Êxodo 34:1-35
34 Rü nüma ga Cori ya Tupana rü Moichéxü̃ nhanagürü: —¡Ẽcü, cumatama naxü i taxre i nutatachinügü i ngẽma nanoxriraxü̃xü̃tama, nax ngẽmagu chanaxümatüxü̃ca̱x i ngẽma chorü mugü ga yema quipuexẽẽxü̃gu chaxümatüxü̃!
2 ¡Rü ngẽxgumarüxü̃ ta cugü namexẽxẽ nax moxü̃ pa̱xmama dauxü̃ cuxĩxü̃ca̱x nawa ya daa ma̱xpǘne ya Chinaí! ¡Rü ngẽma yexeraãcü ínachuchitaeruü̃wa naxũ nax ngẽ́ma chape̱xewa cungexmaxü̃ca̱x!
3 ¡Rü taxúetáma cuwe dauxü̃ taxĩ! Rü tama chanaxwa̱xe nax texé nüxna ngaicamaxü̃ ya daa ma̱xpǘne, rü woo carnérugü, rü woo wocagü rü tama chanaxwa̱xe nax norü ngaicamána maxẽ nangõ̱xgüaxü̃ —nhanagürü ga Tupana.
4 Rü nüma ga Moiché rü nanaxü ga yema taxre ga nutatachinügü. Rü moxü̃ãcü pa̱xmama rü nanade ga yema taxre ga nutatachinügü rü namaxã dauxü̃ naxĩ nawa ga guma ma̱xpǘne ga Chinaí, yema Cori ya Tupana namaxã nüxü̃ ixuxü̃rüxü̃.
5 Rü nüma ga Cori ya Tupana rü wüxi ga caixanexü̃gu ínarüxĩ rü Moichémaxã yéma nayexma, rü naégaxü̃ nixu.
6 Rü Moichépe̱xewa naxüpetü rü tagaãcü nhanagürü: —Chamax rü Cori chixĩ. Chamax rü Cori chixĩ. Rü chama nixĩ ya Tupana ya mecümaxü̃chicü, rü ngechaü̃wa̱xecü, rü yaxna ĩnüwa̱xecü, rü aixcuma tüxü̃ ngechaü̃cü rü aixcumaxü̃ ixucü chixĩxü̃ i chamax.
7 Rü chama rü guxü̃guma tüxü̃ changechaü̃ rü tüxü̃́ nüxü̃ ichayarüngüma i tümaarü pecádu rü tümaarü chixexü̃ ya yíxema aixcuma chauga ĩnüexe. Notürü taxũtáma tüxü̃ chaxüpetümare ya yíxema chixexü̃ ügǘxe. Rü tá tüxü̃ chapoxcue nhu̱xmata tümanegüwa rü tümataagüwa nangu —nhanagürü.
8 Rü yemaca̱x ga Moiché rü yexma nhaxtüanegu nanangücuchi rü Tupanaxü̃ nicua̱xüxü̃.
9 Rü nhanagürü: —¡Pa Corix, Pa Corix, rü ngẽxguma aixcuma yixĩxgu nax chamaxã cutaãxẽxü̃ rü ẽcü toxü̃ íixümücü! Rü aixcuma nixĩ i taxúegama naxĩnüechaü̃xü̃ i nhaa duü̃xü̃gü. ¡Notürü toxü̃́ nüxü̃ nangechaü̃ i torü pecádugü rü chixexü̃gü, rü toxü̃ nade nax curü duü̃xü̃gü tixĩgüxü̃ca̱x! —nhanagürü.
10 --
11 --
12 --
13 --
14 --
15 --
16 --
17 --
18 --
19 --
20 --
21 --
22 --
23 --
24 --
25 --
26 --
27 --
Moiché rü nanaxümatü ga Tupanaarü mugü
28 Rü nüma ga Moiché rü 40 ga ngunexü̃ rü 40 ga chütaxü̃ Corimaxã nayexma ga guma ma̱xpǘnewa. Rü taguma nachibü rü taguma naxaxe. Rü yexguma nixĩ ga Moiché naxümatüxü̃ ga yema 10 ga Tupanaarü mugü nagu ga yema nutatachinügü.
29 Rü yemawena ga Moiché rü guma ma̱xpǘne ga Chinaíwa ínarüxĩ namaxã ga yema taxre ga nutatachinügü ga Tupanaarü mugü nagu ümatüxü̃. Notürü yexguma ínaxĩ̱xgu, rü tama nügü nacua̱x ga nax bexma yaya̱u̱xrachametücüxüxü̃ yema nax Tupanamaxã yadexaxü̃ca̱x.
30 Rü yexguma ga Aróũ rü guxü̃ma ga Iraéutanüxü̃gü nüxü̃ daugügu ga Moiché ga nax yaya̱u̱xrachametücüxüxü̃, rü namuü̃e, rü tama nüxna nangaicamagüchaü̃.
31 Notürü nüma ga Moiché rü naxca̱x naca. Rü nüma ga Aróũ rü guxü̃ma ga yema duü̃xü̃güarü ãẽ̱xgacügü rü Moichéca̱x naxĩ. Rü nüma rü namaxã nidexa.
32 Rü yemawena rü guxü̃ma ga Iraéutanüxü̃gü rü Moichéca̱x naxĩ. Rü nüma ga Moiché rü namaxã nüxü̃ nixu ga yema mugü ga Cori ya Tupana namaxã nüxü̃ ixuxü̃ ga ma̱xpǘne ga Chinaíwa.
33 Rü yexguma marü nüxü̃ nachauxgu nax duü̃xü̃gümaxã yadexaxü̃, rü nügü natüchametü.
34 Rü yexguma Tupanamaxã yadexaxü̃gu ga Moiché rü nügü ínangegüchametü rü yemaacü namaxã nidexa nhu̱xmata ínaxũxü̃. Rü nhu̱xũchi yema Iraéutanüxü̃gümaxã nüxü̃ nixu ga yema mugü ga Tupanaxü̃tawa nayaxuxü̃.
35 Rü yexguma yema Iraéutanüxü̃gü nüxü̃ daugügu ga nax yaya̱u̱xrachametücüxüxü̃, rü nüma ga Moiché rü nügü natüchametü. Rü yemaacü nügü nixĩxẽxẽ nhu̱xmata wena Tupanamaxã yanadexa.
