1 Samuel 7:1-17
7 Rü nüma ga Quiriáte-Yearíü̃cüã̱xgü rü Becheméwa nayayauxgü ga yema baú ga Cori ya Tupanaarü mugüchixü̃. Rü norü ĩanewa nanangegü rü nayaxǘcuchigü napatagu ga Abinadábi ga wüxi ga ma̱xpǘnegu ãchiü̃cü. Rü nane ga Ereacháxü̃ naxunetagü nax nüxna nadauxü̃ca̱x.
Chamué rü Iraéuanecüã̱xgümaxã inacua̱x
2 Rü 20 ga taunecü ningu ga yema Tupanaarü mugüchixü̃ ga ĩane ga Quiriáte-Yearíü̃wa nax nayexmaxü̃. Rü guxü̃ma ga Iraéuanecüã̱xgü rü poraãcü nangechaü̃gü yerü nüma nagu naxĩnüegu rü nüma ga Cori ya Tupana rü marü ínanawogü.
3 Rü yemaca̱x nüma ga Chamué rü guxü̃ma ga yema Iraéuanecüã̱xgüxü̃ nhanagürü: —Ngẽxguma pema rü aixcuma Cori ya Tupanaca̱x pewoegu̱xgux, rü name nixĩ i ípenawogü i guxü̃ma i ngẽma tupananetagü ixĩgüxü̃, rü ngẽma tupananeta i Atarúchichicüna̱xã. Rü penaxwa̱xegü i Cori ya Tupanaguxicatama perüxĩnüe rü nüxü̃ pecua̱xüxü̃gü. Rü ngẽxguma ngẽmaãcü penaxü̱xgux, rü nüma ya Tupana rü tá pexü̃ ínanguxü̃xẽxẽ naxme̱xwa i ngẽma Firitéutanüxü̃gü —nhanagürü.
4 Rü nüma ga Iraéuanecüã̱xgü rü ínanawogü ga naguxü̃raxü̃ãcü üxü̃ ga Baáchicüna̱xãgü rü Atarúchichicüna̱xãgü. Rü Cori ya Tupanaxü̃xicatama nicua̱xüxü̃gü.
5 Rü yemawena ga Chamué rü Iraéuanecüã̱xgüxü̃ nhanagürü: —¡Ĩane ya Míspagu pengutaque̱xegü i guxãma i pemax i Iraéuanecüã̱xgü! Rü ngẽ́ma tá nixĩ i peétüwa nüxna chachogüxü̃ ya Tupana —nhanagürü.
6 Rü nüma ga Iraéuanecüã̱xgü rü Míspagu nangutaque̱xegü. Rü yéma puchuwa dexáta nayauxü̃gü, rü Cori ya Tupanape̱xegu nanabagü norü ãmareruxü̃. Rü yema ga ngunexü̃gu rü naxauree rü tama nachibüe. Rü guxü̃ma ga duü̃xü̃gü rü nüxü̃ nixugüe nax chixexü̃ naxügüxü̃ ga Tupanape̱xewa. Rü yéma Míspawa nixĩ ga Chamué ga inaxügüãxü̃ ga Iraéuanecüã̱xgümaxã inacuáxü̃.
7 --
8 --
9 --
10 --
11 --
12 --
13 --
14 --
15 Rü yexguma namaxü̱̃xgu ga Chamué rü Iraéuanecüã̱xgümaxã inacua̱x.
16 Rü gucüma ga taunecügu rü ĩanegü ga Betéuwa rü Yigáwa rü Míspawa naxũũxü̃ nax yema Iraéuanecüã̱xgüxü̃ yanangü̃xẽẽxü̃ca̱x nax nhuxãcü inawe̱xãchixẽẽãxü̃ca̱x ga norü guxchaxü̃gü.
17 Rü nhu̱xmachi norü ĩane ga Ramáca̱x natáeguuxü̃, yerü yexma nixĩ ga naxãchiü̃xü̃. Rü yéma nixĩ ga Iraéuanecüã̱xgümaxã inacuáxü̃. Rü yexma nanaxü ga Cori ya Tupanaarü cua̱xüxü̃chica ga nawa naxü̃nagü yaguxü̃.
