1 Reis 5:1-18
5 Rü yexguma Iráü̃ ga Tíruarü ãẽ̱xgacü nüxü̃ cua̱xgux ga Charumáu rü nanatü ga Dawíchicüxü ãẽ̱xgacü nax yixĩxü̃, rü norü ngü̃xẽẽruü̃gü yéma Charumáuxü̃tawa namugü, yerü ga Iráü̃ rü guxü̃guma Dawíxü̃ nangechaü̃.
2 Rü yexguma ga Charumáu rü nanangãxü̃ga rü Iráü̃ca̱x yéma namuga rü nhanagürü:
3 “Cuma nüxü̃ cucua̱x ga gumá chaunatü ga Dawí nax taxucürüwama naxüãxü̃ ga guma Cori ya Tupanapata nagagu ga yema dai ga nagu tamaxü̃xü̃, nhu̱xmata Cori ya Tupana tümame̱xẽwa nayexmagüxẽẽ̱x ga yema tümaarü uanügü.
4 Notürü i nhu̱xmax i nüma ya Cori ya Tupana rü taãxẽ toxna naxã i guxü̃wama i tochixü̃anewa rü nataxuma i torü uanügü rü nataxuma i chixexü̃ i toxca̱x ínguxü̃.
5 Rü ngẽmaca̱x nagu charüxĩnü nax chorü Tupanaca̱x chanaxüxü̃ ya wüxi ya napata yema chaunatümaxã inaxunetaxü̃rüxü̃ nax chama tá yixĩxü̃ i naxca̱x chanaxüxü̃. Yerü Tupana rü nhanagürü tüxü̃ ga chaunatü: ‘Rü yimá cune ya cuchicüxü cuchicawa charütoxẽẽcü, rü yimá tá nixĩ ya naxücü ya chapata’, nhanagürü tüxü̃.
6 Rü ngẽmaca̱x, Pa Ãẽ̱xgacüx, Pa Iráü̃x, rü cuxna chaca i nhu̱xmax nax nhaa i puracüwa choxü̃ curüngü̃xẽẽxü̃ca̱x. ¡Rü namu i curü duü̃xü̃gü nax Líbanuarü naixnecüwa ocayiwa choxü̃́ ne nadexü̃ca̱x! Rü chamax rü tá chorü duü̃xü̃gü ngẽ́ma chamugü nax curü duü̃xü̃güxü̃ nangü̃xẽẽgüxü̃ca̱x. Rü chamax rü tá cuxü̃́ chanaxütanü i ngẽma naxca̱x ícuca̱xaxü̃e̱xpü̱x naxca̱x i curü duü̃xü̃güarü puracü. Erü cuma nüxü̃ cucua̱x rü taxúema ya Iraéuanecüã̱xgü nüxü̃ tacua̱x nax mürapewa tayaxuxü̃ i ngẽma curü duü̃xü̃gü i Chidóü̃cüã̱xgürüxü̃”, nhanagürü.
7 Rü nüma ga Iráü̃ rü nataãxẽxü̃chi namaxã ga yema dexa ga Charumáu yéma muxü̃, rü nhanagürü: —Tupanaxü̃ chicua̱xüxü̃, erü Dawína nanamu ga wüxi ya nane ya nüxü̃ cuácü nax ãẽ̱xgacü nax yixĩxü̃ca̱x i Iraéuanewa —nhanagürü.
8 Rü nhu̱xũchi nüma ga Iráü̃ rü Charumáuca̱x yéma namuga rü nhanagürü: “Marü chanayaxu i ngẽma ore i nua cha̱u̱xca̱x cumuxü̃, rü tá chanaxü i ngẽma naxca̱x ícuca̱xaxü̃. Rü cuxna tá chanana i ngẽma mürapewa i ocayiwanaxca̱x rü pĩ́ũnaxca̱x”, nhanagürü.
9 --
10 --
11 --
12 --
13 Rü yexguma ga Charumáu rü 30,000 ga puracütanüxü̃ nade ga guxü̃ma ga Iraéuanecüã̱xgütanüwa.
14 Rü ga guxema rü Líbanuarü naixnecüwa tüxü̃ napuracüexẽxẽ. Rü wüxi ga tauemacügu rü 10,000 yéma tüxü̃ namugü rü nai ga tauemacü rü toguxe ga 10,000 yéma tüxü̃ namugü. Rü yemaacü nanapuracüexẽxẽ ga guxü̃ma ga yema tamaepü̱xtücumü. Rü wüxichigü ga yatü rü wüxi ga tauemacü naixnecüwa nayexma rü taxre ga tauemacü napatawa nayexma. Rü Aduniráũ nixĩ ga tümamaxã icuáxü̃ ga yema puracüwa.
15 Rü nüma ga Charumáu rü nüxü̃́ nayexma ta ga 70,000 ga yatügü ga nugütaeruxü̃ rü 80,000 ga yatügü ga nutaarü mexẽẽcüwawa puracüexü̃ ga ma̱xpǘneanewa.
16 Rü yemaétü nüxü̃́ nayexma ga 3,300 ga norü duü̃xü̃gü ga yema puracütanüxü̃maxã icua̱xgüxü̃.
17 Rü yema nutaarü mexẽẽcüwaruü̃gü rü nutaarü ma̱xpǘnewa ne nayapoxochigü ga nutagü ga itacü rü itatanüxü̃chicü rü meama nayatogücüwagü nax guma Tupanapata naétü ütaxü̃xü̃ca̱x.
18 --
