Êxodo 9:1-35
9 Rü yexguma ga Cori ya Tupana rü Moichéxü̃ nhanagürü: —¡Paxa Faraóũxü̃tawa naxũ, rü nüxü̃ nha: “Rü Cori ya Iraéutanüxü̃güarü Tupana, rü cuxca̱x nua namuga rü nhanagürü cuxü̃: ‘Rü nüxü̃ inge̱x i ngẽma chorü duü̃xü̃gü nax choxü̃ yanacua̱xüü̃güxü̃ca̱x!
2 9:2-3 Erü ngẽxguma taxũtáma nüxü̃ quinge̱xgux rü cunachu̱xamagu, rü nüma ya Cori ya Tupana rü ngẽma nachitaxü̃wa ngẽxmagüxü̃ i cuxü̃nagüétügu tá nananguemaxẽxẽ i daaweane i poraxü̃. Rü nayue tá i muxü̃ma i cowarugü rü camérugü rü wocagü rü carnérugü.
3 Nüü̃ nadau 9:2
4 Notürü ya Cori ya Tupana rü taxũtáma guxãxü̃nawa nananguxẽxẽ i ngẽma daaweane, erü ngẽma Eyítuanecüã̱xarü naxü̃nagüxica tátama nayue, notürü ngẽma Iraéutanüxü̃arü naxü̃nagü rü taxũtáma nayue’ ” —nhanagürü.
5 Rü yexguma ga Cori ya Tupana rü Moichémaxã inaxuneta nax nhuxgu tá yixĩxü̃ i ngẽma, rü nhanagürü nüxü̃: —Chama rü moxü̃ tá nixĩ i chanaxüxü̃ —nhanagürü.
6 Rü yemaarü moxü̃ãcü rü Cori ya Tupana nanaxü ga yema. Rü muxü̃ma ga Eyítuanecüã̱xarü naxü̃nagü rü nayue. Notürü yema Iraéutanüxü̃güarü naxü̃nagü rü taxuxü̃ma nayue, rü bai ga wüxi.
7 Rü nüma ga Faraóũ rü norü duü̃xü̃güxü̃ namu nax íyadaugüãxü̃ca̱x rü aixcuma yixĩ nax taxuxü̃ma yuexü̃ ga Iraéutanüxü̃güarü naxü̃na. Rü woo yemaxü̃ nax nacuáxchigaxü̃, rü nanuama rü tama tüxü̃ ninge̱xgü ga guxema Iraéutanüxü̃gü.
Tupana rü taixnamaxã duü̃xü̃güxü̃ rü naxü̃nagüxü̃ nida̱xawexẽxẽ
8 Rü yexguma ga Cori ya Tupana rü nhanagürü nüxü̃ ga Moiché rü Aróũ: —¡Rü poũpǘxü̃wa wüxi ya cuxme̱xãcu ya tanimuca nayaxu, rü nhu̱xũchi cuma Pa Moichéx, rü Faraóũpe̱xewa nagünagüte̱xe ya yima tanimuca!
9 Rü ngẽmaãcü ya yima tanimuca rü tá narücaxi, rü guxü̃ma i Eyítuanewa tá nanguema. Rü ngẽmaãcü tá taixnagü naxü̃newa inarüyi i guxü̃ma i duü̃xü̃gü rü naxü̃nagü i Eyítuanewa ngẽxmagüxü̃ —nhanagürü.
10 Rü nüma ga Moiché rü Aróũ rü wüxi ga poũpǘxü̃wa tanimuca ne nanayauxte̱xegü, rü yemamaxã Faraóũxü̃tawa naxĩ. Rü yéma Faraóũpe̱xewa rü Moiché nanagünagüte̱xe ga guma tanimuca. Rü guxü̃ma ga duü̃xü̃gü rü naxü̃nagü rü taixnamaxã nixãxü̃neãchi.
11 Rü yema Faraóũarü yuüxü̃gü rü taxucürüwama Moichépe̱xewa nayexmagü, yerü nümagü rü ta rü nitaixnaxü̃negü naxrüü̃tama ga yema togü ga Eyítuanecüã̱xgü.
12 Notürü nüma ga Cori ya Tupana rü nanayexrü ga Faraóũ nax nügütama nataiãchiarü maxü̃ã̱xẽẽxü̃ca̱x nax yemaacü tama Moiché rü Aróũga naxĩnüxü̃ca̱x, yema nüma ga Cori ya Tupana Moichémaxã nüxü̃ ixuxü̃rüxü̃.
Tupana rü gáuxü̃ narüyixẽxẽ
13 Rü yexguma ga Cori ya Tupana rü nhanagürü Moichéxü̃: —¡Moxü̃ pa̱xmamaxü̃chi írüda rü Faraóũmaxã nüxü̃ yarüxu, rü nha nüxü̃: “Rü Cori ya Iraéutanüxü̃güarü Tupana rü cuxca̱x nua namuga rü nhanagürü cuxü̃: ‘Rü nüxü̃ inge̱xgü i ngẽma chorü duü̃xü̃gü nax choxü̃ yanacua̱xüü̃güxü̃ca̱x!
14 --
15 --
16 Rü nhu̱xmarüta cuxü̃ chamaxẽxẽ rü tama cuxü̃ chima̱x, erü cuxü̃ nüxü̃ chadauxẽẽchaü̃ nax nhuxãcü chaporaxüchixü̃. Erü chaugü nüxü̃ chacua̱xẽẽchaü̃ i guxü̃ma i duü̃xü̃gü i nhaa naanewa maxẽxü̃.
17 Notürü woo nax cuxü̃ chamaxẽẽxü̃, rü cuma rü tama icuxĩnüchaü̃ rü tama cuyange̱xgüchaü̃ i chorü duü̃xü̃gü.
18 Rü dücax, rü moxü̃ i nhama i oragu rü tá chanayixẽxẽ i gáuxü̃ ga taguma nhuxgu ngẽxgumarüxü̃ Eyítuanegu yixü̃.
19 Rü ngẽmaca̱x, rü name nixĩ nax ĩpatatüü̃gu cunachocuxẽẽxü̃ i guxü̃ma i curü duü̃xü̃gü rü cuxü̃nagü i düxétüwa ngẽxmagüxü̃. Erü ngẽxguma tá nayixgu i ngẽma gáuxü̃, rü tá nanadai i guxü̃ma i ngẽma duü̃xü̃gü rü naxü̃nagü i tama ĩpatatüü̃wa ngẽxmagüxü̃’ ” —nhanagürü.
20 Rü nümaxü̃ ga yema Faraóũarü ngü̃xẽẽruü̃gü, rü naxca̱x namuü̃e ga yema Cori ya Tupanaarü ucu̱xẽ. Rü yemaca̱x ĩpatatüü̃gu tüxü̃ namugü ga norü duẽxẽgü rü naxü̃nagü.
21 Notürü nayexma ga togü ga nüxü̃́ nataxuraxü̃xü̃ma ga yema Cori ya Tupanaarü ore, rü yemaca̱x düxétüwa nanawogümare ga norü duü̃xü̃gü rü naxü̃nagü.
22 Rü yexguma ga Cori ya Tupana rü Moichéxü̃ nhanagürü: —¡Naxunagüchacüxü nax ngẽma gáuxü̃ rü guxü̃ma i Eyítuanegu nayiiixü̃ca̱x naétügu i duü̃xü̃gü rü naxü̃nagü rü nanetügü! —nhanagürü.
23 Rü Moiché naxunagüchacüxü, rü nüma ga Cori ya Tupana rü ínananguxẽxẽ ga duruane rü ãẽmacü rü gáuxü̃ ga yema naanewa. Rü yemaacü guxü̃ma ga Eyítuanewa narüyi ga gáuxü̃.
24 Rü yema gáuxü̃ rü guma ãẽmacügü rü tama ínayachaxãchi. Rü taguma nhuxgu yemaacü poraãcü gáuxü̃ narüyiiixü̃ ga Eyítuanewa ga nũxcüma.
25 Rü yema gáuxü̃ rü poraãcü nanachixexẽxẽ ga guxü̃ma ga ta̱xacü ga Eyítuanewa yexmagüxü̃. Rü nanadai ga duü̃xü̃gü rü naxü̃nagü rü guxü̃ma ga nanetügü ga naanegüwa. Rü guxü̃ma ga naigü ga Eyítuanewa yexmagüxü̃, rü yema gáuxü̃maxã nabüü̃chacüxü.
26 Rü woo nax yema ngupetüxü̃ ga Eyítuanewa, notürü yema Iraéutanüxü̃ nawa yexmagüxü̃ ga naane ga Gochéü̃wa rü taxuxü̃ma ga gáuxü̃ yexma nayi rü bai ga wüxi.
27 --
28 --
29 --
30 --
31 --
32 --
33 --
34 --
35 Notürü ga nüma ga Faraóũ, rü nanuama rü tama nayange̱xgü ga yema Iraéutanüxü̃gü, yema Cori ya Tupana Moichéwa nüxü̃ ixuxü̃rüxü̃.
