Êxodo 27:1-21
27 —¡Rü naxü i wüxi i ãmarearü guchicaxü̃ i norü guxü̃cüwawa wüxigumarexü̃! Rü taxre métru rü 25 centímetru tá nixĩ i wüxichigü i nacüwawa. Rü mürapewa i acáchianaxca̱x tá nixĩ. Rü ngẽma norü máchane rü wüxi métru rü 25 centímetru tá nixĩ.
2 Rü ngẽma ãmarearü guchicaxü̃, rü guxü̃ma i norü ãgümücüpe̱xewa rü tá cunachunagüxẽxẽ rü ngẽma rü tá naxü̃newatama cunaxüxüchi. Rü brṍchemaxã tá cunatüxüne i guxü̃wama.
3 Rü guxü̃ma i norü ngẽmaxü̃gü i ngẽma ãmarearü guchicaxü̃ rü tá brṍchenaxca̱x nixĩgü. Rü ngẽma norü tanimucapáxü̃gü rü ngẽma norü páragü, rü norü ya̱xme̱xü̃páxü̃gü, rü ngẽma norü choxbüruü̃gü, rü ngẽma naxta̱xmüxü̃ rü brṍchenaxca̱x tá nixĩgü.
4 --
5 --
6 --
7 --
8 --
Tupanapataarü ĩã̱xtüchiga
9 Rü yima chapata rü tá cunaxüã̱xtü. Rü ngẽma norü súcüwawaama rü tá líũchi i mutachinüxü̃maxã ícunapoxegu. Rü ngẽma norü ma̱x i ngẽma ícupoxeguxü̃ rü 45 métru tá nixĩ.
10 Rü ngẽma poxeguxü̃arü caxtagü rü 20 tá nixĩ rü brṍchenaxca̱x tá nixĩ. Rü ngẽma 20 i caxtamaü̃gü rü ngẽxgumarüxü̃ tá ta brṍchenaxca̱x nixĩ. Rü ngẽma líũchitachinügüarü choruü̃gü rü ngẽma naxpaweru i nagu nachoxü̃ rü tá diẽrumünaxca̱x nixĩgü.
11 Rü ngẽma norü nórchicüwawaama rü tá líũchi i mutachinüxü̃maxã ícunapoxegu. Rü ngẽma ícupoxeguxü̃ rü 45 métru tá nixĩ. Rü yima 20 ya norü caxtagü rü naxmaxü̃gü rü brṍchenaxca̱x tá nixĩ. Rü ngẽma líũchitachinügüarü choruü̃gü rü ngẽma naxpawerugü i nagu nachoxü̃ rü tá diẽrumünaxca̱x nixĩgü.
12 Rü ngẽma naa̱xtüarü tatachinü i oéstecüwawaama üxü̃ rü 22 métruarü ngãxü̃ tá nixĩ i ícunapoxeguxü̃ namaxã i líũchi i mutachinüxü̃. Rü 10 tá nixĩ ya norü caxtagü rü naxmaxü̃gü.
13 Rü ngẽma naa̱xtüarü tatachinü i léstewaama üxü̃ rü ngẽxgumarüxü̃ ta 22 métruarü ngãxü̃ tá nixĩ i ícupoxeguxü̃ namaxã i líũchi i mutachinüxü̃.
14 Rü ngẽma naa̱xtüpe̱xewa i norü ücuchicawaama üxü̃ rü ngẽma i norü ücuchicaarü wüxicüwawa rü 7 métru tá nixĩ i ícupoxeguxü̃ namaxã i líũchi i mutachinüxü̃. Rü 3 tá nixĩ ya norü caxtagü rü naxmaxü̃gü.
15 Rü ngẽma ücuchicaarü tocüwawa rü ngẽxgumarüxü̃ ta rü 7 métru tá nixĩ i ícupoxeguxü̃ namaxã i líũchi i mutachinüxü̃. Rü 3 tá ta nixĩ ya norü caxtagü rü naxmaxü̃gü.
16 Rü ngẽma naa̱xtüarü ĩã̱x rü 9 métru naguxü̃ i líũchi i mutachinüxü̃ tá nixĩ. Rü ngẽma ĩã̱x rü naxchiru i dauxraacü wẽ̱xcharaxü̃, rü naxchiru i dauxracharaxü̃, rü naxchiru i daucharaxü̃naxca̱x tá nixĩ. Rü ngẽma rü tá mea penaxümatüchara. Rü 4 tá nixĩ ya norü caxtagü rü naxmaxü̃gü i ngẽma ĩã̱x.
17 Rü guxü̃ma i naa̱xtüarü caxtamaü̃gü rü brṍchenaxca̱x tá nixĩ. Rü ngẽma nachatüagü rü diẽrumünaxca̱x tá nixĩ.
18 Rü ngẽma naa̱xtü rü 45 métru tá nixĩ i norü ma̱x rü 22 métruarü ngãxü̃ tá nixĩ i norü tatachinü. Rü norü poxeguxü̃ rü 2 métru rü 25 centímetru tá nixĩ i norü máchane, rü líũchi i mutachinüxü̃naxca̱x tá nixĩ. Rü ngẽma norü caxtagümaü̃gü rü brṍchenaxca̱x tá nixĩ.
19 Rü guxü̃ma i chapataarü ngẽmaxü̃gü rü brṍchenaxca̱x tá nixĩ. Rü ngẽma norü poxeguxü̃tüxü̃ nagu ngagüxü̃, rü naa̱xtüarü poxeguxü̃tüxü̃ nagu ngagüxü̃ rü tá ta brṍchenaxca̱x nixĩ.
20 ¡Rü namu i ngẽma Iraéutanüxü̃gü nax oríwaarü chíxü̃ cuxü̃tawa nangegüxü̃ca̱x nax ngẽmaãcü guxü̃guma yanaigüxü̃ca̱x i chapataarü omügü!
21 Rü nüma ya Aróũ rü nanegü tá nixĩ i nüxna nadaugüxü̃ i ngẽma omügü, nax ngẽmaãcü guxü̃ma i chütaxü̃ chape̱xewa nanaigüechaxü̃ca̱x nawa ya yima chapata. Rü ngẽma baú i mugüchíü̃arü tüyepe̱xewaama tá nixĩ i inanaigüechaxü̃ i ngẽma omügü. Rü nhaa mu rü chanaxwa̱xe i guxü̃gutáma ngẽma Iraéutanüxü̃gü rü nataagü nagu naxĩ.
