Êxodo 5:1-23
5 Rü yemawena ga Moiché rü Aróũ rü Faraóũxü̃tawa naxĩ nax namaxã yadexagüxü̃ca̱x. Rü nhanagürügü: —Cori ya Iraéutanüxü̃arü Tupana rü nhanagürü: “¡Yangexgü i ngẽma chorü duü̃xü̃gü nax ngextá ínachianexü̃wa naxĩxü̃ca̱x nax ngẽ́ma naxüchigagüaxü̃ca̱x nax choxü̃ yacua̱xüü̃güxü̃!” —nhanagürügü.
2 Notürü ga nüma ga Faraóũ rü nanangãxü̃, rü nhanagürü: —¿Texé tixĩ ya yíxema Cori ixĩxe, rü ta̱xacüca̱x tá naga chaxĩnü rü chayange̱xgü i ngẽma Iraéutanüxü̃ i duü̃xü̃gü? Chama rü tama nüxü̃ chacua̱x i ngẽma Tupana i nachiga pidexagüxü̃ rü taũtáma chayange̱xgü i ngẽma Iraéutanüxü̃gü —nhanagürü.
3 --
4 --
5 --
6 Rü yematama ga ngunexü̃gu rü Faraóũ nanamu ga norü duü̃xü̃gü ga puracümaxã icua̱xgüxü̃ rü yema naerugü ga wüxitücumümaxãchigü icua̱xgüxü̃, rü nhanagürü:
7 —Ngẽma Iraéutanüxü̃gü i tiyúruarü üwa puracüexü̃ ¡rü marü taxũtáma noxrirüxü̃ maxẽ nüxna pexã norü tiyúruéü̃! ¡Rü ẽcü nümatama nawa naxĩ ya norü maxẽ!
8 Notürü tá penamu nax noxritama naxügüãcü ya tiyúrue̱xpü̱x nax naxügüãxü̃, rü bai tá nanoxremaexü̃ ya yimá nhu̱xmax tá naxügüãcü ya tiyúru. Rü wüxi i duü̃xü̃gü i oexü̃ nixĩgü. Rü ngẽmaca̱x nixĩ i nügüca̱x ínacagüxü̃ nax ínachianexü̃wa naxĩxü̃ca̱x nax ngẽ́ma norü Tupanaxü̃ yanacua̱xüü̃güxü̃ca̱x.
9 ¡Rü yexeraãcü penapuracüexẽxẽ i ngẽma duü̃xü̃gü, rü ngẽmagu ipenachoxẽxẽ nax tama Moiché rü Aróũarü doragügu naxĩnüexü̃ca̱x! —nhanagürü.
10 Rü yexguma ga yema Faraóũarü duü̃xü̃gü ga puracümaxã icua̱xgüxü̃ rü yema naeruchigü ga wüxitücumümaxã icua̱xgüxü̃, rü inaxĩãchi, rü duü̃xü̃gümaxã nüxü̃ nayarüxugüe, rü nhanagürügü nüxü̃: —Faraóũ rü toxna naxãga nax pemaxã nüxü̃ tixuxü̃ca̱x nax marü taxũtáma maxẽ pexna tanaxãxü̃ca̱x perü tiyúruéxü̃xü̃.
11 Rü nhu̱xmax rü pema tátama marü nawa pexĩ i ngextá ínayimaxü̃wa ya maxẽ. ¡Notürü taxũtáma yima noxrixü̃cüxü̃ penanoxremaexẽxẽ i norü mu ya yima tiyúru! —nhanagürügü.
12 Rü yexguma ga yema Iraéutanüxü̃gü, rü guxü̃ma ga Eyítuanegu nügü ninu nax maxẽne nadaugüxü̃ca̱x norü tiyúruéü̃.
13 5:13-14 Rü guxü̃ma ga ngunexü̃gügu rü yema Faraóũarü duü̃xü̃gü ga puracümaxã icua̱xgüxü̃, rü Iraéutanüxü̃xü̃ namu nax noxrie̱xpü̱xtama ga tiyúru naxügüãxü̃ca̱x. Rü naétü tüxü̃ nicua̱i̱xgü ga guxema Iraéutanüxü̃gü ga tümatanüxü̃maxã icua̱xgüxe. Rü nhanagürügü tüxü̃: —¿Nhuxãcü ga ĩne rü nhu̱xmax rü tama noxrie̱xpü̱xwa penanguxẽẽxü̃ ya tiyúru? —nhanagürügü.
14 Nüü̃ nadau 5:13
15 Rü guxema Iraéutanüxü̃gü ga tümatanüxü̃maxã icua̱xgüxe, rü Faraóũxü̃tawa tügüca̱x tayarüdexagü, rü nhatagürügü: —Pa Torü Ãẽ̱xgacüx ¿tü̱xcüü̃ ngẽmaãcü tomaxã quixĩ?
16 Marü tama noxrirüxü̃ toxca̱x icunaxǘ ya maxẽ, notürü toxü̃ cumuama nax noxrie̱xpü̱xtama ya tiyúru tanaxüxü̃. Rü ngẽmaétüwa rü toxü̃ nicua̱i̱xgü i curü duü̃xü̃gü. Rü ngẽma curü duü̃xü̃gügagu nixĩ i ngẽma, Pa Ãẽ̱xgacüx —nhatarügügü.
17 Notürü ga nüma ga Faraóũ rü tüxü̃ nangãxü̃, rü nhanagürü: —Pema rü wüxi i oemarexü̃ pexĩgü. Rü ngẽmaca̱x naxca̱x ípecagü nax ínachianexü̃wa pexĩxü̃ nax ngẽ́ma perü Tupanaxü̃ peyarücua̱xüü̃güxü̃ca̱x.
18 ¡Peyawoegu rü peyapuracüewaxi! Rü woo marü tama pexca̱x ichanaxǘxgu ya maxẽ rü chanaxwa̱xe i penaxü i noxrie̱xpü̱xtama ya tiyúru —nhanagürü.
19 --
20 Rü yexguma Faraóũxü̃tawa ítachoxü̃gu, rü Moiché rü Aróũmaxã tügü itayangaugü ga ĩã̱xwa tüxü̃ nanguxẽẽgüxü̃.
21 Rü namaxã nüxü̃ tixugügü, rü nhatagürügü: —¡Rü Tupana nüxü̃ da̱u̱x i ngẽma nhu̱xmax tomaxã pexüxü̃, rü pexü̃ napoxcue! Erü pegagu nixĩ i nhu̱xmax i Faraóũ rü norü duü̃xü̃gü rü chixri toxü̃ nadauxü̃. Rü pegagu nixĩ i nhu̱xmax i tá toxü̃ nadaixü̃ —nhatagürügü.
Moichéarü yumüxẽchiga
22 Rü yexguma ga Moiché rü nayumüxẽ, rü nhanagürü Cori ya Tupanaxü̃: —Pa Corix ¿rü tü̱xcüü̃ i chixexü̃ naxca̱x ícunguxẽẽxü̃ i nhaa curü duü̃xü̃gü? ¿Rü ta̱xacüwa yixĩxü̃ ga nua choxü̃ cumuxü̃?
23 Rü yexguma noxri cuégagu Faraóũmaxã chidexagu, rü nüma rü yexeraãcü curü duü̃xü̃gümaxã chixexü̃ naxü. Rü cuma rü taxuxü̃ma cuxü nax naxme̱xwa ícunanguxü̃xẽẽ̱xü̃ca̱x —nhanagürü.
