1 Crónicas 16:1-43
16 Rü yema baú ga Tupanaarü mugü nagu üxü̃ rü nawa nanangegü ga guma ĩpata ga naxchirunaxca̱x ga Dawí woetama yemaca̱x üxü̃ne. Rü nhu̱xũchi nüma ga Dawí rü chacherdótegüxü̃ namu nax yéma Tupanape̱xewa ínaguaxü̃ca̱x ga ãmaregü ga naxü̃nagü rü pumáragü ga duü̃xü̃gü yéma naxü̃ nax Tupanaxü̃ namaxã nangüxmüxẽẽgüxü̃ca̱x.
2 Rü yexguma marü nüxü̃ nachauegu nax Tupanaca̱x ãmare ínaguxü̃, rü nüma ga Dawí rü Tupanaégagu mexü̃ norü duü̃xü̃gümaxã naxuegu.
3 Rü nhu̱xũchi ga Dawí rü guxü̃ma ga Iraéuanecüã̱xgü ga yatüxü̃ rü ngexü̃ rü tüxü̃ nayanu ga wüxi ga poũ rü naétü ga taxre ga to ga poũ ga maixcuraxü̃.
4 --
5 --
6 --
Wiyaeãcü Tupanana moxẽ naxã ga Dawí
7 Rü yema ngunexü̃gu nixĩ ga Dawí noxri Acháxü̃ rü namücügüxü̃ namuxü̃ nax wiyaeãcü Tupanana moxẽ naxãgüxü̃ namaxã ga nhaa wiyae:
8 “¡Moxẽ nüxna pexãgü ya Cori ya Tupana! ¡Rü guxü̃wama nüxü̃ pexuchiga! ¡Rü guxü̃ma i nachixü̃anecüã̱xgümaxã nüxü̃ pexu i ngẽma mexü̃gü i pexca̱x naxüxü̃!
9 ¡Rü perü wiyaegümaxã nüxü̃ pecua̱xüxü̃gü! ¡Rü pegümaxã nüxü̃ pexu i ngẽma taxü̃ i mexü̃gü i naxüxü̃!
10 ¡Rü pegü namaxã pecua̱xüxü̃gü ya yimá üünecü! Rü pema nax naxca̱x pedaugüxü̃ ¡rü petaãxẽgü!
11 ¡Rü naxca̱x pexĩ ya Cori ya Tupana rü norü poraca̱x pedaugü! ¡Rü guxü̃guma norü ngü̃xẽẽca̱x ípeca!
12 16:12-13 ¡Rü nüxna pecua̱xãchie ga yema mexü̃gü ga taxü̃gü ga norü poramaxã naxüxü̃ rü ngẽma norü mugü ga pemaxã nüxü̃ yaxuxü̃, Pa Iraéuanecüã̱xgü ya Yacútaagü i Tupana Pexü̃ Unetagüxex!
13 Nüü̃ nadau 16:12
14 Rü nüma nixĩ i Cori ya tórü Tupana yixĩxü̃. Rü nüma nixĩ i nhama i naanemaxã inacuáxü̃.
15 16:15-17 Rü woo 1,000 tücumü i duü̃xü̃gü i nhama i naanewa ngóexü̃ ngupetügu rü nüma ya Tupana rü tagutáma nüxü̃ inayarüngüma i norü uneta ga Abraáü̃maxã nüxü̃ yaxuxü̃ rü Isáquimaxã inaxügaxü̃ rü wenaxarü Yacúmaxã nüxü̃ yaxuxü̃ nax guxü̃gutáma nüxü̃ nangü̃xẽẽxü̃ i nataagü i Iraéutanüxü̃gü.
16 Nüü̃ nadau 16:15
17 Nüü̃ nadau 16:15
18 Rü yemaca̱x Yacúmaxã nüxü̃ nixu rü nhanagürü nüxü̃: ‘Chama rü tá cuxna chanaxã i guxü̃ma i nhaa Canaã́ane nax guxü̃gutáma cuxrü rü cutaagüarü yixĩxü̃ca̱x’, nhanagürü.
19 16:19-22 Rü nümagü ga tórü o̱xigü rü woo noxretama nixĩgü ga noxri rü toxnamanacüã̱x nixĩgü, rü woo nhuxre ga nachixü̃anegüwa nichopetüetanü rü nhuxre ga ãẽ̱xgacügüme̱xẽwa íninguxü̃etanü nax nhaa naanewa nangugüxü̃ca̱x, notürü nüma ga Tupana rü tama nanaxwa̱xe nax texé chixri namaxã icuáxü̃. Rü yemaca̱x yema ãẽ̱xgacügü ga naxme̱xwa nayexmagüxü̃maxã nüxü̃ nixu rü nhanagürü nüxü̃: ‘Rü tama chanaxwa̱xe i ngẽma chama nüxü̃ chaxunetaxü̃ i duü̃xü̃gü rü chixri namaxã ipecua̱x rü ngẽma chorü orearü uruü̃gü rü ngúxü̃ nüxü̃ pingexẽẽgü’, nhanagürü.
20 Nüü̃ nadau 16:19
21 Nüü̃ nadau 16:19
22 Nüü̃ nadau 16:19
23 Pa Guxü̃ma i nhama i Naanecüã̱x i Duü̃xü̃güx ¡rü naxca̱x pewiyaegü ya Cori ya Tupana! ¡Rü guxü̃ i ngunexü̃gügu penaxunagü nax nüma yixĩxü̃ i tüxü̃ namaxẽxẽẽxü̃!
24 ¡Rü guxü̃ma i duü̃xü̃gü i guxü̃ i nachixü̃anegüwa ngẽxmagüxü̃maxã nüxü̃ pexuchiga nax nüma rü naxüünexü̃ rü naxüãxü̃ i muxü̃ma i mexü̃gü i norü poramaxã naxüxü̃!
25 Erü nüma ya Cori ya Tupana rü guxãétüwa nangexma, rü ngẽmaca̱x name nax nüxü̃icatama icua̱xüü̃güxü̃. Erü nüma rü naxãũcümaxü̃chi rü guxü̃ma i ngẽma tupananetagüétüwa nangexma.
26 Rü ngẽma togü i nachixü̃anegüarü tupananetagü rü naxchicüna̱xãmare nixĩgü. Notürü nüma ya Cori ya Tupana nixĩ ga naxüxü̃ i guxü̃ma i ngẽma dauxü̃wa nüxü̃ idauxü̃.
27 Rü nüma ínangexmaxü̃wa rü poraãcü nangóone. Rü napatawa nangexma i pora rü taãxẽ.
28 Pa Guxü̃ma i Nachixü̃anecüã̱xgüx ¡rü nüxü̃ pexuchigagü rü nüma ya Tupana rü nüxicatama nixĩ nax aixcuma naporaxü̃ rü naxüünexü̃!
29 ¡Rü nüxü̃ pengechaxü̃güãcüma nüxü̃ pecua̱xüxü̃gü, erü nüma rü guxãétüwa nangexma! ¡Rü naxü̃tawa penana i perü ãmaregü rü napata ya mexechinewa nüxü̃ pecua̱xüxü̃gü!
30 Rü name nixĩ i guxü̃ma i duü̃xü̃gü i nhama i naanewa maxẽxü̃ rü nape̱xewa namuü̃e. Erü nüma rü wüxitama ga namaxü̃gu nayaxũxẽxẽ ga nhama ga naane nax tama ngẽma namaxü̃na yaxũgachixü̃ca̱x.
31 Rü name nixĩ i nataãxẽ i guxü̃ma i ngẽma dauxü̃guxü̃ i naanewa ngẽxmagüxü̃ rü ngẽma nhama i naanewa ngẽxmagüxü̃. ¡Rü guxü̃ i nachiü̃anegüwa nüxü̃ pexu rü nhapegügü: ‘Nüma ya Cori ya Tupana nixĩ i ãẽ̱xgacü ya guxãétüwa ngẽxmacü yixĩxü̃’, nhapegügü!
32 Rü name nixĩ i norü taãxẽmaxã naxãũga i ngẽma már, rü naxãũgatanü i guxü̃ma i ngẽma nawa ngẽxmagüxü̃. ¡Rü nataãxẽ i ngẽma naanegü rü guxü̃ma i nanetügü i nagu togüxü̃!
33 Rü ngẽma naigü i naixnecüwa ngẽxmagüxü̃ rü name nixĩ i taãxẽãcü nicuxcu nape̱xewa ya Cori ya Tupana ya núma ũxcü nax nhama i naanemaxã inacuáxü̃ca̱x.
34 ¡Rü moxẽ nüxna pexã ya Cori ya Tupana! Erü nüma rü namecümaxü̃chi rü ngẽma norü ngechaü̃ rü taguma nagu̱x.
35 ¡Rü nhapegü nüxü̃: ‘Toxü̃ ínanguxü̃xẽxẽ, Pa Tupanax, Pa Torü Maxẽxẽẽruxü̃x! ¡Rü toxü̃ nade nax naxme̱xwa toxü̃ ícunguxü̃xẽẽ̱xü̃ca̱x i ngẽma togü i nachixü̃anegü nax ngẽmaãcü tanataxẽẽxü̃ca̱x i cuéga i üünexü̃ rü taãxẽãcüma cuxü̃ ticua̱xüü̃güxü̃ca̱x’, nhapegü nüxü̃!
36 Rü guxü̃guma namecümaxü̃chi ya yimá tórü Cori ya Tupana i yixema i Iraéutanüxü̃gü”, yemaacü nawiyaegü ga Achá rü namücügü. Rü guxü̃ma ga duü̃xü̃gü rü nachonagütanü rü nhanagürügü: —Aixcuma ngẽmaãcü nixĩ —nhanagürügü. Rü yemaacü Cori ya Tupanaxü̃ nicua̱xüxü̃gü.
37 --
38 --
39 --
40 --
41 --
42 --
43 --
