1 Crônicas 28:1-21
28 Rü nüma ga Dawí rü Yerucharéü̃gu nanangutaque̱xexẽxẽ ga guxü̃ma ga Iraéuanecüã̱xgüarü ãẽ̱xgacügü. Rü yematanüwa nayexma ga norü ãẽ̱xgacügü ga yema 12 ga Iraéutücumügümaxã icua̱xgüxü̃, rü ãẽ̱xgacügü ga Dawíarü churaragümaxã icua̱xgüxü̃, rü yema churaragüarü comaü̃dáü̃tegü rü capitáü̃gü, rü yema ãẽ̱xgacügü ga Dawíarü rü nanegüarü naanegümaxã rü naxü̃nagümaxã icua̱xgüxü̃, rü guxü̃ma ga yema togü ga ãẽ̱xgacügü ga itaégatanücüüxü̃ ga Iraéuanewa, rü guxü̃ma ga yema churaragü ga tama muü̃wa̱xegüxü̃.
2 Rü yexguma marü yexma nangutaque̱xegu, rü nüma ga Dawí rü inachi rü nhanagürü: —Pa Chomücügü rü Pa Chorü Duü̃xü̃güx ¡rü choxü̃́ iperüxĩnüe! Rü chama rü choxü̃́ nangúchaü̃ nax chanaxüxü̃ ya Tupanapata nax ngẽxma naxǘxü̃ca̱x i ngẽma baú i Tupanaarü mugü nagu nucuxü̃ nax ngẽ́ma nangexmaxü̃ca̱x ya Tupana. Rü yemaca̱x ga chama rü chananutaque̱xe ga yemaxü̃gü nax naxüxü̃ca̱x ya Tupanapata.
3 Notürü nüma ya Tupana rü nhanagürü choxü̃: “Rü taxũtáma cuma nixĩ i cunaxüxü̃ ya yima chapata. Erü cuma rü daigu cumáeta rü poraãcüma nagü icunabaxẽxẽ”, nhanagürü choxü̃.
4 Notürü nüma ya Cori ya tórü Tupana rü chautanüxü̃gütanüwa choxü̃ nayaxu nax guxü̃guma perü ãẽ̱xgacüxü̃ choxü̃ yaxĩxẽẽxü̃ca̱x. Rü yemaca̱x nüxü̃ naxuneta ga Yudátanüxü̃ nax yematücumüwa ãẽ̱xgacügü íchoxü̃tanücüüxü̃. Rü yema Yudátücumüwa nixĩ ga nüxü̃ naxunetaxü̃ ga chautanüxü̃tücumü, rü yema chaueneegütanüwa rü choxü̃ naxuneta nax guxü̃ma i Iraéuanecüã̱xmaxã ichacuáxü̃ca̱x.
5 Rü nhu̱xmax rü namu i chaunegü i Tupana choxna mugüxü̃, rü ngẽma chaunegütanüwa rü Tupana nüxü̃ naxuneta ya chaune ya Charumáu nax nüma chauchicüxü ãẽ̱xgacü yixĩxü̃ca̱x i Iraéuanewa.
6 Rü nüma ya Cori ya Tupana rü choxü̃ nhanagürü: “Yimá cune ya Charumáu tá nixĩ ya yimá naxücü ya yima chapata rü norü ĩã̱xgü. Erü chama rü chanayaxu nax chaune yixĩxü̃ca̱x, rü chama rü nanatü chixĩxü̃ca̱x.
7 Rü chama rü tá guxü̃gutáma nüxü̃ charüngü̃xẽxẽ nax ãẽ̱xgacüecha yixĩxü̃ca̱x i ngẽxguma tá nhu̱xmarüxü̃ naga naxĩnüechagu i ngẽma chorü mugü rü chorü ucu̱xẽgü” —nhanagürü choxü̃ ya Tupana.
8 Rü yexguma ga nüma ga Dawí rü nane ga Charumáuca̱x nadauegu rü nhanagürü nüxü̃: —Rü nua nape̱xewa i nhaa ãẽ̱xgacügü i Iraéuanecüã̱xgü i Tupanaarü duü̃xü̃gü ixĩgüxü̃, rü nape̱xewa ya tórü Tupana, rü cuxü̃ chaxucu̱xẽ nax mea nagu cumaxü̃xü̃ca̱x i guxü̃ma i norü mugü ya Cori ya Tupana nax ngẽmaãcü cuxme̱xwa nangexmaechaxü̃ca̱x i nhaa mexü̃ i naane, rü cunegüme̱xẽwa cunaxüexẽẽxü̃ca̱x nax nümagü rü guxü̃gutáma namaxã inacua̱xgüxü̃ca̱x.
9 Pa Chaunex, Pa Charumáux ¡ẽcü naga naxĩnü ya chorü Tupana rü guxü̃ma i curü ngúchaü̃maxã rü curü ĩnü i mexü̃maxã naxü i ngẽma cuxü̃ namuxü̃! Erü nüma ya Cori ya Tupana rü nanangugü i ngẽma taãxẽwa ngẽxmaxü̃ rü nüxü̃ nacua̱x i guxü̃ma i ngẽma nagu rüxĩnüxü̃. Rü ngẽxguma tá cuma naxca̱x cuda̱xgu, rü nüma rü tá cuxü̃tawa nangexma. Notürü ngẽxguma nüxna quixũgachigux, rü nüma rü tá cuxü̃ narüxoxochi.
10 Rü ngẽmaca̱x rü name i poraãcü cuxuãẽ erü nüma ya Cori rü cuxü̃ naxuneta nax cuma cunaxüxü̃ca̱x ya yima napata ya üünene. ¡Rü ẽcü napora, rü naxü i ngẽma nüma cuxü̃ namuxü̃! —nhanagürü ga Dawí.
11 --
12 --
13 --
14 --
15 --
16 --
17 --
18 --
19 --
20 --
21 --
