1 Reis 18:1-46
18 Rü yema ngunexü̃gü rü nigúetanü. Rü tamaepü̱x ga taunecüguwena, rü nüma ga Cori ya Tupana rü Eríamaxã nidexa rü nhanagürü: —¡Ãẽ̱xgacü ya Acábixü̃tawa naxũ rü namaxã nüxü̃ yarüxu rü nhama i naanegu tá chanapuxẽxẽ! —nhanagürü.
2 Rü nüma ga Ería rü inaxũãchi nax Acábimaxã nüxü̃ yanaxuxü̃ca̱x. Rü yexguma rü poraãcü nangu̱x ga taiya ga Chamáriaanewa.
3 Rü nüma ga Acábi rü naxca̱x naca ga norü ngü̃xẽẽruxü̃ ga Obayía ga aixcuma Cori ya Tupanaxü̃ ngechaü̃xü̃.
4 Rü nüma ga Obayía nixĩ ga naétüwa nachogüxü̃ ga 100 ga Tupanaarü orearü uruü̃gü ga yexguma Acábi naxma̱x ga Yechabé nadaixchaü̃gu. Rü nüma ga Obayía rü taxretücumü ga 50 gu nayatoye rü nhu̱xũchi taxre ga ãxmaxü̃gu nayacu̱xgü rü yéma nayaxüwemüãxü̃.
5 Rü yexguma namawa nayexmayane ga Ería, rü nüma ga ãẽ̱xgacü ga Acábi rü Obayíaxü̃ nhanagürü: —¡Ngĩxã, rü guxü̃ma i nhaa tachixü̃anegu tanaxĩane i guxü̃ma i natügüwa rü natüxacügüwa nax naxca̱x idauxü̃ca̱x ya maxẽ naxca̱x i tórü búrugü nax ngẽmaãcü tama nayuexü̃ca̱x rü taguma tüxü̃́ nataxuxü̃ca̱x! —nhanagürü.
6 Rü yemaacü ga Acábi rü Obayía rü nügümaxã nüxü̃ nixu nax toxnamana naxũxü̃ ga Acábi rü toxnamana ga Obayía nax naxca̱x nadaugüxü̃ca̱x ga dexá rü maxẽ.
7 Rü yexguma namawa naxũxgu ga Obayía rü Eríaxü̃ yexma nangau. Rü yexguma nüxü̃ yacua̱xãchigu nax Ería yixĩxü̃ rü nape̱xegu nayangücuchi rü nhanagürü: —¿Ẽ̱xna cuma quixĩxü̃, Pa Chorü Cori, Pa Eríax? —nhanagürü.
8 Rü nüma ga Ería rü nanangãxü̃ga rü nhanagürü: —Ngü̃, chama chixĩ. ¡Rü paxa curü corimaxã nüxü̃ yarüxu rü nua changexma! —nhanagürü.
9 --
10 --
11 --
12 --
13 --
14 --
15 --
16 Rü yexguma ga Obayía rü Acábimaxã nüxü̃ nayarüxu nax Ería yéma nguxü̃, rü nüma ga Acábi rü yéma naxũ nax Eríaxü̃ íyadauxü̃ca̱x.
17 Rü yexguma Eríaxü̃ nada̱xgux rü nhanagürü: —¿Cuma ẽ̱xna quixĩ i ngẽma yatü i Iraéuanecüã̱xgüca̱x chixexü̃ ícunguxẽẽxü̃? —nhanagürü.
18 Rü nüma ga Ería nanangãxü̃ga rü nhanagürü: —Tama chaugagu nixĩ i ngẽma guxchaxü̃ i ngupetüxü̃ i nua Iraéuanewa. Rü cuma rü curü duü̃xü̃gügagu nixĩ i ngẽma ngupetüxü̃, erü tama naga pexĩnüe i ngẽma Cori ya Tupanaarü mugü rü Baáchicüna̱xãgüxü̃ pecua̱xüxü̃gü.
19 ¡Rü nhu̱xmax rü curü duü̃xü̃güxü̃ namu nax ma̱xpǘne ya Carmérugu nangutaque̱xegüxü̃ca̱x i guxü̃ma i Iraéuanecüã̱xgü namaxã i ngẽma 450 i Baáarü orearü uruü̃gü rü 400 i Achéraarü orearü uruü̃gü i Yechabéme̱xẽwa ngẽxmagüxü̃ rü nüxü̃ rüngü̃xẽẽxü̃! —nhanagürü ga Ería.
Ería rü Baáarü orearü uruü̃gü
20 Rü yexguma ga Acábi rü guxü̃ma ga Iraéuanecüã̱xgüca̱x nangema, rü nanangutaque̱xexẽxẽ ga yema orearü uruü̃gü ga ma̱xpǘne ga Carmérugu.
21 Rü yexguma ga nüma ga Ería rü guxü̃ma ga duü̃xü̃gümaxã nidexa rü nhanagürü: —¿Nhuxguxüratáta i pemax i nüxü̃ perüxoexü̃ nax taxre i ĩnügu perüxĩnüexü̃? Rü ngẽxguma Cori ya Tupana rü aixcuma Tupana yixĩxgu ¡rü nawe perüxĩ! Rü ega Baá yixĩxgu ¡rü ngẽmawe perüxĩ! —nhanagürü. Rü nüma ga duü̃xü̃gü rü taxuxü̃maama nanangãxü̃gagü.
22 Rü nüma ga Ería rü nidexachigüama rü nhanagürü: —Chaxicatama chixĩ i Cori ya Tupanaarü orearü uruxü̃ i íchayaxüxü̃ rü chamaxü̃xü̃. Notürü ngẽma Baáarü orearü uruü̃gü rü 450 nixĩ.
23 Rü nhu̱xmax rü name nixĩ i taxre i wocaxacü nua pega. Rü nümagü i Baáarü orearü uruü̃gü rü tá nayayauxgü i wüxi. Rü ãgümücügu tá inanachexcu. Rü ngẽmaãcü üxütanüétügu tá nananugü i ngẽma namachi i Baáarü ãmarearü guchicaxü̃wa, notürü taxũtáma nayana̱i̱xẽxẽ ya üxü. Rü ngẽxgumarüxü̃ tá ta i chamax rü chanamexẽxẽ i ngẽma to i wocaxacü rü üxüétügu tá chananugümachi, notürü taxũtáma chayanaixẽxẽ ya yima üxü.
24 Rü ngẽmawena i pema rü tá perü tupanana pecagüe, rü chama rü tá Cori ya Tupanana chaca. Rü yimá üxümaxã tüxü̃ ngãxü̃gacü, rü yimá tá nixĩ ya aixcuma Tupana ixĩcü —nhanagürü. Rü guxü̃ma ga duü̃xü̃gü nanangãxü̃gagü rü nhanagürügü: —Mexü̃ma nixĩ i ngẽma ĩnü —nhanagürügü.
25 Rü nhu̱xũchi ga Ería rü yema Baáarü orearü uruü̃güxü̃ nhanagürü: —¡Ngexü̃rüüxü̃ i nhaa wocaxacü peyaxu rü pexíra penamexẽxẽ, erü pemu i pemax! ¡Rü nhu̱xũchi perü tupanana peca notürü taxũtáma nawa penangixichi! —nhanagürü.
26 Rü yemaacü ga nümagü rü nayayauxgü ga yema wocaxacü ga nüxna namugüxü̃. Rü nanamexẽẽgü rü pa̱xmamacürüwa inanaxügüe ga norü tupana ga Baána nax nacagüexü̃ rü nhu̱xmata tocuchiwa nangu. Rü nhanagürügü: —¡Toxü̃ nangãxü̃ga Pa Baáx! —nhanagürügü. Rü yema ãmarearü guchicaxü̃ ga naxügüxü̃xü̃ íniyuxeguãchitanücüxü, notürü nataxuma ga ta̱xacü ga nangãxü̃güxü̃.
27 Rü yexguma tocuchiwa nanguxgu, rü nüma ga Ería rü yema Baáarü orearü uruü̃gügu nidauxcüraxü̃ rü nhanagürü: —¡Yexera poraãcü pexáixcha! Erü ngẽma perü tupana rü ngürüãchi i puracügu narüxã̱ũ̱x, rüe̱xna nayawoxe̱x, rüe̱xna ũãnewa naxũ, rüe̱xna ngürüãchi ínape rü name nixĩ i ípenaba̱i̱xgü —nhanagürü.
28 Rü nümagü rü nayadaxẽxẽ ga nax yaxáixchaxü̃. Rü cüxchimaxã nügü niwítüchacüügü rü nügü inapaiaxü̃negü, yerü yema nixĩ ga nacümagü ga naxügüüxü̃, nhu̱xmata naduegumüxü̃negü.
29 Rü tocuchiwa nangu rü nümagü rü inayadaxẽẽgü ga nax yaxáixchaechaxü̃ rü nax nayuxtanüxü̃xü̃, rü yemaacü nayáuanexü̃gümare, notürü taxuxü̃ma nanangãxü̃ rü bai ga wüxi ga naga ga nüxü̃ naxĩnüexü̃. Rü düxwa orawa nangu nax Ería Tupanaca̱x yamáxü̃ ga yema to ga wocaxacü.
30 Rü yexguma ga Ería rü guxü̃ma ga duü̃xü̃güxü̃ nhanagürü: —¡Númamaxü̃ra pexĩ! —nhanagürü. Rü guxü̃ma ga duü̃xü̃gü rü naxü̃tawaama naxĩ. Rü nüma ga Ería rü nanamexẽxẽ ga yema Tupanaarü ãmarearü guchicaxü̃ ga rüngutaü̃xü̃.
31 Rü nanayauxpüta ga 12 ga nuta nae̱xpü̱x ga nanegü ga Yacú ga Iraéuanegu ãégacü.
32 Rü guma nutagümaxã nanaxü ga Cori ya Tupanaarü ãmarearü guchicaxü̃. Rü yemawena rü ínanacaegu ga yema ãmarearü guchicaxü̃ rü 20 ga lítruxãcu ga nanetüchire nagu mexü̃ nixĩ ga norü taxmachate̱xe.
33 Rü yemawena rü mea inananu ga üxü. Rü ãgümücügu tüxü̃ inachexcu ga guxema wocaxacü, rü yema üxüétügu tüxü̃ nanugümachi.
34 Rü nhu̱xũchi nhanagürü: —¡Ãgümücü i tü̃xü̃ ngĩxü̃ pixügüãcu dexámaxã rü ngẽma namachiétügu rü ngẽma üxüétügu ngĩxü̃ pebagüãcu! —nhanagürü. Rü yemaacü nanaxügü ga duü̃xü̃gü. Rü wena nanamu nax yemaacü naxügüãxü̃ca̱x. Rü norü tamaepü̱xcüna wena nanamu nax yexma ngĩxü̃ nabagüãcuxü̃ca̱x ga tü̃xü̃. Rü yemaacü nanaxügü ga nümagü.
35 Rü yema dexá rü yema ãmarearü guchicaxü̃xü̃ ínayáeguãchi, rü yema ícaeguxü̃machate̱xe rü nanapá.
36 Rü yexguma orawa nanguxgu nax yaguãxü̃ ga wocaxacü, rü nüma ga Tupanaarü orearü uruxü̃ ga Ería rü naxca̱x nixũ ga yema ãmarearü guchicaxü̃. Rü tagaãcü nhanagürü: —Pa Corix, ya Abraáü̃arü rü Isáquiarü rü Iraéuanecüã̱xarü Tupanax ¡cugü inawe̱x i nhu̱xmax nax cuma quixĩxü̃ i Iraéuanecüã̱xarü Tupana, rü chama nax chixĩxü̃ i curü duü̃xü̃, rü cuma quixĩxü̃ i choxü̃ cumuxü̃ nax chanaxüxü̃ca̱x i guxü̃ma i nhaa chaxüxü̃!
37 ¡Choxü̃ nangãxü̃ga, Pa Corix, choxü̃ nangãxü̃ga nax ngẽmaãcü i nhaa duü̃xü̃gü nüxü̃ cua̱xgüxü̃ca̱x nax cuma quixĩxü̃ i Tupana rü nüxna cuxuxü̃ nax wena cuxca̱x nawoeguxü̃ca̱x! —nhanagürü.
38 Rü yexgumatama Cori ya Tupanaarü üxüema rü ngürüãchi yexma naétü nangu ga yema wocaxacümachi. Rü nixa ga yema namachi rü üxü rü wootama ga guma nutagü rü waixümü. Rü yema dexá ga yema ícaeguxü̃machate̱xewa yexmaxü̃ rü inayache.
39 Rü yemaxü̃ nadaugügu ga guxü̃ma ga duü̃xü̃gü rü nhaxtüanegu nanangücuchitanü rü nhanagürügü: —Nüma ya Cori nixĩ ya Tupana ixĩcü. Rü nüma ya Cori nixĩ ya Tupana ixĩcü —nhanagürügü.
40 Rü yexguma ga Ería rü yema duü̃xü̃güxü̃ nhanagürü: —¡Ípenayauxü̃ i guxü̃ma i Baáarü orearü uruü̃gü rü taxuxü̃táma ninha! —nhanagürü: Rü nüma ga duü̃xü̃gü rü ínanayauxü̃. Rü yexguma ga Ería rü natüxacü ga Chichóü̃wa nüxü̃ nanagagüxẽxẽ rü yexma nayadaü̃naxã.
Ería rü pucüca̱x nayumüxẽ
41 Rü yemawena ga Ería rü Acábixü̃ nhanagürü: —¡Íixũ rü yachibü rü yaxaxe! Erü marü nicuxcu ya pucü —nhanagürü.
42 Rü nüma ga Acábi rü natáegu rü nayachibü rü nayaxaxe. Notürü ga Ería rü ma̱xpǘne ga Carmérugu naxĩnagü. Rü yexma nayacaxã́pü̱xü rü nanangücuchi nhu̱xmata ga nachametü rü naã́pü̱xügümachate̱xewa nangu.
43 Rü norü ngü̃xẽẽruü̃xü̃ nhanagürü: —¡Dauxü̃guamaxü̃ra naxĩnagü, rü márguama yadawenü! —nhanagürü. Rü nüma ga norü duü̃xü̃ rü yéma naxũ rü márétü nayadawenü. Rü yemawena ga yema norü duü̃xü̃ rü nhanagürü: —Nataxuma nixĩ i ta̱xacü —nhanagürü. Notürü ga nüma ga Ería rü nanamu rü nhanagürü: —¡Rü 7 e̱xpü̱xcüna íyadau! —nhanagürü.
44 Rü yexguma marü norü 7 e̱xpü̱xcüna íyada̱xgu rü yema norü duü̃xü̃ rü nhanagürü nüxü̃: —Rü nüxü̃ chadau i wüxi i íraxü̃ i caixanexü̃ i márchiüétüwa ĩnagüemaxü̃ i wüxi i naxme̱xẽraxü̃xü̃ —nhanagürü. Rü yexguma ga Ería rü norü duü̃xü̃xü̃ nhanagürü: —¡Paxa inanhaãchi rü Acábimaxã nüxü̃ yarüxu rü naweü̃gu yaxüe rü ínaxĩ̱x nawa ya daa ma̱xpǘne rü íyaxũ naxü̃pa ya pucü! —nhanagürü.
45 Rü naweü̃gu naxĩnagü ga Acábi, rü paxa ĩane ga Yeréwa naxũ. Rü yexgumayane rü nanaxẽãchiane, rü nibua, rü tacü ga pucü ínangu.
46 Rü nüma ga Cori ya Tupana rü Eríana pora naxã. Rü yexguma marü nügüna pexnagüchirugu rü ĩane ga Yeréwa nanha. Rü Acábixü̃pa yéma nangu.
