1 Samuel 15:1-35
15 Rü wüxi ga ngunexü̃gu rü Chamué rü Chaúxü̃ nhanagürü: —Nüma ga Cori ya Tupana nixĩ ga choxü̃ namuxü̃ nax chíxü̃maxã cuxü̃ chabaeruxü̃ca̱x nax yemaacü Iraéuanecüã̱xgüarü ãẽ̱xgacü quixĩxü̃ca̱x. ¡Rü ngẽmaca̱x irüxĩnü i ngẽma Cori ya Tupana cumaxã nüxü̃ ixuxü̃!
2 Rü nhanagürü ya Cori ya Tupana ya guxãétüwa ngẽxmacü: “Chanapoxcu tá i ngẽma Amaréchitanüxü̃gü naxca̱x ga yema Iraéutanüxü̃gümaxã naxügüxü̃, yerü yexguma Eyítuanewa ínachoxü̃gu rü tama norü naanewa nanachopetüxẽẽchaü̃.
3 Rü ngẽmaca̱x ¡ngẽ́ma naxũ rü nadai i guxü̃ma i ngẽma Amaréchitanüxü̃gü iyatüxü̃, rü ingexü̃, rü buxü̃gü, rü õxchanagü, rü wocagü, rü carnérugü, rü camérugü, rü búrugü! ¡Rü bai tá i wüxi ícuyaxüxẽẽxü̃!” —nhanagürü ga Cori ya Tupana.
4 Rü nüma ga Chaú rü guxü̃ma ga duü̃xü̃güca̱x nangema rü Teraíü̃gu nanangutaque̱xexẽxẽ. Rü 200,000 ga churaragü nixĩ ga ixĩmarexü̃. Rü yemaétüwa nayexma ga 10,000 ga yatügü ga Yudátanüxü̃ ixĩgüxü̃ ga yexma ngutaque̱xegüxü̃.
5 --
6 --
7 Rü yemawena rü nüma ga Chaú rü nanadai ga yema Amaréchitanüxü̃gü. Rü Abíraanewa inanaxügü rü nanadai nhu̱xmata Chúrwa nangu ga Eyítuanearü üyeanewa.
8 Rü nayayauxgü ga guma norü ãẽ̱xgacü ga Agáche rü nanadai ga guxü̃ma ga norü churaragü.
9 Notürü nüma ga Chaú rü yema norü churaragü rü tama nayama̱xgü ga guma Amaréchitanüxü̃güarü ãẽ̱xgacü ga Agáche, rü tama nanadai ga yema rümemaegüxü̃ ga carnérugü, rü wocagü, rü wocaxacügü. Rü tama ínanagu ga yema Amaréchitanüxü̃güarü yemaxü̃gü ga itatanüxü̃. Rü yema yemaxü̃gü ga taxuwama imexü̃xicatama nixĩ ga yema ínaguxü̃.
10 Rü yemawena ga Cori ya Tupana rü Chamuémaxã nidexa rü nhanagürü:
11 —Choxü̃́ nangu̱x ya Chaú nax ãẽ̱xgacüxü̃ nüxü̃ nax chaxunetaxü̃, erü choxna nixũgachi rü tama nayanguxẽxẽ i ngẽma chanamuxü̃ —nhanagürü. Rü nüma ga Chamué rü poraãcü naãxẽwa nangu̱x ga yema. Rü Cori ya Tupanamaxã nidexa ga guxü̃ma ga yema chütaxü̃gu.
12 Rü moxü̃ãcü pa̱xmama ga tauta yangóonegu, rü nüma ga Chamué rü inaxũãchi nax Chaúca̱x yadauxü̃. Notürü ga duü̃xü̃gü rü Chamuémaxã nüxü̃ nixugüe ga Chaú rü Ma̱xpǘne ga Carméruwa nax naxũxü̃ nax yéma íyanadaxẽẽãxü̃ca̱x ga wüxi ga nutapǘta ga cua̱xruxü̃ nax norü uanügüxü̃ naporamaexü̃, rü yemawena rü nhu̱xũchi Yigáwa nax naxũxü̃.
13 Rü yexguma yemaxü̃ nacua̱xgu ga Chamué rü Chaúca̱x nayadau rü düxwa yema ínayexmaxü̃wa nangu. Rü nüma ga Chaú rü nüxü̃ narümoxẽ rü nhanagürü nüxü̃: —¡Cori ya Tupana cuxü̃ rüngü̃xẽxẽ! Rü marü chayanguxẽxẽ i ngẽma Cori choxü̃ muxü̃ —nhanagürü.
14 Rü nüma ga Chamué nanangãxü̃ga rü nhanagürü: —¿Texéarü nixĩ i ngẽma carnérugü i ngẽ́ma iwáichaü̃, rü ngẽma wocagü i ngẽ́ma icagüxü̃ i nüxü̃ chaxĩnüxü̃? —nhanagürü.
15 Rü nüma ga Chaú rü nanangãxü̃ga rü nhanagürü: —Ngẽma chorü churaragü rü ínayaxügüxẽxẽ i ngẽma rümemaexü̃ i carnérugü, rü wocagü. Notürü Cori ya curü Tupanaca̱x tá tanadai. Rü guxü̃ma i ngẽma togü i naxü̃nagü i Amaréchitanüxü̃güarü rü marü tanadai —nhanagürü.
16 Rü nüma ga Chamué rü Chaúxü̃ nhanagürü: —¡Dücax, irüxĩnü i ngẽma ngewa̱x chütacü Tupana chamaxã nüxü̃ ixuxü̃! —nhanagürü. Rü nüma ga Chaú rü ínaca rü nhanagürü: —¿Nhuxũ nhaxü̃ cuxü̃? —nhanagürü.
17 Rü nüma ga Chamué rü nanangãxü̃ga rü nhanagürü: —Yexguma cugügu curüxĩnügu ga taxuwama nax cumexü̃, rü nüma ga Tupana rü cuxü̃ nayaxu ga Iraéuanecüã̱xgüarü ãẽ̱xgacü nax quixĩxü̃ca̱x.
18 Rü yexguma rü cuxca̱x choxna naxãga nax cuyadaixü̃ca̱x i guxü̃ma i ngẽma Amaréchitanüxü̃gü i chixexü̃gu ímaxẽxü̃ rü taxuxü̃táma nax ícuyaxüxẽẽxü̃ca̱x, nhanagürü cuxü̃.
19 ¿Rü nhu̱xmax ta̱xacüca̱x tama Tupanaga cuxĩnü? ¿Rü tü̱xcüü̃ cunhu̱xãẽ nax cunadexü̃ i ngẽma ngẽmaxü̃gü i Tupana cuxna chu̱xuxü̃, rü tama cunaxü i ngẽma cuxü̃ namuxü̃? —nhanagürü.
20 Rü nüma ga Chaú rü nanangãxü̃ga rü nhanagürü: —Chama rü Cori ya Tupanaga chaxĩnü, rü chayanguxẽxẽ ga guxü̃ma ga yema choxü̃ namuxü̃. Rü guma Agáche ga Amaréchitanüxü̃güarü ãẽ̱xgacü ga chiyaxucü rü nua chanaga, rü marü chanadai ga guxü̃ma ga yema togü ga Amaréchitanüxü̃gü.
21 Rü yema churaragü nixĩ ga nadexü̃ ga yema rümemaegüxü̃ ga carnérugü rü wocagü rü yemaxü̃gü nax Yigáwa Tupanaca̱x ínaguaxü̃ca̱x —nhanagürü.
22 Rü nüma ga Chamué rü ínaca rü nhanagürü: — ¿Ta̱xacü nixĩ i ngẽma rümemaexü̃ cuxca̱x? ¿Rü cuxca̱x rü ngẽma naxü̃nagü Tupanaca̱x iguxü̃ rü ẽ̱xna Tupanaga nax ixĩnüexü̃? Rü dücax rü ngẽma Tupana yexera namaxã taãxẽxü̃ nixĩ nax naga ixĩnüexü̃, rü tama carnérugüarü chíxü̃ naxca̱x nax íguxü̃.
23 Rü yíxema tama Tupanaga ĩnüxe rü nhamatama tayuüxü̃rüxü̃ poraãcü chixexü̃ taxü i Tupanape̱xewa. Rü yíxema chixri Tupanaga ĩnüxe rü nhamatama tupananetaxü̃ ticua̱xüü̃rüxü̃ chixexü̃ taxü. Rü dücax, rü nhu̱xmax nax nüxü̃ cuxoxü̃ i norü mugü, rü nüma ya Tupana rü cuxü̃ naxo nax Iraéuanecüã̱xgüarü ãẽ̱xgacü quixĩxü̃ —nhanagürü ga Chamué.
24 --
25 --
26 --
27 --
28 --
29 --
30 --
31 --
32 --
33 --
34 Rü yemawena ga Chamué rü norü ĩane ga Ramáwa naxũ. Rü nüma ga Chaú rü nachiü̃ca̱x natáegu ga Yibéawa.
35 Rü nüma ga Chamué rü taguma wena Chaúxü̃ nadau, notürü naxca̱x naxauxecha, yerü Tupanaaxü̃́ nangu̱x ga Chaúxü̃ Iraéuanecüã̱xgüarü ãẽ̱xgacüwa nax nanguxẽẽxü̃.