1 Reis 15:1-34
15 Rü Abiá inanaxügü ga ãẽ̱xgacü nax yixĩxü̃ ga Yudáanewa ga yexguma Yerubuã́ũ ga Nadábi nane marü 18 ga taunecü ãẽ̱xgacü yixĩxgu ga Iraéuanewa.
2 Rü tamaepü̱x ga taunecü nixĩ ga Yerucharéü̃wa ãẽ̱xgacü nax yixĩxü̃. Rü guxema naé rü Maáca nixĩ ga tümaéga. Rü tüma rü Abicharã́ũacü tixĩ.
3 Rü nüma ga Abiá rü yematama nanatü üxü̃ ga chixexü̃ naxü rü tama aixcuma Cori ya norü Tupanaga naxĩnü. Rü tama guma norü o̱xi ga Dawí ga meama Tupanaca̱x maxü̃cürüxü̃ nixĩ.
4 --
5 --
6 --
7 --
8 --
9 --
10 --
11 --
12 --
13 --
14 --
15 --
16 --
17 --
18 --
19 --
20 --
21 --
22 --
23 --
24 --
Nadábi rü Iraéuanewa ãẽ̱xgacü nixĩ
25 Rü yexguma marü taxre ga taunecü ãẽ̱xgacü yixĩxgu ga Ácha ga Yudáanewa, rü nüma ga Nadábi ga Yerubuã́ũ nane rü yexwaca inanaxügü ga ãẽ̱xgacü nax yixĩxü̃ ga Iraéuanewa. Rü taxretama ga taunecü ãẽ̱xgacü nixĩ ga yéma.
26 Notürü yema naxüxü̃ ga nüma ga Nadábi, rü poraãcü nachixe ga Tupanape̱xewa. Rü yematama chixexü̃gü ga nanatü üxü̃ naxü. Rü muxü̃ma ga tupananetachicüna̱xãgüxü̃ nicua̱xüxü̃. Rü yemaacü poraãcü chixexü̃gu Iraéuanecüã̱xgüxü̃ nayi̱xẽxẽ.
27 Notürü ga Baácha ga Aía nane ga Ichacátanüxü̃ ixĩcü rü bexma natanüxü̃xü̃ nanutaque̱xe nax Nadábixü̃ yama̱xgüxü̃ca̱x. Rü Firitéutanüxü̃güarü ĩane ga Yibetóũgu Nadábixü̃ nima̱xgü, ga yexguma nüma ga Nadábi guma ĩanexü̃ ínachoeguãchiyane namaxã ga guxü̃ma ga Iraéuanecüã̱xgüarü churaragü.
28 Rü nüma ga Baácha rü Nadábixü̃ nima̱x ga yexguma Ácha marü tamaepü̱x ga taunecü ãẽ̱xgacü ixĩxgu ga Yudáanewa. Rü Nadábichicüxü ãẽ̱xgacü nixĩ.
29 Rü yexguma noxritama yangucuchigu ga Baácha nax ãẽ̱xgacü yixĩxü̃ rü tüxü̃ nadai ga guxãma ga Yerubuã́ũtanüxü̃. Rü yema Cori ya Tupana norü orearü uruxü̃ ga Aía ga Chírucüã̱xwa nüxü̃ yaxuxü̃rüxü̃, rü nüma ga Baácha rü guxü̃ma ga Yerubuã́ũtanüxü̃ tüxü̃ nadai rü tüxü̃ nagu̱xẽxẽ. Rü taxúema tüxü̃ ínayaxüxẽxẽ.
30 Rü yemaacü nangupetü nagagu ga yema Yerubuã́ũ üxü̃ ga chixexü̃. Rü yema norü pecádugagu nixĩ ga chixexü̃gu nayi̱xü̃ ga Iraéuanecüã̱xgü rü norü Cori ya Tupanaxü̃ nanuxẽẽgüxü̃.
31 Rü guxü̃ma ga yema Nadábi üxü̃ i tama nua ngóxü̃, rü ngẽma popera i Iraéuanecüã̱xgüarü ãẽ̱xgacügüchiga ixümatüxü̃gu naxümatü.
32 Rü gumá Yudáarü ãẽ̱xgacü ga Ácha, rü gumá Iraéuanecüã̱xarü ãẽ̱xgacü ga Baácha rü nügü nadaiecha.
33 Rü yexguma tamaepü̱x ga taunecü ãẽ̱xgacü yixĩxgu ga Ácha ga Yudáanewa, rü nüma ga Baácha ga Aía nane rü yexwaca ningucuchi ga Tíchawa nax Iraéuanecüã̱xarü ãẽ̱xgacü yixĩxü̃ca̱x. Rü 24 ga taunecü ãẽ̱xgacü nixĩ.
34 Notürü yema Baácha üxü̃ rü poraãcü nachixe ga Cori ya Tupanape̱xewa. Yerü nanaxü ga yematama chixexü̃ ga Yerubuã́ũ Iraéuanecüã̱xgüxü̃ nagu nayi̱xixẽẽxü̃, rü muxü̃ma ga tupananetachicüna̱xãgüxü̃ nicua̱xüxü̃.
