Nhu̱xma rü tá pemaxã nüxü̃ chixu i nhuxãcü tá penaxüchiga i Üpetüchiga. Rü tama name i ngẽma duü̃xü̃gü i tama Iraéutanüxü̃ ixĩgüxü̃ rü nax nangṍõxü̃ i ngẽma naxü̃na i cha̱u̱xca̱x imáxü̃.
44 Notürü ngẽma perü duü̃xü̃ i diẽrumaxã naxca̱x petaxexü̃ rü nhu̱xũchi marü íwíecha̱xmüü̃pe̱xechiraü̃xü̃, rü marü name i nanangõ̱x i ngẽma naxü̃na.
45 Notürü ngẽma to i nachixü̃anecüã̱x i duü̃xü̃ i petanügu naxũanexü̃ rüe̱xna petanüwa puracǘxü̃ diẽruca̱x, rü taxuacüma nanangõ̱x i ngẽma naxü̃na i cha̱u̱xca̱x pemáxü̃.
46 Rü ngẽma naxü̃na i cha̱u̱xca̱x pimáxü̃ rü penaxwa̱xe i wüxichigü ya ĩpatawa penangõ̱x. ¡Rü taxũtáma ĩpatawa ípenangexechi rü bai i íxraxü̃ i namachi, rü taxũtáma peyapuxẽxẽ ya naxchina̱xã!
47 Rü ngẽmaãcü tá penaxüchiga i guxü̃ma i pema ya Iraéutanüxü̃gü —nhanagürü ga Cori ya Tupana.
48 --
49 --
50 --
51 --
