1 Samuel 4:1-22
4 Rü yema ga ngunexü̃gügu ga Iraéuanecüã̱xgü rü Firitéutanüxü̃gümaxã nügü nadai. Rü ga Iraéuanecüã̱xgüarü churaragü rü ĩane ga Ebenéchearü ngaicamána nayexmagü rü Firitéutanüxü̃güarü churaragü rü ĩane ga Aféwa nayexmagü.
2 Rü nüma ga Firitéutanüxü̃gü rü nügü namexẽxẽ nax Iraéuanecüã̱xgümaxã nügü nadaixü̃ca̱x. Rü yexguma nügü nadaixgu, rü nüma ga Firitéutanüxü̃gü rü Iraéuanecüã̱xgüxü̃ narüporamaegü rü tüxü̃ nadai ga 4,000 ga norü churaragü.
3 Rü yexguma yema ínapegüxü̃ca̱x nawoegu̱xgu ga Iraéuanecüã̱xgüarü churaragü rü yema namaxã icua̱xgüxü̃ rü nügümaxã niporagatanücüxü nachiga ga yema nax Firitéutanüxü̃gü nadaixü̃, rü nhanagürügü nügümaxã: —¿Tü̱xcüü̃ i nhu̱xmax ya Tupana i Firitéutanüxü̃güxü̃ naxüchicaxü̃ nax tüxü̃ nadaixü̃ca̱x? ¡Rü ngĩxã Chíruwa taxĩ rü tayayaxu i ngẽma baú i Cori ya Tupanaarü mugü nawa ngẽxmaxü̃ nax ngẽmaãcü i nüma rü tatanüwa nangexmaxü̃ca̱x rü tüxü̃ ínapoxü̃xü̃ca̱x nüxna i ngẽma tórü uanügü! —nhanagürügü.
4 Rü yemaca̱x ga Iraéuanecüã̱xgü rü nhuxre ga churaragü Chíruwa namugü. Rü yéma nayayauxgü ga yema baú ga nawa nayexmaxü̃ ga norü mugü ga Cori ya Tupana ya guxü̃étüwa ngẽxmacü. Rü Opíni rü Finéya ga yema taxre ga Erí nanegü rü yema baú ga Cori ya Tupanaarü mugü nawa yexmaxü̃xü̃ta nixĩxü̃tanü.
5 --
6 --
7 --
8 --
9 --
10 Notürü ga yema Firitéutanüxü̃gü rü Iraéuanecüã̱xgüxü̃ nadai. Rü nüma ga Iraéuanecüã̱xgü rü nixü, rü yema ínapegüxü̃wa nabuxmü. Rü nayue ga muxü̃ma ga Iraéuanecüã̱xgüarü churaragü, rü 30,000 wa nangu.
11 Rü yexgumarüxü̃ ta nanapugü ga yema baú ga Tupanaarü mugü nawa yexmaxü̃, rü nanadai ga Opíni rü Finéya ga yema taxre ga Erí nanegü.
12 Notürü wüxi ga churara ga Bẽyamítanüxü̃ ixĩxü̃ rü ninha ga yema nügü ínadaixü̃wa rü yematama ngunexü̃gu Chíruwa nangu. Rü norü ngechaü̃maxã nügü nayarügáutechiru, rü nügü nabuxeru, rü yemaacü ínangu.
13 Rü yexguma yéma nanguxgu ga yema churara rü nüma ga Erí rü ĩã̱xwa narüto nawa ga yema norü tochicaxü̃. Rü namagu ínadawenü yerü naxca̱x naxoegaãxẽ ga yema baú ga Tupanaarü mugü nawa yexmaxü̃. Rü yema yatü rü guma ĩanegu naxücu rü nüxü̃ nixu ga yema ngupetüxü̃. Rü yexgumatama ga guxü̃ma ga duü̃xü̃gü rü inanaxügüe ga poraãcü nax naxauxexü̃.
14 Rü yemaxü̃ naxĩnügu ga Erí rü ínaca rü nhanagürü: —¿Ta̱xacüchiga nixĩ i ngẽma nax íyacuxcuxü̃? —nhanagürü. Rü nüma ga yema churara rü nanhu̱xãxẽ ga Erímaxã nüxü̃ nax yanaxuxü̃ ga yema ngupetüxü̃.
15 Rü nüma ga Erí rü nüxü̃́ nayexma ga 98 ga taunecü rü marü natauxetüxüchi ga yexguma.
16 Rü nüma ga churara rü nhanagürü: —Nhu̱xmatama íchangu i ngẽma togü ítadaixü̃wa nax ne chanhaxü̃. Rü nhu̱xmatama chinha i nawa i ngẽma dai —nhanagürü. Rü nüma ga Erí rü nüxna naca rü nhanagürü: —¿Ta̱xacü nangupetü, Pa Chaunex? —nhanagürü.
17 Rü nüma ga yema churara rü nanangãxü̃ga rü nhanagürü: —Nüma i Iraéuanecüã̱xgü rü Firitéutanüxü̃cha̱xwa nibuxmü nhu̱xmachi muxema ya tatanüxexü̃ nadai. Rü ngẽmatanügu nayue ya yimá taxre ya cune ya Opíni rü Finéya, rü ngẽma baú i Tupanaarü mugü nawa ngẽxmaxü̃ rü Firitéutanüxü̃gü nanapugü —nhanagürü.
18 Rü yexguma yemaxü̃ naxĩnügu ga Erí, ga Firitéutanüxü̃gü nax napuxü̃ ga yema baú ga Tupanaarü mugüchixü̃, rü norü tochicaxü̃wa ínawa̱x rü ĩã̱xü̃tagu nangu. Rü yema nax nayaxüchixü̃ rü yangüxü̃, rü yemaca̱x nibüyenaxã ga yexguma nanguxgu, rü yexma nayu. Rü nüma ga Erí rü 40 ga taunecü nixĩ ga Iraéuanecüã̱xgümaxã inacuáxü̃.
19 --
20 --
21 --
22 --