1 Samuel 9:1-27
9 Rü Bẽyamítanüxü̃wa nayexma ga wüxi ga yatü ga Quíchigu ãégacü. Rü nüma rü Abié nane nixĩ rü Cherótaxa nixĩ. Rü guxema toguxe ga norü o̱xi rü Becoráchi ga Afía nane tixĩ. Rü nüma ga Quíchi rü wüxi ga yatü ga guxãma nüxü̃ ngechaü̃cü nixĩ.
2 Rü nüma rü nüxü̃́ nayexma ga wüxi ga nane ga ngextü̱xücü ga guxü̃wama mexechicü ga Chaúgu ãégacü. Rü guxü̃ma ga yatüxü̃ ga Iraéuanecüã̱xgüarü yexera namexechi, rü norü máchanewa rü taxúema nüxü̃ tangupetü ga naatüwa.
3 Rü wüxi ga ngunexü̃gu rü Quíchiarü búrugü rü inarütauxe. Rü yemaca̱x nane ga Chaúxü̃ nhanagürü: —¡Cugü namexẽxẽ rü naxca̱x yadau i ngẽma búrugü! ¡Rü wüxi i tórü duü̃xü̃maxã íxãmücü! —nhanagürü.
4 Rü nüma ga Chaú rü inaxũãchi. Rü Efraĩ́arü naanearü máxpü̱xanexü̃wa nixüpetü, rü nhu̱xũchi Charicháarü naanewa rü ta naxüpetü, notürü tama nüxü̃ inayangau ga norü búrugü. Rü yexgumarüxü̃ ta Charíü̃arü naanewa rü Bẽyamíarü naanewa naxüpetü, notürü yéma rü ta taxuxü̃ma inayangau.
5 Rü yexguma Chúfe naanewa nanguxgu, rü nüma ga Chaú rü guxema norü duü̃xẽ ga íyaxümücüxexü̃ nhanagürü: —¡Ngĩxã tawoegu! Rü nhuxcü ya chorü papá rü ngẽma búrugüca̱x nax taxoégaãẽxü̃arü yexera taxca̱x taxoégaãxẽ —nhanagürü.
6 Rü nüma ga yema norü duü̃xü̃ rü nanangãxü̃ga rü nhanagürü: —Daa ĩanewa nangexma i wüxi i Tupanaarü orearü uruxü̃ i guxãma nüxü̃ ngechaü̃güxü̃, erü guxü̃ma i nüxü̃ yaxuxü̃ rü ngẽmaãcü ningu. ¡Rü ngĩxã naxü̃tawa taxĩ! Rü nüma tá tamaxã nüxü̃ nixu nax ngextá nangexmagüxü̃ i ngẽma búrugü —nhanagürü.
7 --
8 --
9 --
10 --
11 --
12 --
13 --
14 Rü yexguma ga Chaú rü yema duü̃xü̃maxã guma ĩaneca̱x nixĩama. Rü yexguma guma ĩanewa nangugügu, rü nüma ga Chamué rü yéma ne naxũ ga ngutaque̱xepataü̃wa nax naxũxü̃ca̱x.
15 --
16 --
17 Rü yexguma Chaúxü̃ nada̱xgux ga Chamué, rü nüma ga Cori ya Tupana rü nhanagürü nüxü̃: —Ngẽma nixĩ i ngẽma yatü i cumaxã nüxü̃ chixuxü̃, rü nüma tá nixĩ i chorü duü̃xü̃gümaxã inacuáxü̃ —nhanagürü.
18 Rü yexguma guma ĩanearü ücuchicawa nayexmagügu, rü nüma ga Chaú rü Chamuéca̱x nixũ rü nhanagürü: —¡Tomaxã nüxü̃ ixu rü ngexta nixĩ i napexü̃ ya yimá Tupanaarü orearü uruxü̃! —nhanagürü.
19 Rü nüma ga Chamué rü nanangãxü̃ga rü nhanagürü: —Chama nixĩ i orearü uruxü̃ chixĩxü̃. ¡Rü ngĩxã chawe rüxũ i ngutaque̱xepataü̃wa, rü chauxü̃tawa yachibü! Rü moxü̃ pa̱xmama tá cumaxã nüxü̃ chixu i guxü̃ma i ngẽma choxna naxca̱x cuca̱xaxü̃, rü nhu̱xmachi tá cuxü̃ íchimu.
20 ¡Rü tauxü̃́ i naxca̱x cuxoégaãẽxü̃ i ngẽma búrugü i tamaepü̱x i ngunexü̃ marü iyarütauxexü̃! Erü marü nüxü̃ inayangaugü. Rü naétü rü guxü̃ma i Iraéuanearü ngẽmaxü̃gü rü cuxme̱xwa nangexma i nhu̱xmax —nhanagürü.
21 Rü nüma ga Chaú rü nanangãxü̃ga rü nhanagürü: —Notürü i chama rü Bẽyamítanüxü̃ chixĩ, rü ngẽma totücumü rü guxü̃ma i togü i Iraéuanecüã̱xgütücumüxü̃ narünoxremae. Rü nhu̱xmachi ngẽma nügütanüxü̃chigü i Bẽyamítücumüwa ügüxü̃, rü chautanüxü̃ nixĩ i guxü̃arü yexera taxúema nagu rüxĩnüexü̃. Rü ngẽmaca̱x ¿tü̱xcüü̃ chamaxã nüxü̃ quixu nax guxü̃ma i Iraéuanearü ngẽmaxü̃gü rü cha̱xme̱xwa nangexmaxü̃? —nhanagürü.
22 Rü yemawena ga Chamué rü chibüchicawa nanagagü ga Chaú rü norü duü̃xü̃. Rü yema rümemaexü̃ ga nachicawa nanatogüxẽxẽ natanüwa ga yema 30 ga duü̃xü̃gü ga nüxna naxuxü̃.
23 Rü nüma ga Chamué rü yema üwemüxü̃xü̃ namu nax Chaúna naxããxü̃ca̱x ga yema rümemaexü̃ ga namachi ga woetama naxca̱x ínaxüxüchixü̃.
24 Rü yexgumatama ga yema üwemüruxü̃ rü wüxi ga naperema ga mexü̃ne nayaxu rü Chaúpe̱xegu nayaxǘ. Rü nüma ga Chamué rü Chaúxü̃ nhanagürü: —Ngẽma nixĩ i woetama cuxü̃́ íchaxüxüchixü̃. ¡Rü nayaxu rü nangõ̱x! Erü woetama cuxü̃́ íchanaxüxüchi naxü̃pa ga nhaa duü̃xü̃güna nax chaxuxü̃ —nhanagürü. Rü nüma ga Chaú rü Chamuémaxã nachibü ga yema ngunexü̃gu.
25 Rü yexguma marü Tupanapatawa ínachoxü̃gu ga ĩanewa nax naxĩxü̃, rü ĩpataarü dauxü̃wa Chaúca̱x nanamexẽẽgü ga wüxi ga pechica.
26 Rü nüma ga Chaú rü yexma nape. Rü moxü̃ãcü nüma ga Chamué rü Chaúxü̃ naca ga ĩpataarü dauxnawa, rü nhanagürü nüxü̃: —¡Írüda rü marü name nax íquixũxü̃! —nhanagürü. Rü nüma ga Chaú rü ínarüda. Rü yemawena rü ínachoxü̃ ga Chaú rü Chamué, rü namawa naxĩ.
27 Rü yexguma marü guma ĩanewa ínachoxü̃gu, rü nüma ga Chamué rü Chaúxü̃ nhanagürü: —¡Ẽcü cugüpe̱xe yamu i ngẽma curü duü̃xü̃, rü cuma rü paxaãchi nuxã rüxã̱ũ̱x! Erü cumaxã nüxü̃ chixuxchaü̃ i ngẽma ore i Tupana chamaxã nüxü̃ ixuxü̃ —nhanagürü.
