1 Samuel 12:1-25
12 Rü yemawena ga Chamué rü guxü̃ma ga Iraéuanecüã̱xgüpe̱xewa nhanagürü: —Pema nüxü̃ pecua̱x rü guxü̃ma ga yema naxca̱x ípeca̱xaxü̃ rü pexca̱x chanaxü nax yangucuchixü̃ca̱x ya yimá perü ãẽ̱xgacü ya réi.
2 Daa nixĩ ya ãẽ̱xgacü ya pemaxã tá icuácü. Chama rü marü chaya rü chataueru, rü chaunegü rü petanüwa nangexmagü. Chama nixĩ ga pemaxã ichacuáxü̃ ga yexguma changextü̱xügucürüwa rü nhamamare.
3 Rü nhu̱xmax rü daxe chixĩ. Ega ngẽxguma chi texéarü wocaca̱x rüe̱xna búruca̱x changĩ̱xgux, rüe̱xna texéchi chaxaixgu, rü chixri tümamaxã ichacua̱xgu rüe̱xna chanayauxtanügu ga ta̱xacürü guxchaxü̃ chamexẽẽ̱xgu, rü marü name i Cori ya Tupanape̱xewa rü nape̱xewa ya yimá ãẽ̱xgacü ya Tupana nüxü̃ unetacü, rü choxü̃ ípexuaxü̃. Rü chama rü tá chanaxütanü i ngẽma pexü̃́ changetanüxü̃ —nhanagürü.
4 Rü nüma ga Iraéuanecüã̱xgü rü nanangãxü̃gagü, rü nhanagürügü: —Taguma toxchi cuxai rüe̱xna chixri tomaxã icucua̱x, rü taguma cunayauxtanü ga torü guxchaxü̃ cumexẽẽgu —nhanagürügü.
5 Rü nüma ga Chamué rü nhanagürü: —Nhu̱xma rü nüma ya Cori ya Tupana, rü nüma ya yimá ãẽ̱xgacü ya nüma nüxü̃ naxunetacü nixĩ ya nüxü̃ ĩnüecü nax pema rü taxuxü̃ma i chixexü̃ chawa ipeyangauxü̃ —nhanagürü. Rü nüma ga duü̃xü̃gü rü nhanagürügü: —Aixcuma ngẽmaãcü nixĩ —nhanagürügü.
6 Rü nüma ga Chamué rü nhanagürü ta nüxü̃ ga yema Iraéuanecüã̱xgü: —Rü nüma ga Cori ya Tupana nixĩ ga Moichéxü̃ rü Aróũxü̃ naporaexẽẽxü̃ nax Eyítuanewa perü o̱xigüxü̃ ínanguxü̃xẽẽ̱xü̃ca̱x.
7 --
8 --
9 --
10 --
11 --
12 Notürü ga pema ga yexguma Amóũtanüxü̃güarü ãẽ̱xgacüxü̃ pexĩnüegu nax pexca̱x íyachoõchichaü̃xü̃ nax pexü̃ nadaixü̃ca̱x, rü choxna naxca̱x peca ga wüxi ga ãẽ̱xgacü nax pemaxã inacuáxü̃ca̱x woo nax Cori ya Tupanachire̱x nax yixĩxü̃ ya perü ãẽ̱xgacü.
13 Rü daa nixĩ ya yimá ãẽ̱xgacü ya pematama naxca̱x ípeca̱xacü. Rü nüma ya Cori ya Tupana rü marü pexna nanamu ya yimá ãẽ̱xgacü ya naxca̱x ípeca̱xacü.
14 Rü nhu̱xmax i pema rü name nixĩ i aixcuma Tupanaxü̃ pengechaü̃gü, rü nüxü̃ pecua̱xüxü̃gü rü, naga pexĩnüe i guxü̃ma i ngẽma norü mugü. Rü wüxigu namaxã ya yimá perü ãẽ̱xgacü rü penaxwa̱xe i Tupana naxwa̱xexü̃ãcüma pemaxẽ. Rü ngẽxguma ngẽmaãcü penaxü̱xgu rü guxü̃táma mea nixũ.
15 Notürü ngẽxguma taxũtáma naga pexĩnüegu rü ngẽxguma nüxü̃ pexoxo̱xgu i ngẽma norü mugü, rü nüma ya Tupana rü tá pexü̃ rü perü ãẽ̱xgacüxü̃ napoxcu.
16 ¡Rü dücax, iperüdaunü naxca̱x i ngẽma taxü̃ i mexü̃ i Cori ya Tupana pepe̱xewa tá üxü̃ i nhu̱xmax!
17 Pema rü meama nüxü̃ pecua̱x rü nhu̱xmax nax tríguarü buxgüwa nanguxü̃ rü taguma napu. Rü ngẽmaca̱x i nhu̱xmax rü tá Tupanana chaca nax ãẽmacü rü pucü nua namuxü̃ca̱x nax ngẽmawa nüxü̃ pecua̱xãchitanüxü̃ca̱x i ngẽma chixexü̃ i taxü̃ i pexüxü̃ ga yexguma wüxi ya perü ãẽ̱xgacüca̱x ípeca̱xgu —nhanagürü.
18 Rü yexguma ga nüma ga Chamué rü Tupanana naca. Rü yexgumatama nüma ga Cori ya Tupana rü ãẽmacü inanaxǘxẽxẽ rü nanapuxẽxẽ. Rü yexguma ga guxü̃ma ga yema duü̃xü̃gü rü poraãcü Cori ya Tupanaxü̃ rü Chamuéxü̃ namuü̃e.
19 Rü yemaca̱x guxü̃ma ga yema duü̃xü̃gü rü Chamuéxü̃ nhanagürügü: —¡Cori ya curü Tupanana toxca̱x naca nax tama tayuexü̃ca̱x! Erü nhu̱xmax rü tanayexeraxẽxẽ i guxü̃ma i torü chixexü̃gü nagagu nax wüxi i torü ãẽ̱xgacü i réica̱x nax ítaca̱xaxü̃ —nhanagürügü.
20 Rü nüma ga Chamué rü nanangãxü̃ga rü nhanagürü: —¡Taxuca̱xma pemuü̃e! Rü aixcuma nixĩ ga chixexü̃ pexüxü̃. Notürü i nhu̱xmax rü ¡pexuãxẽ nax tama Cori ya Tupanana pexĩgachixü̃ca̱x, rü aixcuma nüxü̃ pengechaü̃güxü̃ca̱x rü nüxü̃ pecua̱xüü̃güxü̃ca̱x!
21 Rü tama name i nawe perüxĩ i ngẽma tupanagüneta i tama pexü̃ rüngü̃xẽẽxü̃ rü tama pexü̃ maxẽxẽẽxü̃, erü doragümare nixĩ i ngẽma.
22 Rü nümatama ya Cori ya Tupana rü marü pexü̃ nade yerü yemaacü nanaxwa̱xe, rü nüxü̃ nixu nax norü duü̃xü̃gü pexĩgüxü̃. Rü ngẽmaca̱x tagutáma pexü̃ ínawogü erü tama nanaxwa̱xe i texé nüxü̃ tixu nax tama yanguxẽẽãxü̃ i norü ore.
23 Rü nhu̱xmawena i chama rü tama chanaxwa̱xe i nüxü̃ charüchau nax pexca̱x chayumüxẽxü̃, erü ngẽma rü chixexü̃ nixĩ. Rü ngẽmaca̱x tá pexü̃ changúexẽẽama nax mea Cori ya Tupanaca̱x pemaxẽxü̃ rü mea nawe nax perüxĩxü̃ca̱x.
24 Rü nhu̱xmax i pema rü penaxwa̱xe i Tupanaaxü̃́ peyaxõgü rü aixcuma nüxü̃ pecua̱xüxü̃gü. ¡Rü nagu perüxĩnüe nax nhuxãcü poraãcü pexü̃ nax nangü̃xẽẽxü̃!
25 Notürü ngẽxguma chi chixexü̃ pexügüamagu, rü nüma ya Cori ya Tupana rü tá poraãcü pexü̃ rü perü ãẽ̱xgacüxü̃ napoxcu —nhanagürü ga Chamué.
