1 Reyes 8:1-66
8 Rü yexguma ga Charumáu rü Yerucharéü̃wa naxca̱x nangema ga guxü̃ma ga yema norü ngü̃xẽẽruü̃gü ga ãẽ̱xgacügü rü guxü̃ma ga yema ãẽ̱xgacügü ga wüxichigü ga Iraéuanecüã̱xtücumümaxã icua̱xgüxü̃. Rü nanangutaque̱xexẽxẽ nax Chiã́ũ ga Dawíarü ĩanewa yayauxgüãxü̃ca̱x ga yema baú ga Cori ya Tupanaarü mugü nawa yexmaxü̃ nax Tupanapatawa nangegüãxü̃ca̱x.
2 Rü gumá taunecüarü 7 ga tauemacü ga Etanígu (utúbru) nixĩ ga Charumáu nangutaque̱xexẽẽxü̃ ga yema Iraéuanecüã̱xgü nax yaxãxü̃chigüaxü̃ca̱x ga guma Tupanapata. Notürü meama nagu nangu ga yema norü peta ga wüxichigü ga taunecügu norü düxenügü nagu naxüchigagüxü̃.
3 8:3-4 Rü yéma nangugü ga guxü̃ma ga Iraéuanecüã̱xgüarü ãẽ̱xgacügü. Rü yema chacherdótegü rü nanayauxgü ga yema baú ga Tupanaarü mugü nawa yexmaxü̃. Rü guma ĩpata ga Moiché üxüne ga nawa Tupana namaxã idexane rü nayangegü namaxã ga guxü̃ma ga yemaxü̃gü ga üünexü̃ ga yéma yexmagüxü̃. Rü yemagü rü chacherdótegü rü Lewítanüxü̃ nixĩ ga yanaxü̃.
4 Nüü̃ nadau 8:3
5 Rü nüma ga ãẽ̱xgacü ga Charumáu rü guxü̃ma ga yema Iraéuanecüã̱xgü ga yexma ngutaque̱xegüxü̃ rü yema baúpe̱xewa rü Tupanaca̱x nayagu ga muxũchixü̃ma ga carnérugü rü wocagü. Rü taxucürüwama texé ixugüxü̃ ga norü mu.
6 Rü yemawena ga yema chacherdótegü rü tupaucaarü aixepewa nanangegü ga yema baú ga yema tupaucachiã ga üünexü̃wa.
7 --
8 --
9 --
10 Rü yexguma ínachoxü̱̃xgu ga chacherdótegü ga yema nachica ga üünexü̃wa, rü caixanexü̃maxã nanapá ga guma Cori ya Tupanapata.
11 Rü nagagu ga yema caixanexü̃ rü nüma ga yema chacherdótegü rü taxuacüma yexma narücho nax Tupanaxü̃ yacua̱xüü̃güxü̃ca̱x, yerü Cori ya Tupanaarü üünemaxã nanapá ga guma Tupanapata.
12 --
13 --
14 --
15 --
16 --
17 --
18 --
19 --
20 --
21 --
22 Rü yemawena ga Charumáu rü nape̱xegu nachi ga yema guchicaxü̃ ga ngextá Cori ya Tupanaca̱x ãmaregü íguxü̃wa. Rü guxü̃ma ga yema Iraéuanecüã̱xgüpe̱xewa naxunagüme̱xẽ.
23 Rü nhanagürü: —Pa Corix, ya Iraéutanüxü̃güarü Tupanax, rü woo dauxü̃guxü̃ i naanewa rü woo nhama i naanewa rü nataxuma ya Tupana ya cuxrüxü̃ ixĩcü. Erü cumax rü cuyanguxẽxẽ i curü uneta rü tüxü̃ cungechaü̃ ya guxãma ya yíxema aixcuma cuga ĩnüxẽ.
24 --
25 --
26 --
27 ¿Notürü i cumax, rü nhuxũcürüwa i wüxi i íxraxü̃ i nachicawatama cumaxü̃xü̃ i nhama i naanewa? Rü ngẽxguma chi dauxü̃guxü̃ i naane rü tama yanguxgu nax nawa cungexmaxü̃ ¿rü nhuxãcü tá yanguxü̃ ya daa tupauca ya íxrane ya cuxca̱x chaxüxü̃ne?
28 Notürü Pa Corix, Pa Chorü Tupanax, rü chanaxwa̱xe i choxü̃́ nüxü̃ cuxĩnü i chorü yumüxẽ. ¡Rü naxü i ngẽma nhu̱xmax cuxü̃ naxca̱x chaca̱xaxü̃xü̃!
29 --
30 --
31 --
32 --
33 8:33-34 Rü ngẽxgumachi curü duü̃xü̃gü chixexü̃ üegu rü ngẽmagagu norü uanügü nüxü̃ rüporamaegu, rü to i nachixü̃anewa nagagüãgu, rü chanaxwa̱xe nax dauxü̃guxü̃ i naanewa icurüxĩnüxü̃ rü nüxü̃́ nüxü̃ icurüngümaxü̃ i norü chixexü̃gü, rü nhaa torü naane ga torü o̱xigüna cuxãxü̃ca̱x cunawoeguxẽẽxü̃ ega aixcuma cuga naxĩnüegu rü daa cupatawa naxca̱x ínacagügu i curü ngü̃xẽẽ.
34 Nüü̃ nadau 8:33
35 8:35-36 Rü ngẽxguma yapagüanegu rü taguma napuxgu nagagu i ngẽma chixexü̃ i curü duü̃xü̃gü i Iraéuanecüã̱xgü cupe̱xewa ügüxü̃, notürü i nümagü rü ngẽxguma cuxca̱x nawoegugu rü daa cupatawa yayumüxẽgügu, rü cuxü̃ yacua̱xüü̃gügu, rü nüxü̃ naxoegu i norü chixexü̃gü i naxca̱x cupoxcuexü̃, rü chanaxwa̱xe i dauxü̃guxü̃ i naanewa nüxü̃ cuxĩnü rü nüxü̃́ nüxü̃ curüngüma i norü chixexü̃gü rü cunangúexẽxẽ nax mexü̃ i nacümagu naxĩxü̃ca̱x rü cunamu ya yimá pucü nawa i nhaa naane i torü o̱xigüna cuxãxü̃.
36 Nüü̃ nadau 8:35
37 Rü ngẽxguma nhaa nachixü̃anewa nangemagu i taiya, rüe̱xna ínanguxgu i nanetüarü da̱xaweane, rüe̱xna naianexü̃maxã nayuegu i nanetügü, rüe̱xna ínangugügu i munügü, rüe̱xna õxmigü, rüe̱xna naweanegü, rü ngẽxguma torü uanügü nüxü̃ íchomaeguãchigu i torü ĩanegü nax toxü̃ nadaixü̃ca̱x, rüe̱xna ta̱xacürü to i guxchaxü̃, rüe̱xna da̱xaweanegü toxca̱x ínguxgu,
38 8:38-39 notürü ngẽxguma curü duü̃xü̃gü nüxü̃ naxoegu i norü chixexü̃gü rü daa tupaucawa yayumüxẽgügu, rü chanaxwa̱xe i dauxü̃guxü̃ i naanewa icurüxĩnü rü nüxü̃́ nüxü̃ curüngüma i norü chixexü̃gü rü nüxü̃ cungãxü̃ga i guxü̃ma i ngẽma duü̃xü̃gü i aixcuma cumaxã nüxü̃ ixuxü̃ i norü chixexü̃. Erü cuxicatama nixĩ i nüxü̃ cucuáxü̃ i wüxichigüarü maxü̃.
39 Nüü̃ nadau 8:38
40 Rü ngẽmaãcü i curü duü̃xü̃gü rü nhaa naane ga torü o̱xigüna cuxãxü̃wa namaxẽyane, rü tá cuxü̃ nicua̱xüxü̃gü.
41 8:41-42 Rü ngẽma duü̃xü̃gü i togü i nachixü̃anecüã̱x rü tá nüxü̃ naxĩnüe i cuchiga rü tá nüxü̃ nacua̱xgü nax nhuxãcü poraãcü toxü̃ curüngü̃xẽẽxü̃.
42 Nüü̃ nadau 8:41
43 Rü ngẽxguma tá yáxü̃wa cuxca̱x ne naxĩxgu nax nua daa tupaucawa yayumüxẽgüxü̃ca̱x ¡rü dauxü̃guxü̃ i naanewa irüxĩnü rü nüxü̃ nangãxü̃ i norü yumüxẽ! Rü ngẽmaãcü guxü̃táma i nhama i naanecüã̱x i nachixü̃anegü tá cuxü̃ nacua̱xgü rü tá cuga naxĩnüe ngẽma curü duü̃xü̃gü i Iraéuanecüã̱xgürüxü̃. Rü nümagü i yáxü̃wa ne ĩxü̃ rü tá nüxü̃ nacua̱xgü nax nua daa tupauca ya cuxca̱x chaxüxü̃newa nixĩ i cumaxã yadexagüxü̃ i duü̃xü̃gü.
44 8:44-45 Rü ngẽxguma toma itaxĩãchigu nax torü uanügümaxã togü tadaixü̃ca̱x i ngextá cuma toxü̃ ícumugüxü̃wa, rü ngẽxguma daa ĩane ya cuma nüxü̃ cuxunetane rü daa tupauca ya cuxca̱x chaxüxü̃neguama tarüdaunüãcüma tayumüxẽgu ¡rü dauxü̃guxü̃ i naanewa irüxĩnü i torü yumüxẽ rü toxü̃ ínapoxü̃ i torü uanügüme̱xẽwa!
45 Nüü̃ nadau 8:44
46 Rü ngẽxguma curü duü̃xü̃gü guxü̃ i duü̃xü̃gürüxü̃ cupe̱xewa chixexü̃ naxügügu rü ngẽmaca̱x namaxã cunuxgu, rü norü uanügüme̱xẽgu cunayi̱xẽẽgu nax ngẽmaãcü to i nachixü̃ane i yáxü̃guxü̃wa rüe̱xna ngaicamaguxü̃wa nagagüaxü̃ca̱x,
47 notürü ngẽxgumachi ngẽma nachixü̃anewa nüxna yacua̱xãchigügu i norü chixexü̃ i cupe̱xewa naxügüxü̃ rü cuxca̱x nawoegu̱xgux rü cuxna nacagügu nax nüxü̃́ nüxü̃ curüngümaxü̃ca̱x i norü chixexü̃gü,
48 rü ngẽxguma ngẽma nachixü̃anewa aixcuma cuga naxĩnüegu rü nhaa naane ga torü o̱xigüna cuxãxü̃guama nadaunüãcüma nayumüxẽgügu, rü daa ĩane ya Yerucharéü̃ ga cuma nüxü̃ cuxunetanegu rü daa tupauca ya cuxca̱x chaxüxü̃neguama nadaunüãcüma nayumüxẽgügu,
49 ¡rü dauxü̃guxü̃ i naanewa rü nüxü̃́ nüxü̃ naxĩnü i norü yumüxẽgü i nawa cuxü̃ naca̱a̱xü̃güxü̃, rü ínapoxü̃ i norü uanügüme̱xẽwa!
50 ¡Rü curü duü̃xü̃güaxü̃́ nüxü̃ iyarüngüma i ngẽma nax tama cuga naxĩnüexü̃ rü ngẽma norü chixexü̃gü i cupe̱xewa naxügüxü̃! Rü ngẽma ãẽ̱xgacügü i to i nachixü̃anewa nagagüxü̃ i curü duü̃xü̃gü ¡rü naxüchicüxü i norü ĩnü nax curü duü̃xü̃gü nüxü̃́ ngechaü̃tümüxü̃güxü̃ca̱x! —nhanagürü ga Charumáu ga norü yumüxẽwa.
51 --
52 --
53 --
54 8:54-55 Rü yemaacü yema ãmarearü guchicaxü̃pe̱xegu nacaxã́pü̱xüãcüma rü naxunagüme̱xẽãcüma Tupanamaxã nidexa ga Charumáu, rü Tupanana naxca̱x naca ga norü ngü̃xẽẽ. Rü yexguma nüxü̃ nachauxgu ga nax nayumüxẽ́xü̃, rü inachi rü guxü̃ma ga Iraéuanecüã̱xgümaxã mexü̃ naxuegu. Rü tagaãcü nhanagürü:
55 Nüü̃ nadau 8:54
56 —Poraãcü tamaxã namecüma ya tórü Cori ya Tupana ya tüxü̃ ípoxü̃cü nüxna i tórü uanügü, yema inaxunetaxü̃rüxü̃. Yerü nüma rü aixcuma nayanguxẽxẽ ga guxü̃ma ga yema norü unetagü ga mexü̃ ga norü duü̃ ga Moichéwa nüxü̃ yaxuxü̃.
57 Rü nhu̱xmax ya Cori ya Tupana rü nataxü̃tagu ga yexguma tórü o̱xigütanüwa nayexmagurüxü̃. Rü taxũtáma tüxna nixũgachi rü taxũtáma tüxü̃ ínawogü.
58 Rü tüxü̃ naporaexẽxẽ nax ngẽmaãcü naxca̱x idaugüxü̃ca̱x rü norü ngúchaü̃ ixügüxü̃ca̱x, rü nagu imaxẽxü̃ca̱x i guxü̃ma i norü mugü ga tórü o̱xigümaxã nüxü̃ yaxuxü̃ nax nagu imaxẽxü̃ca̱x.
59 Rü guxü̃ma i nhaa nüxna naxca̱x chaca̱xaxü̃ ya tórü Cori ya Tupana, rü chanaxwa̱xe i nüma rü chütacü rü ngunecü nagu narüxĩnü nax ngẽmaãcü choxü̃ nangü̃xẽẽxü̃ca̱x rü pexü̃ nangü̃xẽẽxü̃ca̱x i guxü̃wama.
60 Rü ngẽmaãcü chanaxwa̱xe i guxü̃ma i nachixü̃anegü i nhama i naanewa ngẽxmagüxü̃ nax nüxü̃ nacua̱xgüxü̃ca̱x nax aixcuma Tupana nax yixĩxü̃ ya tórü Cori, rü nataxuxü̃ma i to i naxrüxü̃ ixĩxü̃.
61 Rü ngẽmaca̱x i pemax rü name nixĩ i tórü Cori ya Tupanamaxã pixaixcumagü, rü name nixĩ i peyanguxẽxẽ rü naga pexĩnüe i guxü̃ma i norü mugü nhama i ngunexü̃gurüxü̃ —nhanagürü ga Charumáu.
62 --
63 --
64 --
65 Rü yexguma yaxãxü̃chigüã̱xgu ga guma tupauca ga taxü̃ne rü 14 ga ngunexü̃ ningegü. Rü yexma nangutaque̱xegü ga muxũchixü̃ma ga duü̃xü̃gü ga guxü̃wama ga Iraéuanewa ne ĩxü̃.
66 Rü yemawena ga Charumáu rü guxü̃ma ga yema duü̃xü̃güxü̃ narümoxẽ nax nachiü̃ca̱x nawoeguxü̃ca̱x. Rü nüma ga duü̃xü̃gü rü taãxẽãcüma nawoegu yerü Tupana rü nüxü̃ nanawe̱x nax nhuxãcü poraãcü norü duü̃ ga Dawítanüxü̃xü̃ nangechaü̃xü̃, rü nhuxãcü poraãcü nüxü̃ nax nangü̃xẽẽxü̃ i guxü̃ma i norü duü̃xü̃gü i Iraéuanecüã̱xgü. Rü nüma ga yema duü̃xü̃gü rü norü ãẽ̱xgacümaxã mexü̃ naxuegugü.
