2 Corĩ́tiucü̃ãꞌ 1:1-24
1 Pa Chaueneẽgü i Corĩ́tiucü̱̃ã̱xgü i Tupanaãxü̃́ jaxõgüxü̃, rü Pa Chaueneẽgü i Guxü̃ma i Acajaanewa Ngẽxmagüxü̃, chama i Pauru nixĩ i pexca̱x chanaxümatüxü̃ i nhaã popera wüxigu namaã i taeneẽ i Timúteu. Rü chama nixĩ i Tupana choxü̃ jaxuxü̃ na Ngechuchu ja Cristu choxü̃ muxü̃ na nüxü̃ chixuxü̃ca̱x i norü ore.
2 Rü tanaxwa̱xe na Tanatü ja Tupana rü tórü Cori ja Ngechuchu ja Cristu poraãcü pexü̃ narüngü̃xẽẽxü̃ rü pexü̃ nataãẽxẽẽxü̃.
Pauru rü ngúxü̃ ninge
3 Rü toma rü nüxü̃ ticua̱xüü̃gü ja Tupana ja Nanatü ja tórü Cori ja Ngechuchu ja Cristu. Erü nüma nixĩ ja Tanatü ja nüxü̃́ ingechaü̃tümüü̃gücü rü tórü Tupana ja guxü̃guma tüxü̃ taãẽxẽẽcü.
4 Rü nüma ja Tupana rü toxü̃ nataãẽxẽẽ i ngẽxguma ngúxü̃ tingexgu, na toma rü ta tanataãẽxẽẽgüxü̃ca̱x i ngẽma togü i duü̃xü̃gü i ngúxü̃ ingegüxü̃. Rü ngẽmaãcü ngẽma Tupana toxü̃ na taãẽxẽẽxü̃rüü̃ toma rü ta tanataãẽxẽẽgü i ngẽma togü i duü̃xü̃gü.
5 Rü nhu̱xma na Cristurüü̃ poraãcü ngúxü̃ tingegüxü̃, rü ngẽxgumarüü̃ nümatama poraãcü toxü̃ nataãẽxẽẽ.
6 Rü ngẽmaca̱x, ngẽxguma toma ngúxü̃ tingegügu, rü ngẽmaãcü toxü̃ nangupetü na pema rü pexü̃́ nangẽxmaxü̃ca̱x i perü taãẽ rü perü maxü̃ i taguma gúxü̃. Rü ngẽxguma Tupana toxü̃ taãẽxẽẽgu, rü ngẽmaãcü tomaã nanaxü na pema rü ta pexü̃́ nangẽxmaxü̃ca̱x i perü taãẽ rü jaxna namaã pexĩnüẽxü̃ca̱x i ngẽxguma ngẽmatama ngúxü̃ i toma tingegüxü̃ pexü̃́ ngẽxmagu.
7 Toma rü aixcuma tajaxõgü na pema rü tagutáma ípenatáxü̃ i Tupanaãrü ore. Erü nüxü̃ tacua̱x rü ngẽma na toxrüü̃ ngúxü̃ peingegüxü̃, rü ngẽxgumarüü̃ tá ta toxrüü̃ pexü̃́ nangẽxma i ngẽma taãẽ i Tupanawa ne ũxü̃.
8 Pa Chaueneẽgüx, tanaxwa̱xe i nüxü̃ pecua̱x na nhuxre ga guxchaxü̃gü toxü̃ ngupetüxü̃ ga Áchiaanewa. Rü jema na poraãcü toxü̃́ naguxchaxü̃, rü düxwa marü tama namaã taporae, rü nagu tarüxĩnüẽ na marü tãũxü̃táma tamaxẽxü̃.
9 Rü nagu tarüxĩnüẽ rü nhama juwa taxĩxü̃rüü̃ tixĩgü. Notürü jemaãcü toxü̃ naxüpetü, erü Tupana ja juexü̃xü̃ írüdagüxẽẽcü toxü̃ nangúexẽẽchaü̃ na nüxĩcatama nüxü̃́ nangẽxmaxü̃ i pora na juwa toxü̃ ínanguxü̃xẽẽxü̃ca̱x, rü taxucürüwama togütama na ítanguxü̃xẽẽxü̃.
10 Rü Tupana rü toxü̃ ínanguxü̃xẽẽ nawa ga jema guxchaxü̃ ga juwa toxü̃ gagüchaü̃xü̃. Rü ngẽxgumarüü̃ tá ta toxü̃ ínanguxü̃xẽẽ nawa i nhaã taxü̃ i guxchaxü̃ i nhu̱xma toxü̃́ ngẽxmaxü̃. Rü aixcuma tajaxõgü na nüma rü guxü̃gutáma ngẽmaãcü toxü̃ nangüxẽẽxü̃.
11 Notürü tanaxwa̱xe i pema rü perü jumuxẽmaã toxü̃ perüngü̃xẽẽ. Rü ngẽxguma chi ngẽmaãcü penaxü̱xgux, rü muxü̃ma i duü̃xü̃gü rü tá Tupanana moxẽ naxãgü naxca̱x i ngẽma na nhuxãcü toxü̃ nangü̃xẽẽxü̃.
Tü̱xcüü̃ tama Corĩ́tiuwa naxũ ga Pauru
12 Nangẽxma i ṯacü i toxü̃ taãẽxẽẽxü̃. Rü ngẽma nixĩ na toõẽwa nüxü̃ tacuáxü̃ na nhama i naãnewa rü aixcuma Tupana naxwa̱xexü̃ãcüma meã tamaxẽxü̃. Rü pepe̱xewa nixĩ ga guxü̃ãrü jexera jemaãcü tamaxẽxü̃. Notürü tama togagu nixĩ ga jema, jerü Tupana ja tomaã mecümacü nixĩ ga toxü̃ rüngü̃xẽẽcü na jemaãcü pepe̱xewa tamaxẽxü̃ca̱x.
13 1:13-14 Rü jema poperagü ga pexca̱x taxümatüxü̃wa, rü nataxuma ga ṯacü ga icúxü̃. Notürü jema toma tamaxẽxü̃ãcüma nixĩ ga pexca̱x tanaxümatüxü̃ na jemawa meã nüxü̃ pecuáxü̃ca̱x na nhuxãcü tixĩgüxü̃. Rü woo i nhu̱xma rü tama aixcuma meã toxü̃ na pecuáxü̃, notürü chanaxwa̱xe i wüxi i ngunexü̃gu rü aixcuma meã toxü̃ pecua̱x. Rü ngẽxguma meã toxü̃ pecua̱xgu rü pema rü tá tomaã petaãẽgü i ngẽxguma ínanguxgu ja tórü Cori ja Ngechuchu, rü ngẽxgumarüü̃ i toma rü tá ta pemaã tataãẽgü.
14 Nüü̃ nadau 1:13
15 1:15-16 Rü jemagu charüxĩnüxü̃ca̱x nixĩ ga noxri ga pexü̃tawa na chaxũxchaü̃xü̃ na pexü̃ íchajadauxü̃ca̱x rü jemaãcü pexü̃ na charüngü̃xẽẽxü̃ca̱x. Rü nagu charüxĩnü ga Machedóniããnewa chaxũxgu na pexü̃tagu íchidauxü̃, rü jexguma Machedóniããnewa ne chaxũxgu rü wenaxãrü pexü̃tagu íchidauxü̃. Rü jemaãcü chanaxüxchaü̃, jerü nagu charüxĩnü na jemawena choxü̃ perüngü̃xẽẽxü̃ na Judéaanewa chaxũxü̃ca̱x.
16 Nüü̃ nadau 1:15
17 Bexmana pema nagu perüxĩnüẽgu rü tama aixcuma chajanguxẽẽẽ́gaãcüma nagu charüxĩnü ga jema pexü̃tawa na chaxũẽ́gaxü̃. ¿E̱xna pema nagu perüxĩnüẽgu rü nhama wüxi i duü̃xü̃ i tama Tupanaãxü̃́ jaxõxü̃rüü̃ãcüma chamaxü̃, rü “Ngü̃” nhacharügüchire̱x woo tama chajanguxẽẽẽ́gagu i ngẽma nüxü̃ chixuxü̃?
18 Notürü Tupana toxü̃ nacua̱x na aixcuma jiĩxü̃ i ngẽma torü ore ega pemaã itaxunetagu.
19 Erü jima Ngechuchu ja Cristu ja Tupana Nane ga guma Siuwánu rü Timúteu rü chama pemaã nüxü̃ tixuchigacü, rü ore i aixcuma ixĩxü̃xü̃xicatama nixu. Rü nüma rü aixcuma najanguxẽẽ i ngẽma nüxü̃ jaxuxü̃.
20 Rü Cristu nixĩ ja jima janguxẽẽcü ga guxü̃ma ga jema unetagü ga Tupana nuxcümaxü̃chi nüxü̃ ixuxü̃. Rü ngẽmaca̱x ngẽxguma Ngechuchuégagu Tupanaxü̃ icua̱xüü̃gügu, rü nhatarügügü:
“Rü aixcuma nixĩ i ngẽma”, nhatarügügü.
21 Rü nhu̱xma na Cristuarü duü̃xü̃gü ixĩgüxü̃, rü Tupana nixĩ ja toxü̃ poraexẽẽcü rü pexü̃ poraexẽẽcü na taguma Cristuna ixĩgachixü̃ca̱x. Rü nümatama nixĩ ga tüxü̃ jadexechixü̃ na noxrü ixĩgüxü̃ca̱x.
22 Rü nüma ja Tupana rü naẽ́ga tagu naxü erü tórü jora nixĩ. Rü nüma rü tüxna nanamu i Naãẽ i Üünexü̃ na wüxi i tórü cua̱xruü̃ jiĩxü̃ca̱x, rü ngẽmawa nüxü̃ icuáxü̃ca̱x na jixcüra tá tüxna naxããxü̃ i muxü̃ma i to i mexü̃gü.
23 Pema nüxü̃ pecua̱x ga noxri rü Corĩ́tiuwa chaxũxchaü̃, notürü tama jéma petanüwa chaxũ jerü tama chanaxwa̱xe na pexü̃ changechaü̃güxẽẽxü̃. Rü jemaca̱x tama pexü̃tawa íchajadau, jerü tama pexü̃ chingagüchaü̃. Rü Tupana nüxü̃ nacua̱x na aixcuma na jiĩxü̃ ga jema.
24 Rü tama tanaxwa̱xe na pexü̃ tamuxü̃ na nhuxãcü tá Tupanaãxü̃́ pejaxõgüxü̃. Erü pema rü marü aixcuma meãma pejaxõgü. Notürü ngẽma tanaxwa̱xexü̃ nixĩ na pexü̃ tarüngü̃xẽẽgüxü̃ na jexeraãcü petaãẽgüxü̃ca̱x.
