Êxodo 24:1-18
24 --
2 --
Tupana rü aixcuma Iraéutanüxü̃gümaxã inaxüga
3 Rü nüma ga Moiché rü natanüwa naxũ ga yema Iraéutanüxü̃gü rü namaxã nüxü̃ nixu ga guxü̃ma ga yema ore ga Cori ya Tupana namaxã nüxü̃ ixuxü̃. Rü nümagü ga Iraéutanüxü̃gü rü guxü̃ma wüxigu Moichéxü̃ nangãxü̃gü rü nhanagürügü: —Ngemáacü tá tayanguxẽxẽ i guxü̃ma i ngẽma mugü i Tupana toxü̃ muxü̃ —nhanagürügü.
4 Rü nüma ga Moiché rü nanaxümatü ga guxü̃ma ga yema ore ga Cori ya Tupana nüxü̃ ixuxü̃. Rü moxü̃ãcü pa̱xmama ínarüda rü ma̱xpǘnepechinügu nanaxü ga wüxi ga ãmarearü guchicaxü̃. Rü 12 ga nutamaxã nanaxü naégagu ga yema 12 ga Iraéutücumügü.
5 Rü nhu̱xũchi nanamu ga nhuxre ga ingextü̱xü̃ ga Iraéutanüxü̃gü nax nadaiaxü̃ca̱x ga wocagü ga iyatüxü̃ rü Tupanaca̱x nax ínaguaxü̃ca̱x. Rü yemawa inanawe̱xgü nax aixcuma tá wena Tupanaga naxĩnüexü̃.
6 Rü nüma ga Moiché rü ngãxü̃gu nayabaye ga gumá nagü. Rü gumá wüxiarü ngãxü̃ rü nhuxre ga naxpáü̃gu nanabacu. Rü gumá naiarü ngãxü̃ rü ãmarearü guchicaxü̃ namaxã namaxcu.
7 Rü yemawena rü nanayaxu ga yema popera ga Tupanaarü üga nagu ümatüxü̃, rü yema duü̃xü̃güca̱x tagaãcü nüxü̃ nadaumatü. Rü nümagü rü nhanagürügü: —Guxü̃ma i ngẽma Cori ya Tupana nüxü̃ ixuxü̃ rü aixcuma tá mea tayanguxẽxẽ —nhanagürügü.
8 Rü yexguma ga Moiché rü nanayaxu ga gumá nagü ga togü ga naxpáü̃gu nabacuãcü rü gumámaxã duü̃xü̃güxü̃ nimacutanü, rü nhanagürü: —Nhu̱xma nax pexna naxããxü̃ i norü mugü rü daa nagü nixĩ ya perü cua̱xruxü̃ nax aixcuma yixĩxü̃ i guxü̃ma i ngẽma Cori ya Tupana pemaxã nüxü̃ ixuxü̃ —nhanagürü.
9 --
10 --
11 --
Moiché rü ma̱xpǘne ga Chinaígu naxĩnagü
12 Rü Cori ya Tupana rü nhanagürü Moichéxü̃: —¡Ẽcü naxĩnagü nawa ya daa ma̱xpǘne ya nawa changexmane rü ngẽ́ma choxü̃ nangu̱xẽxẽ! Erü tá cuxna chanaxã i nutatachinügü i chorü mugü rü ucu̱xẽgü nagu chaxümatüxü̃ nax ngẽma Iraéutanüxü̃güxü̃ nawa nangúexẽẽãxü̃ca̱x —nhanagürü.
13 Rü nüma ga Moiché rü inachi rü guma ma̱xpǘne ga Tupana nawa yexmanegu naxĩnagü wüxigu namaxã ga namücü ga Yuchué.
14 Rü nüma ga Moiché rü yema Iraéutanüxü̃güarü ãẽ̱xgacügüxü̃ nhanagürü: —¡Nuatama nhaa nachicawa toxü̃ penangu̱xẽxẽ rü nhu̱xmatáta pexca̱x tawoegu! Rü Aróũ rü Úr rü tá pemaxã nuxã narücho. Rü ngẽxguma chi texé guxchaxü̃ tüxü̃́ ngẽxmagux rü name nixĩ i Aróũmaxã rü Úrmaxã nüxü̃ tixu —nhanagürü.
15 Rü yexguma yema orexü̃ namaxã yaxuxguwena, rü nüma ga Moiché rü guma ma̱xpǘnegu naxĩnagü. Rü wüxi ga caixanexü̃ nayadüxü.
16 Rü Cori ya Tupanaarü üüne rü guma ma̱xpǘne ga Chinaígu ínarüxĩ. Rü 6 ga ngunexü̃ rü yema caixanexü̃ nayadüxü ga guma ma̱xpǘne. Rü yema norü 7 ga ngunexü̃gu rü nüma ga Cori ya Tupana rü yema caixanexü̃wa Moichéca̱x naca.
17 Rü yema Cori ya Tupanaarü üüne rü yema Iraéutanüxü̃güca̱x nango̱x nawa ga guma ma̱xpǘne ga ngextá yexeraãcü ínamáxpü̱xü̃chixü̃taxpe̱xewa. Rü nhama wüxi ga üxüema ga nawa ixaxü̃rüxü̃ nixĩ.
18 Rü nüma ga Moiché rü naxĩnagü nawa ga guma ma̱xpǘne rü yema caixanexü̃gu nayaxücu. Rü yéma nayexma ga 40 ga ngunexü̃ rü 40 ga chütaxü̃.
