1 Samuel 23:1-29
23 --
2 --
3 --
4 --
5 --
6 --
7 --
8 --
9 --
10 --
11 --
12 --
13 --
Dawí rü ínachianexü̃ ga taxúema íxãpataxü̃wa nayexma
14 Rü nüma ga Dawí rü yema chianexü̃ ga Chípewa naxũ, rü yéma wüxi ga ma̱xpǘnearü ãxmaxü̃wa norü duü̃xü̃gümaxã nayexma. Rü nüma ga Chaú rü guxü̃ma ga ngunexü̃gu naxca̱x nadau, notürü ga Tupana rü Dawína nadau, rü yemaca̱x ga Chaú rü taguma nüxü̃ inayangau.
15 Notürü nüma ga Dawí rü Chaúca̱x namuü̃, yerü naxca̱x nadau ga nax yamáaxü̃ca̱x. Rü yemaca̱x ga Dawí rü naixnecü ga Oréchigu narüxã̱ũ̱x ga chianexü̃ ga Chípewa.
16 Rü wüxi ga ngunexü̃gu, rü nüma ga Yónataü̃ ga Chaú nane rü Oréchiwa naxũ ga Dawí íyexmaxü̃wa. Rü nayataãxẽxẽxẽ rü pora nüxna nayaxã nax yexera Tupanaaxü̃́ yaxõõxü̃ca̱x.
17 Rü Dawíxü̃ nhanagürü: —Taxuca̱xma cumuü̃ erü chaunatü ya Chaú rü tagutáma cuxü̃ itayangau. Cuma rü tá Iraéuanecüã̱xgüarü ãẽ̱xgacü quixĩ, rü chama rü tá cutüü̃wa chaxü. Rü ngẽma rü chaunatü ya Chaú rü marü nüxü̃ tacua̱x —nhanagürü.
18 Rü yexguma ga nüma ga Dawí rü Yónataü̃ rü Cori ya Tupanape̱xewa nügümaxã inaxügae. Rü yemawena ga Yónataü̃ rü natáegu, rü nüma ga Dawí rü yexmatama Oréchigu narüxã̱ũ̱x.
19 Notürü yema nachica ga Chífecüã̱x ga duü̃xü̃gü, rü Yibéawa naxĩ rü Chaúmaxã narüdexagü, rü nhanagürügü: —Dawí rü torü naanegu nicu̱x nagu i ngẽma ãxmaxü̃gü i ma̱xpǘne ya Aquiráwa ngẽxmagüxü̃ i Oréchiarü naixnecüwa i ngẽma chianexü̃ i nawa tangexmagüxü̃arü súwaama.
20 Rü ngẽxguma curü me yixĩxgu, Pa Ãẽ̱xgacüx ¡rü towe rüxũ! Rü toma rü tá cuxca̱x tayayauxgü rü cuxna tá tanamu —nhanagürügü.
21 Rü nüma ga Chaú rü nanangãxü̃ rü nhanagürü: —¡Tupana pexü̃ rüngü̃xẽxẽ erü choxü̃ pengechaü̃ rü chagu perüxĩnüe!
22 ¡Ru ẽcü pewoegu i nhu̱xmax, rü mea naxca̱x peyada̱u̱x i ngẽma nachica i nawa nangexmaxü̃! Rü ngẽxguma nüxü̃ ipeyanga̱xgu̱x rü ¡chamaxã nüxü̃ peyarüxu! Erü nüma rü naãxẽxü̃ nacua̱xüchi.
23 ¡Rü mea nüxü̃ pidaugü i guxü̃ma i norü cu̱xchicaxü̃ rü nhu̱xũchi nua chamaxã nüxü̃ peyarüxu! Rü chama rü tá pewe ngẽ́ma chaxũ. Rü ega aixcuma ngẽma naanewa nangexmagu, rü chama rü tá naxca̱x chadauama natanügu i ngẽma Yudátanüxü̃ —nhanagürü.
24 Rü nüma ga yema Chífecüã̱xgü rü Chaúxü̃ narümoxẽgü, rü nhu̱xũchi norü ĩaneca̱x nawoegu. Rü nüma ga Dawí rü norü churaragümaxã rü chianexü̃ ga Maóũwa nayexmagü ga yema chianexü̃arü súwaama.
25 Rü nüma ga Chaú rü norü churaragü rü inaxĩãchi nax naxca̱x nayadaugüxü̃ca̱x. Rü yexguma yemaxü̃ nacua̱xgu ga Dawí, rü guma ma̱xpǘnearü ãxmaxü̃wa nixĩgachi rü toxnamana naxĩ ga Maóũarü chianexü̃wa. Rü nüma ga Chaú rü yema Maóũarü chianexü̃gu naxücu nax yexma Dawíca̱x nadauxü̃ca̱x.
26 23:26-27 Rü nüma ga Chaú rü guma ma̱xpǘnecüwagu namaxã nixũ ga norü churaragü. Rü nüma ga Dawí rü norü tocüwagu Chaúcha̱xwa nibuxmü namaxã ga norü churaragü. Rü yexguma marü Chaú norü churaragümaxã Dawíxü̃ ínaxüexü̃gu nax yayauxgüaxü̃ca̱x, rü Chaúxü̃tawa nangu ga wüxi ga orearü ngeruxü̃ ga namaxã nüxü̃ yarüxuxü̃ nax paxa natáeguxü̃ca̱x yerü ga Firitéutanüxü̃gü rü wenaxarü Iraéuanecüã̱xgüca̱x ínayaxüãchi.
27 Nüü̃ nadau 23:26
28 Rü yemaca̱x ga nüma ga Chaú rü ínanangẽ̱x ga Dawíwe nax yangẽchigüxü̃, rü natáegu nax Firitéutanüxü̃gümaxã nügü yadaixü̃ca̱x. Rü yexgumacürüwa ga yema nachica ga Dawí nawa yexmaxü̃ rü “Ma̱xpǘne ya Nawa Yigüna Ixĩgachitanüãchínegu” naxãéga.
29 Rü yemawena ga Dawí rü Egádiarü chianexü̃wa naxũ nax yéma ma̱xpǘnegüarü ãxmaxü̃wa nayexmaxü̃ca̱x.
