Êxodo 14:1-31
14 --
2 --
3 --
4 --
Már ga Dauchiüxü̃wa nichoü̃ ga Iraéutanüxü̃gü
5 Rü nüma ga Eyítuanearü ãẽ̱xgacü rü nüxü̃ naxĩnüchiga nax yema Iraéutanüxü̃gü rü marü naxĩgüxü̃. Rü yemaca̱x ga nüma ga Faraóũ rü norü ngü̃xẽẽruü̃gü rü naxüchicüxüarü ĩnüã̱xgü, rü nhanagürügü nügümaxã: —¿Tü̱xcüü̃ nüxü̃ inge̱xgüxü̃ i ngẽma Iraéutanüxü̃gü nax ngẽmaãcü taxúema tüxü̃́ puracüexü̃ca̱x i nhu̱xmax? —nhanagürügü.
6 Rü yemaca̱x ga Faraóũ rü yexgumatama norü duü̃xü̃güxü̃ namu nax namexẽẽãxü̃ca̱x ga naweü̃ ga daiwa namaxã naxũxü̃ne. Rü ínayagagü ga guxü̃ma ga norü churaragü.
7 Rü nanamexẽxẽ ta ga 600 ga norü churaragüweü̃ ga daiwa mexü̃ne. Rü naétü nayexma ga norü churaragüarü ãẽ̱xgacügüweü̃ ga guxü̃ma ga Eyítuanewa ne ĩxü̃ne.
8 Rü woo nüma ga Faraóũ nüxü̃ nax nadauxü̃ ga nhuxãcü Tupanaarü poramaxã ínachoxü̃xü̃ ga Iraéutanüxü̃, notürü tama inaxĩnüchaü̃ rü yema Iraéutanüxü̃we ningẽchigüama. Yerü ga Tupana rü nanayexrü nax yemagu naxĩnüxü̃ca̱x ga Faraóũ.
9 Rü nümagü ga Eyítuanecüã̱xgü rü guxü̃ma ga norü churaragümaxã rü naweü̃gümaxã rü norü cowarugümaxã inaxĩãchi nax nawe nangẽgüxü̃ ga yema Iraéutanüxü̃gü. Rü Már ga Dauchiüxü̃cutügu nüxü̃ inayangaugü ga yema íyapegüxü̃gu ga Piaróchiarü ngaicamagu ga Baachefóü̃arü to̱xma̱xtagu.
10 Rü yexguma yema Iraéutanüxü̃gü rü yáxü̃gu nüxü̃ nadaugügu ga Faraóũ rü norü churaragü, rü norü cowarugü ga yéma ne naxĩxü̃, rü poraãcü namuü̃e. Rü Cori ya Tupanana nacagü nax nüxü̃ nangü̃xẽẽxü̃ca̱x.
11 Rü yexguma ga yema duü̃xü̃gü rü Moichéxü̃ nhanagürügü: —¿Tü̱xcüü̃ nua ínachianexü̃wa toxü̃ cugagü nax nuxã tayuexü̃ca̱x? ¿Ẽ̱xna cuxca̱x rü Eyítuanewa rü tama ningu i tauque nax ngexta tata̱xgüxü̃ca̱x? ¿Rü tü̱xcüü̃ ngexü̃ tomaxã cuwagü? ¿Rü tü̱xcüü̃ Eyítuanewa toxü̃ ícugaxü̃?
12 Rü yema nixĩ ga cumaxã nüxü̃ tixugüexü̃ ga Eyítuanewa ga yexguma nhatagügu: “Rü nüétama ega Eyítuanecüã̱xaxü̃́ tapuracüegu”. Rü narümemae toxü̃́ nax norü puracütanüxü̃ nax tixĩgüxü̃ rü tama nuxã ínachianexü̃gu nax tayuemarexü̃ —nhanagürügü.
13 Rü yexguma ga Moiché rü nanangãxü̃ rü nhanagürü nüxü̃: —¡Taxuca̱xma pemuü̃e! ¡Rü mea iperüchomare rü naxca̱x perüdaunü nax nhuxãcü pexü̃ tá nax ínapoxü̃xü̃ ya Cori ya Tupana! Erü ngẽma Eyítuanecüã̱xgü i nhu̱xmax nüxü̃ pedauxü̃, rü tagutáma wena nüxü̃ pedaugü.
14 ¡Rü pema rü taxuca̱xma pexoégaãẽgü! Erü nüma ya Cori ya Tupana rü tá pexü̃ ínapoxü̃ —nhanagürü.
15 Rü yexguma ga Cori ya Tupana rü Moichéxü̃ nhanagürü: —¿Tü̱xcüü̃ chorü ngü̃xẽẽca̱x ícuca? ¡Rü marütama nax cuyumüxẽxü̃! ¡Rü cü namu i ngẽma Iraéutanüxü̃gü rü inaxĩama̱x!
16 ¡Rü cuma rü nayaxu ya curü naixmena̱xã, rü márchiüétügu nawe̱x! Rü ngẽma márchixü rü tá nügüna nixĩgachichixü nax ngẽmaãcü ngẽma Iraéutanüxü̃gü rü paanexü̃wa nax yachoü̃xü̃ca̱x.
17 Rü chama rü tá chanangexrü i ngẽma Eyítuanecüã̱xgü nax tama pega naxĩnüexü̃ca̱x rü pewe yangẽxü̃tanüxü̃ca̱x. Rü ngẽmaãcü tá chanango̱xẽxẽ i chorü pora. Rü pema tá nüxü̃ pedau i ngẽma namaxã ngupetüxü̃ i Faraóũ, rü guxü̃ma i norü churaragü i nacutümaxã ĩmarexü̃, rü ngẽma norü churaragü i cowaruétügu ĩxü̃, rü ngẽma norü churaragü i cowaru itúgüxü̃ i cárugu ĩxü̃.
18 Rü ngẽxguma Faraóũpe̱xewa rü guxü̃ma i ngẽma norü churaragüpe̱xewa chaugü chawe̱xgu nax nhuxãcü chaporaxü̃, rü nüma i Eyítuanecüã̱xgü rü tá nüxü̃ nicua̱xãchitanü nax aixcuma Cori ya Tupana chixĩxü̃ —nhanagürü.
19 Rü yexgumatama ga yema Tupanaarü duü̃xü̃ ga dauxü̃cüã̱x rü yema caixanexü̃ ga noxri Iraéutanüxü̃pe̱xegu ixĩxü̃tanüchiréxü̃ rü nixĩgachitanü rü wixweama naxãgü.
20 Rü yemaacü ga yema caixanexü̃ rü Eyítuanecüã̱xgü rü Iraéutanüxü̃güarü ngãxü̃machate̱xewa nixüãchi. Rü yema Eyítuanecüã̱xgüca̱x rü nanaxẽanexẽxẽ notürü Iraéutanüxü̃güca̱x rü nanangóonexẽxẽ. Rü yemaca̱x nixĩ ga Eyítuanecüã̱xgü ga taxucürüwama Iraéutanüxü̃güxü̃ iyangaugüxü̃ ga yema chütaxü̃gu.
21 Rü yexguma ga Moiché rü már-étügu nawe̱xchacüxü. Rü nüma ga Cori ya Tupana rü yema chütaxü̃gu rü inanaxǘxẽxẽ ga wüxi ga poracü ga buanecü ga léstewaama ne ũcü nhu̱xmata yangunexü̃mare. Rü yemaacü ga yema már rü taxregu niyauxyexü̃chixü. Rü yemaacü nixĩ ga Cori ya Tupana ga yapayechitamaxẽẽãxü̃ ga már.
22 Rü yemaacü paanexü̃wa nichoü̃ ga Iraéutanüxü̃gü, yerü taxregu niyauxyexü̃chixü ga dexá. Rü naxmachate̱xewa nichoü̃, rü nhama wüxi i ta̱xacü i ãxtapǘxü̃rüxü̃ nixĩgü ga norü tügünecüwawa rü norü to̱xwecüwawa ga dexá.
23 Rü guxü̃ma ga churaragü ga icowaruã́xü̃ rü yema churaragü ga cowaru itúgüxü̃ i cárugu ĩxü̃ rü Iraéutanüxü̃güwe nangẽgü nhu̱xmata yema már-arü ngãxü̃tüwa nangugü.
24 Notürü yexguma marü ngunetüxü̃wa nanguxgu, rü nüma ga Cori ya Tupana rü yema caixanexü̃ ga üxüemarüxü̃ ixĩxü̃wa Eyítuanecüã̱xgüarü churaragüxü̃ nadawenü. Rü nanatoõxẽgü nax nügümaxãtama nanuexü̃ca̱x.
25 Rü yema norü cárugü ga cowaru itúgüxü̃ rü ínayichícugü, rü ngechícuãcü nhaxtüanegu nitúgümare. Rü yemaca̱x nhanagürügü: —¡Ngĩxã tibuxmü i nua! Erü Tupana rü naétüwa ínayuxu i ngẽma Iraéutanüxü̃gü rü tamaxã nanu i yixema —nhanagürügü.
26 Rü yexguma marü guxü̃ma ga Iraéutanüxü̃gü inguü̃gu, rü Tupana rü Moichéxü̃ nhanagürü: —¡Ẽcü ngẽma már-arü dexáétügu nawe̱xchacüxü nax ngẽma dexá rü nügüna wena naxũxü̃chiüxü̃ca̱x rü ngẽmaãcü ngẽxma nayi̱xü̃ca̱x i ngẽma Eyítuanecüã̱xgü namaxã i norü cárugü rü norü cowarugü! —nhanagürü.
27 Rü nüma ga Moiché rü yema Tupana namaxã nüxü̃ ixuxü̃ãcüma nanaxü. Rü már-arü dexáétügu naxuchacüxü rü yemaca̱x ga moxü̃ãcü nax yangunexü̃ rü nügüna naxũxü̃chixü ga dexá. Rü yemacha̱xwa nügü ínibuxmüchaü̃ ga Eyítuanecüã̱xgü. Notürü yexguma nügü íyabuxmü̱xgux, rü már-arü dexámaxã narübuxmüama, rü yexma nayi. Rü yemaacü Tupana yexma márgu nanayixẽxẽ ga yema Eyítuanecüã̱xgü.
28 Rü yexma nayi ta ga norü cárugü, rü norü churaragü ga icowaruã́xü̃, rü guxü̃ma ga yema churaragü ga ichoü̃xü̃ ga yema márwa nax Iraéutanüxü̃güwe nangẽgüxü̃ca̱x. Rü guxü̃ma ga yemagü rü yexma nayue rü taxuxü̃ma ínayaxü ga yexguma nügüna naxĩxgu ga yema márchixü.
29 --
30 --
31 --
