1 Techarónicacü̃ãꞌ 3:1-13
3 Rü jema na taxuacüma nhuxãcü wenaxãrü petanüwa na chaxũxü̃, rü düxwa nagu charüxĩnü na Atenagutama na charüxã́ũxü̃.
2 3:2-3 Rü pexü̃tawa chanamu ga taeneẽ ga Timúteu na pexü̃ íjadauxü̃ca̱x. Erü nüma nixĩ i Tupanaãrü puracütanüxü̃ i wüxigu namaã tapuracüexü̃ na tanaxunagüxü̃ca̱x i ngẽma ore i mexü̃ i Cristuchiga. Rü ngẽ́ma petanüwa chanamu na pexü̃ nangü̃xẽẽxü̃ca̱x na jexeraãcü pejaxõgüxü̃ca̱x rü aixcuma petaãẽgüxü̃ca̱x rü ngẽmaãcü taguma texé i petanüwa nüxü̃ rüxoxü̃ca̱x ega ṯacü rü guxchaxü̃ pexü̃́ ngẽxmagu. Erü pematama marü nüxü̃ pecua̱x na guxãma i jixema na jaxõgüxü̃ rü ngúxü̃ tá tüxü̃ naxüpetü.
3 Nüü̃ nadau 3:2
4 Rü jexguma petanüwa tajexmagügu rü marü pemaã nüxü̃ tixu na ngúxü̃ tá pexü̃ üpetüxü̃. Rü pema marü nüxü̃ pecua̱x na aixcuma jemaãcü pexü̃ nangupetüxü̃.
5 Rü jemaca̱x ga jexguma marü tama namaã chaporagu ga jema tama paxa pechigaxü̃ na chacuáxü̃, rü jemaca̱x düxwa Timúteuxü̃ jéma petanüwa chamu na pexna jac̱axü̃ca̱x ngoxi meã ípejaxõgüama i Tupanaãrü ore. Jerü chaxoegaãẽ rü bexmana ṉg̱oxo i Chataná rü chixexü̃gu pexü̃ najixẽẽ, rü chi ngẽmaãcü jixĩgu, rü notüca̱xmamare chi nixĩ ga pemaã nüxü̃ tixuxü̃ ga Tupanaãrü ore.
6 Notürü nhu̱xma na ínanguxü̃ i Timúteu na petanüwa ne naxũxü̃, rü mexü̃ i ore i pechiga ngẽ́ma ne nange. Rü tomaã nüxü̃ nixu na nhuxãcü meã pejaxõgüxü̃, rü nhuxãcü guxãma meã pegü pengechaü̃güxü̃. Rü tomaã nüxü̃ nixu ta na nhuxãcü guxü̃guma toxü̃ pengechaü̃güãcüma togu perüxĩnüẽxü̃, rü nhuxãcü poraãcü penaxwa̱xegü na wena toxü̃ na pedaugüxü̃ i ngẽma poraãcü pexü̃ tadaugüchaü̃xü̃rüü̃.
7 Rü ngẽmaca̱x, Pa Chaueneẽgüx, rü woo guxchaxü̃ toxü̃́ na ngẽxmaxü̃ rü ngúxü̃ na tingegüxü̃, rü poraãcü toxü̃ nataãẽxẽẽ i ngẽma pexü̃ na tacuáchigaxü̃ na meã ípemaxẽxü̃ rü meã pejaxõgüamaxü̃.
8 Rü nhu̱xma na nüxü̃ tacuáchigaxü̃ na aixcuma meã tórü Coriaxü̃́ pejaxõgüamaxü̃, rü poraãcü tataãẽgü.
9 ¿Rü nhuxãcü tá Tupanana moxẽ taxã naxca̱x i ngẽma taãẽ i taxü̃ i toxna pexãxü̃? Erü aixcuma pegagu nixĩ i toxü̃́ nangẽxmaxü̃ i wüxi i taãẽ i taxü̃ i nape̱xewa.
10 Rü ngunecü rü chütacü rü tajumuxẽgü, rü Tupanana naxca̱x tacagü na petanüwa toxü̃ nawoeguxẽẽxü̃ca̱x na wena pexü̃ tadaugüxü̃ca̱x rü pexü̃ tarüngü̃xẽẽgüxü̃ca̱x na jexeraãcü nüxü̃́ pejaxõgüxü̃ca̱x.
11 Rü poraãcü tanaxwa̱xegü i Tanatü ja Tupana rü tórü Cori ja Ngechuchu ja Cristu na toxü̃ rüngü̃xẽẽgüxü̃, na wena petanüwa ítajadaugüxü̃ca̱x.
12 Rü tanaxwa̱xegü na tórü Cori ja Ngechuchu pexü̃ rüngü̃xẽẽxü̃ na jexeraãcü pegü pengechaü̃güxü̃ca̱x rü guxü̃ i duü̃xü̃güxü̃ na pengechaü̃güxü̃ca̱x, ngẽxgumarüü̃ i toma rü poraãcü pexü̃ na tangechaü̃güxü̃rüü̃.
13 Rü tanaxwa̱xegü na tórü Cori ja Ngechuchu pexü̃ rüngü̃xẽẽxü̃ na peãẽwa rü aixcuma meã pejaxõgüxü̃ca̱x rü norü duü̃xü̃gü i aixcuma mexü̃gü na peixĩgüxü̃ca̱x rü na nataxuxü̃ca̱x i perü pecadugü i nape̱xewa ja Tanatü ja Tupana i ngẽxguma wena núma naxũxgu ja tórü Cori ja Ngechuchu ja Cristu namaã i guxü̃ma i norü duü̃xü̃gü.
